Hótel, baðlón og heilsulind við Langasand á Akranesi

Bjarki Sigurðsson skrifar 7. mars 2023 10:59

Stefnt er að því að hótel rísi á Langasandi. Akraneskaupstaður

Viljayfirlýsing um uppbyggingu við Langasand á Akranesi var undirrituð í dag. Byggt verður hótel, baðlón og heilsulind á svæðinu en einnig er áformuð uppbygging á svæði ÍA þar sem verða nýir knattspyrnuvellir fyrir félagið og stórbætt aðstaða fyrir iðkendur og íbúa.

Viljayfirlýsingin var undirrituð í dag af Akraneskaupstað, Ísold fasteignafélagi, Knattspyrnufélagi AKraness og Íþróttabandalagi Akraness (ÍA) en undirritunin fór fram í húsnæði þess síðastnefnda.

Viljayfirlýsingin var undirrituð í dag.Akraneskaupstaður

Fyrstu skref verða að greina tækifæri í ferðaþjónustu og að móta stefnu á því sviði og er áætlað að þeim fasa ljúki innan fjögurra mánaða. Þá hefst vinna við deiliskipulag og aðra slíka þætti.

„Hér er verið að fara í gang með mjög metnaðarfullar hugmyndir um uppbyggingu í ferðaþjónustu sem okkur hefur skort á Akranesi, en auk þess getum við bætt enn frekar aðstöðu fyrir íþróttastarfið hjá okkur. Þetta eru mikilvæg skref fyrir áframhaldandi vöxt Akraness og tilað auka enn við þjónustu og upplifun á þessu fallega svæði sem gegnir lykilhlutverki í lífi Akurnesinga,“ er haft eftir Sævari Þráinssyni, bæjarstjóra á Akranesi, í tilkynningu.

Akranes Ferðamennska á Íslandi Fótbolti ÍA

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.