Hver tekur við landsliðinu? Ingvi Þór Sæmundsson skrifar 23. febrúar 2023 09:01 Nokkrir þeirra sem koma til greina sem næsti landsliðsþjálfari. Forráðamenn HSÍ standa nú frammi fyrir því krefjandi verkefni að finna nýjan þjálfara fyrir íslenska karlalandsliðið í handbolta. En hverjir eru líklegustu kandídatarnir? Í fyrradag var greint frá því að Guðmundur Guðmundsson væri hættur sem þjálfari íslenska liðsins eftir fimm ára starf. Gunnar Magnússon og Ágúst Jóhannsson stýra íslenska liðinu í leikjunum fjórum sem eftir eru í undankeppni EM 2024. Ísland mætir Tékklandi tvívegis í næsta mánuði og svo Ísrael og Eistlandi í apríl. Íslendingar eru með fjögur stig í riðlinum eftir sigur á Ísraelsmönnum og Eistlendingum. Gunnar segist ekki ætla að sækjast eftir því að taka við landsliðinu til frambúðar. „Ég hef ekki áhuga á því að taka við íslenska landsliðinu. Ég er búinn að tilkynna HSÍ það að ég er íþróttastjóri og ætla bara að sinna því hlutverki. Ég hef ekki áhuga á því að taka við liðinu eftir þetta verkefni,“ sagði Gunnar við íþróttadeild í gær. „Ég mun klára þetta með þeim en eftir það er þetta komið gott. Ég er búinn að vera lengi í þessu og það er kominn tími á nýja menn.“ En hverjir koma þá til greina í starf landsliðsþjálfara? Förum aðeins yfir kostina sem í boði eru. Dagur Sigurðsson Draumakostur margra í starf landsliðsþjálfara. Samkvæmt könnun Vísis eftir HM vildu 33 prósent að hann tæki við landsliðinu. Dagur er hins vegar í starfi núna. Hann er landsliðsþjálfari Japans og er samningsbundinn japanska handknattleikssambandinu fram yfir Ólympíuleikana í París á næsta ári. Í samtali við Vísi sagðist Dagur vera tilbúinn að skoða það að taka við íslenska landsliðinu eftir að samningur hans í Japan rennur út. „Nei, í rauninni ekki. Ég hef ekkert pælt í því. Ég veit að það eru margir að hugsa um íslenska landsliðið, fyrir mína hönd. Ég hef alveg sagt það; ég er til í að skoða það þegar mínum samningi lýkur,“ sagði Dagur sem hefur einnig þjálfað landslið Austurríkis og Þýskalands. Undir hans stjórn urðu Þjóðverjar Evrópumeistarar 2016 og unnu brons á Ólympíuleikunum sama ár. Snorri Steinn Guðjónsson Líkt og Dagur er Snorri Steinn Valsmaður og fyrrverandi leikstjórnandi íslenska landsliðsins. Hann hefur gert frábæra hluti með Val á síðustu árum. Liðið vann tvöfalt 2021, þrefalt 2022 og í vetur hefur það gert það gott í Evrópudeildinni. Valur tryggði sér sæti í sextán liða úrslitum keppninnar með sigri á PAUC í fyrradag, 40-31. Snorri skrifaði undir nýjan samning við Val um áramótin, til 2025. Hann mun einhvern tímann þjálfa landsliðið en hvenær? Kristján Andrésson Hefur búið í Svíþjóð nær alla sína ævi og þjálfaði sænska landsliðið á árunum 2016-19. Undir hans stjórn enduðu Svíar í 2. sæti á EM 2018. Hlutirnir gengu hins vegar ekki vel hjá Rhein-Neckar Löwen og hann hefur ekki þjálfað síðan hann var látinn fara þaðan. Er í dag íþróttastjóri hjá GUIF. Alfreð Gíslason Alfreð er einn okkar farsælasti þjálfari og er núna við stjórnvölinn hjá þýska landsliðinu. Hann tók við því 2020 og undir hans stjórn endaði það í 5. sæti á HM í janúar. Samningur Alfreðs við þýska handknattleikssambandið rennur út eftir EM 2024 í Þýskalandi og það er spurning hvort það freisti Alfreðs að taka aftur við landsliðinu? Þórir Hergeirsson Annar af okkar farsælustu þjálfarasonum. Þórir hefur búið í Noregi nær alla starfsævina og þjálfað kvennalandslið Noregs frá 2009. Árangurinn er stórkostlegur en undir hans stjórn hefur liðið fimm sinnum orðið Evrópumeistari, þrisvar sinnum heimsmeistari og einu sinni Ólympíumeistari. Hann er í frábæru starfi, dýrkaður og dáður í Noregi svo það er kannski erfitt að sjá hann snúa aftur heim. Erlingur Richardsson Erlingur er þjálfari ÍBV en lætur af því starfi eftir tímabilið. Þjálfaði félagslið í Austurríki og Þýskalandi og náði stórgóðum árangri með hollenska landsliðið. Var um tíma í þjálfarateymi íslenska landsliðsins. Patrekur Jóhannesson Þjálfar Stjörnuna í dag. Var lengi landsliðsþjálfari Austurríkis og gerði góða hluti þar. Hefur gert bæði Hauka og Selfoss að Íslandsmeisturum. Teymið Í samtali við Vísi sagði Guðmundur B. Ólafsson, formaður HSÍ, að teymið í kringum landsliðið væri mjög mikilvægt. „Við setjumst væntanlega niður í næstu viku og förum að ræða hvernig þjálfara við viljum, hvernig teymið þarf að vera og annað í þeim dúr. Það er að mörgu að hyggja og við viljum vanda okkur,“ sagði Guðmundur. Hér eru nöfn nokkurra þjálfara sem gætu verið í teyminu: Ólafur Stefánsson Hannes Jón Jónsson Arnór Atlason Ásgeir Örn Hallgrímsson Bjarni Fritzson Guðjón Valur Sigurðsson Landslið karla í handbolta Mest lesið „Ég er ekki stoltur af þessu“ Íslenski boltinn Skotinn með rafbyssu þegar hann hljóp inn á völlinn Sport Fyrsta trans konan til að vinna háskólatitil fær ekki að keppa á ÓL Sport Spurðu hvort Friðrik vildi ekki frekar bíða eftir starfi hjá karlaliði Körfubolti Virkja 300 milljón króna klásúlu í samningi Ísaks og kaupa hann Fótbolti Eyjamenn safna liði: Róbert snýr aftur til Eyja Handbolti Myndi vilja tala við Rashford og Greenwood en selja Maguire Enski boltinn Messi ætlar að enda ferilinn í Miami Fótbolti Boston með níu fingur á titlinum Körfubolti „Maður finnur aðeins til með liðinu að þurfa að spila á þessum velli” Fótbolti Fleiri fréttir Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Karabatic skaut niður markvörðinn í síðasta skoti ferilsins Sjá meira
Í fyrradag var greint frá því að Guðmundur Guðmundsson væri hættur sem þjálfari íslenska liðsins eftir fimm ára starf. Gunnar Magnússon og Ágúst Jóhannsson stýra íslenska liðinu í leikjunum fjórum sem eftir eru í undankeppni EM 2024. Ísland mætir Tékklandi tvívegis í næsta mánuði og svo Ísrael og Eistlandi í apríl. Íslendingar eru með fjögur stig í riðlinum eftir sigur á Ísraelsmönnum og Eistlendingum. Gunnar segist ekki ætla að sækjast eftir því að taka við landsliðinu til frambúðar. „Ég hef ekki áhuga á því að taka við íslenska landsliðinu. Ég er búinn að tilkynna HSÍ það að ég er íþróttastjóri og ætla bara að sinna því hlutverki. Ég hef ekki áhuga á því að taka við liðinu eftir þetta verkefni,“ sagði Gunnar við íþróttadeild í gær. „Ég mun klára þetta með þeim en eftir það er þetta komið gott. Ég er búinn að vera lengi í þessu og það er kominn tími á nýja menn.“ En hverjir koma þá til greina í starf landsliðsþjálfara? Förum aðeins yfir kostina sem í boði eru. Dagur Sigurðsson Draumakostur margra í starf landsliðsþjálfara. Samkvæmt könnun Vísis eftir HM vildu 33 prósent að hann tæki við landsliðinu. Dagur er hins vegar í starfi núna. Hann er landsliðsþjálfari Japans og er samningsbundinn japanska handknattleikssambandinu fram yfir Ólympíuleikana í París á næsta ári. Í samtali við Vísi sagðist Dagur vera tilbúinn að skoða það að taka við íslenska landsliðinu eftir að samningur hans í Japan rennur út. „Nei, í rauninni ekki. Ég hef ekkert pælt í því. Ég veit að það eru margir að hugsa um íslenska landsliðið, fyrir mína hönd. Ég hef alveg sagt það; ég er til í að skoða það þegar mínum samningi lýkur,“ sagði Dagur sem hefur einnig þjálfað landslið Austurríkis og Þýskalands. Undir hans stjórn urðu Þjóðverjar Evrópumeistarar 2016 og unnu brons á Ólympíuleikunum sama ár. Snorri Steinn Guðjónsson Líkt og Dagur er Snorri Steinn Valsmaður og fyrrverandi leikstjórnandi íslenska landsliðsins. Hann hefur gert frábæra hluti með Val á síðustu árum. Liðið vann tvöfalt 2021, þrefalt 2022 og í vetur hefur það gert það gott í Evrópudeildinni. Valur tryggði sér sæti í sextán liða úrslitum keppninnar með sigri á PAUC í fyrradag, 40-31. Snorri skrifaði undir nýjan samning við Val um áramótin, til 2025. Hann mun einhvern tímann þjálfa landsliðið en hvenær? Kristján Andrésson Hefur búið í Svíþjóð nær alla sína ævi og þjálfaði sænska landsliðið á árunum 2016-19. Undir hans stjórn enduðu Svíar í 2. sæti á EM 2018. Hlutirnir gengu hins vegar ekki vel hjá Rhein-Neckar Löwen og hann hefur ekki þjálfað síðan hann var látinn fara þaðan. Er í dag íþróttastjóri hjá GUIF. Alfreð Gíslason Alfreð er einn okkar farsælasti þjálfari og er núna við stjórnvölinn hjá þýska landsliðinu. Hann tók við því 2020 og undir hans stjórn endaði það í 5. sæti á HM í janúar. Samningur Alfreðs við þýska handknattleikssambandið rennur út eftir EM 2024 í Þýskalandi og það er spurning hvort það freisti Alfreðs að taka aftur við landsliðinu? Þórir Hergeirsson Annar af okkar farsælustu þjálfarasonum. Þórir hefur búið í Noregi nær alla starfsævina og þjálfað kvennalandslið Noregs frá 2009. Árangurinn er stórkostlegur en undir hans stjórn hefur liðið fimm sinnum orðið Evrópumeistari, þrisvar sinnum heimsmeistari og einu sinni Ólympíumeistari. Hann er í frábæru starfi, dýrkaður og dáður í Noregi svo það er kannski erfitt að sjá hann snúa aftur heim. Erlingur Richardsson Erlingur er þjálfari ÍBV en lætur af því starfi eftir tímabilið. Þjálfaði félagslið í Austurríki og Þýskalandi og náði stórgóðum árangri með hollenska landsliðið. Var um tíma í þjálfarateymi íslenska landsliðsins. Patrekur Jóhannesson Þjálfar Stjörnuna í dag. Var lengi landsliðsþjálfari Austurríkis og gerði góða hluti þar. Hefur gert bæði Hauka og Selfoss að Íslandsmeisturum. Teymið Í samtali við Vísi sagði Guðmundur B. Ólafsson, formaður HSÍ, að teymið í kringum landsliðið væri mjög mikilvægt. „Við setjumst væntanlega niður í næstu viku og förum að ræða hvernig þjálfara við viljum, hvernig teymið þarf að vera og annað í þeim dúr. Það er að mörgu að hyggja og við viljum vanda okkur,“ sagði Guðmundur. Hér eru nöfn nokkurra þjálfara sem gætu verið í teyminu: Ólafur Stefánsson Hannes Jón Jónsson Arnór Atlason Ásgeir Örn Hallgrímsson Bjarni Fritzson Guðjón Valur Sigurðsson
Landslið karla í handbolta Mest lesið „Ég er ekki stoltur af þessu“ Íslenski boltinn Skotinn með rafbyssu þegar hann hljóp inn á völlinn Sport Fyrsta trans konan til að vinna háskólatitil fær ekki að keppa á ÓL Sport Spurðu hvort Friðrik vildi ekki frekar bíða eftir starfi hjá karlaliði Körfubolti Virkja 300 milljón króna klásúlu í samningi Ísaks og kaupa hann Fótbolti Eyjamenn safna liði: Róbert snýr aftur til Eyja Handbolti Myndi vilja tala við Rashford og Greenwood en selja Maguire Enski boltinn Messi ætlar að enda ferilinn í Miami Fótbolti Boston með níu fingur á titlinum Körfubolti „Maður finnur aðeins til með liðinu að þurfa að spila á þessum velli” Fótbolti Fleiri fréttir Eyjamenn safna liði: Róbert snýr aftur til Eyja Grótta sækir liðsstyrk frá föllnum Selfyssingum Kári Kristján verður áfram með ÍBV: „Tek annað hókípókí með krökkunum“ Sakaður um tilraun til nauðgunar en sektaður fyrir að bera sig Aron og Thea Imani mikilvægust í vetur „Ætlum að byggja upp til framtíðar“ Telur sig eiga heima í íslenska landsliðinu Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“ Barcelona Evrópumeistari eftir naglbít Skaðinn skeður í hálfleik hjá Magdeburg Reynir við fyrsta Evrópumeistaratitilinn í áttunda sinn í sínum síðasta leik Aðalsteinn tekur við Víkingum Börsungar elta Álaborg í úrslit Ómar Ingi með stórleik en Álaborg fór í úrslit Thea áfram í herbúðum þreföldu meistaranna Einar Baldvin til Aftureldingar Heldur út í atvinnumennsku og ætlar sér fast sæti í landsliðinu Hin þaulreynda Rut gengin í raðir silfurliðs Hauka Viktor ekki á förum frá Nantes: „Kitlaði alveg egóið að heyra þetta“ Segja að Viktor Gísli fari til Póllands og svo til Barcelona Guðmundur Helgi stígur til hliðar í Mosfellsbæ Oddur og Teitur í liði umferðarinnar eftir kveðjuleiki sína Gunnar Steinn snýr heim og stýrir Fjölni í Olís deildinni Landin hættir í landsliðinu eftir Ólympíuleikana Orri og félagar þrefaldir meistarar í Portúgal Meistaradeildartitillinn til Ungverjalands Teitur og Oddur voru báðir níu af níu í lokaumferðinni Óðinn tvöfaldur meistari i Sviss: Markahæstur í oddaleiknum Urðu að sætta sig silfrið þrátt fyrir magnaða endurkomu Karabatic skaut niður markvörðinn í síðasta skoti ferilsins Sjá meira
Viktor Gísli lagðist undir hnífinn: „Best að klára þetta núna þar sem við erum ekki að fara á Ólympíuleikana“