Viðskipti innlent

66°Norður loka á Strikinu

Viktor Örn Ásgeirsson skrifar
Verslun 66°Norður á Sværtegade stendur enn opin.
Verslun 66°Norður á Sværtegade stendur enn opin. Aðsend

Fyrirtækið 66°Norður hefur ákveðið að loka verslun sinni á Strikinu í Kaupmannahöfn. Yfirmaður verslunarsviðs segir að verið sé að hagræða í rekstri og mæta breytingum á markaði. Fyrirtækið opnaði verslunina á Strikinu árið 2015.

Fyrirtækið segir í tilkynningu að ákveðið hafi verið að endurnýja ekki leigusamning verslunarinnar á Strikinu. Húsnæðið hafi verið orðið of lítið og óhagkvæmt fyrir reksturinn. Ráðist hafi verið í breytingarnar með staðsetningu, vöruúrval og stærð verslana í huga. Enn verður opið á Sværtegade 12.

„Í rauninni erum við bara aðeins að hagræða í rekstrinum hjá okkur. Við erum búin að opna aftur í Illum, við vorum með rekstur þarna fyrir Covid þannig að við opnuðum þar aftur. Í rauninni er þetta líka bara svolítið hvernig markaðurinn í Danmörku er - Illum er að styrkjast gríðarlega mikið.“

„Við sjáum líka teikn á lofti varðandi asíska markaðinn sem er að koma til baka og Illum hefur verið mjög sterkt og er í sókn,“ segir Aldís Arnardóttir, yfirmaður verslunarsviðs 66°Norður, í samtali við Vísi. Salan gangi vel, bæði í Illum og á Sværtegade.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×