Viðskipti erlent

Fyrr­verandi for­stjóri Swed­bank sýknaður

Atli Ísleifsson skrifar
Hin dansk-sænska Birgitte Bonnesen var forstjóri Swedbank á árunum 2016 til 2019.
Hin dansk-sænska Birgitte Bonnesen var forstjóri Swedbank á árunum 2016 til 2019. EPA

Dómstóll í Svíþjóð hefur sýknað Birgitte Bonnesen, fyrrverandi forstjóra Swedbank, af ákæru um gróf fjársvik, innherjasvik og markaðsmisnotkun í tengslum við afhjúpun um stórfellt peningaþvætti í bankanum.

Dómurinn féll í Svíþjóð fyrr í dag, en í frétt SVT kemur fram að dómari hafi metið það sem svo að Bonnesen hafi látið orð falla sem hafi verið óskýr og ónákvæm en að langstærstum hluta verið sannleikanum samkvæm.

Upp komst um málið í fréttaskýringaþætti SVT, Uppdrag granskning, í febrúar 2019. Hlutabréf í bankanum féllu um rúmlega tuttugu prósent eftir að upp komst um málið. Efnahagsbrotadeild sænsku lögreglunnar tók málið til rannsóknar eftir sýningu þáttarins og var ákæra birt í janúar á þessu ári. Í ákæru sagði að Birgitte Bonnesen hafi að hafa dreift villandi upplýsingum um aðgerðir Swedbank til að koma í veg fyrir og tilkynna að grunur væri um peningaþvætti í útibúi bankans í Eistlandi.

Bonnesen var sömuleiðis ákærð fyrir innherjasvik þar sem hún átti að hafa upplýst stærsta eiganda bankans um hvað kæmi fram í þætti Uppdrag granskning áður en hann var sýndur og þá áður en upplýsingarnar hafi verið gerðar opinberar.

Bonnesen, sem var forstjóri Swedbank á árunum 2016 til 2019, neitaði sök í málinu, en saksóknari í málinu fór fram á að Bonnesen yrði dæmdi í tveggja ára fangelsi.

Málið þykir einstakt en Bonnesen er fyrsti fyrrverandi forstjóri sænsks stórbanka sem dreginn er fyrir dóm í marga áratugi. 


Tengdar fréttir

Réttar­höld hefjast í máli Bonnesen

Réttarhöld hefjast í dag í máli Birgitte Bonnesen, fyrrverandi forstjóra sænska stórbankans Swedbank, í Svíþjóð. Bonnesen er meðal annars ákærð fyrir gróf fjársvik og markaðsmisnotkun í tengslum við afhjúpun um stórfellt peningaþvætti í bankanum.

Bonnesen á­kærð fyrir gróf fjár­svik og markaðs­mis­notkun

Efnahagsbrotadeild sænsku lögreglunnar hefur ákært hina dönsku Birgitte Bonnesen, fyrrverandi forstjóra Swedbank, fyrir gróf fjársvik og markaðsmisnotkun í tengslum við rannsókn á peningasvættisrannsókn sem tengir anga sína til Eistlands.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.