Talsmaður ferðaþjónustunnar þreyttur á „endemis væli“ Egils Helga Kolbeinn Tumi Daðason skrifar 3. janúar 2023 11:27 Egill Helgason og Jóhannes Þór Skúlason sjá stöðuna í vetrarferðamennskunni hér á landi ekki alveg sömu augum. Vísir/Vilhelm Egill Helgason, fjölmiðlamaður og samfélagsrýnir, segir að honum hrjósi hugur við kröfu um að túristar komist þangað sem þeir vilji í alls kyns veðrum og björgunarsveitir standi vaktina. Framkvæmdastjóri Samtaka ferðaþjónustunnar sakar Egil um væl enda sé eðlileg krafa að hægt sé að koma ferðamönnum til og frá Keflavíkurflugvelli. Bjarnheiður Hallsdóttir, formaður Samtaka ferðaþjónustunnar, gagnrýndi í Morgunblaðinu í gær hvernig staðið hefði verið að óvissustigi almannavarna á gamlársdag vegna slæmrar veðurspár. Ferðaþjónustufyrirtæki felldu niður ferðir en svo reyndist veðrið í fínu lagi. Þetta rýri traust til ferðaþjónustu hér á landi. Þurfi ríka ástæðu til að loka „Það verður svo svakalegt tjón þegar samgöngur raskast svo það má ekki gerast nema það sé rík ástæða fyrir því,“ sagði Bjarnheiður. Lokun Reykjanesbrautar í óveðri í desember raskaði plönum þúsunda ferðalanga til og frá landinu. Bjarnheiður sagði að ferðaþjónustan þyrfti að verða aðili að samtali um óvissustig og innviði. Ráðast í stefnumótun frá grunni og mynda heildarstefnu. „Það er mjög vont að loka fyrir fram áður en öruggt er að veðrið skelli á. Það þarf að tryggja upplýsingaflæði.“ Þó eigi öryggi ferðamanna alltaf að vera í fyrsta sæti. Frekja sé einkenni ferðaþjónustunnar Egill Helgason fjölmiðlamaður staldrar við orð Bjarnheiðar í hugvekju um málið á Facebook. „Þarna er gert ráð fyrir því að tugþúsundir erlendra ferðamanna komist til staða sem fæstum Íslendingum dytti í hug að fara á um hávetur. Og það á misjafnlega útbúnum rútum og bílaleigubílum. Það er allt í lagi að hafa einhverja vetrarferðaþjónustu á Íslandi, en náttúran setur henni mikil takmörk. Eitt helsta einkenni á Íslands er jú hversu veðrið er rosalega breytilegt og oft illfyrirsjáanlegt,“ segir Egill. Illugi Jökulsson fjölmiðlamaður leggur orð í belg. „Annað helsta einkenni Íslands er frekja ferðaþjónustunnar.“ Komið hefur endurtekið til tals að björgunarsveitir standi vaktina í óveðrum og hjálpi fólki að komast leiðar sinnar. Björgunarsveitir bregðast jafnan við í óveðrum þegar ferðamenn sem landsmenn festa bíla sína úti á landi. Til dæmis á dögunum þegar bílstjóri Hópbíla ók fram hjá lokun á Suðurlandsvegi og festi sig, ekki einu sinni heldur tvisvar. „Og mér hrýs dálítið hugur við kröfunni sem er gerð til björgunarsveitanna - að þær verði eins konar hjástoð ferðaþjónustunnar til að tryggja að túristar geti komist þangað sem þeir vilja og lagt bílum sínum. Ef menn villja hafa svo mikla vetrarferðamennsku þarf að nota eitthvað annað en sveitir sjálfboðaliða,“ segir Egill. Endemis væl Jóhannes Þór Skúlason er framkvæmdastjóri Samtaka ferðaþjónustunnar. Hann hristir hausinn yfir vangaveltum Egils. Staldrar við þau orð hans að ferðamenn séu að reyna að komast á staði sem Íslendingum dytti ekki í hug að sækja heim um hávetur. „Til staða sem fæstum Islendingum dytti í hug að fara á um hávetur? Eins og til Selfoss? Eða á Þingvelli? Yfir Kjalarnes? Eða kannski, gvöðforðokkur, til Keflavíkur! Í alvöru Egill, hvaða endemis væl er þetta?“ spyr Jóhannes Þór og er ekki skemmt. Egill svarar kokhraustur. „Mér hefur sýnst að stefnan sé ekki síst á það sem kallast Black Beach,“ segir Egill og vísar til ferðalanga á leið í Reynisfjöru í ólíklegustu veðrum og vindum. „Þangað getur verið andskotanum erfðara að komast í vetrarveðrum. Jú, og meira að að segja Hellisheiði er oft ófær á vetrum. Þetta er spurning um magn - við stefnum gríðarlegum bílaflota á staði þar sem getur snögglega orðið ófært. Vegagerðin breytir því ekki að við lifum á mörkum hins byggilega heims. Bílaleigurnar þurfa líka að fræða fólk meira um aðstæður. Sjálfur er ég ágætlega vanur því að ferðast um landið í vetrarfærð vegna starfs míns. En fer helst ekki án þess að vera öflugum fjórhjóladrifnum jeppa.“ Þó áhugaverðar umræður hafi skapast við hugvekju Egils er enginn búinn að finna lausnina. Minnt er á hversu gríðarlega mikilvæg ferðaþjónustan sé fyrir landið í heild enda Ísland sannkallað ferðaþjónustuland. Enda trompi tekjurnar þær sem þjóðin hafi af fisknum. Margir kalla eftir því að ferðaþjónustan taki þátt í uppbyggingu hér á landi enda finni þjóðin líka fyrir fjöldanum hvort sem litið sé til viðkvæmrar náttúru eða álags á vegakerfið með tilheyrandi kostnaði. Kínverskir ferðamenn í basli Mikill fjöldi ferðamanna er á ferð um landið þessa dagana og misvanir því að keyra í íslenskum aðstæðum. Sirrý Arnardóttir fjölmiðlakona lýsti kostulegum samskiptum við kínverska ferðamenn á Reykjanesbrautinni. Þar reyndist bílstjórinn ekki kunna að keyra bíl. Börkur Hrólfsson leiðsögumaður vakti athygli á því í Facebook-hópnum Bakland Ferðaþjónustunnar í gær að hann hefði tilkynnt meinta kínverska ferðaskrifstofu til Samgöngustofu í gær. Þar hafi verið á ferðinni aðili sem sagðist vinna fyrir kínverskt ferðaþjónustufyrirtæki og með átta farþega um borð í fimm daga ferð. Hópurinn var staddur við Seljalandsfoss og reyndist aðilinn, að sögn Barkar, ekki hafa tilskilin réttindi til að ferðast með ferðamenn. „Við leyfishafar förum fram á að lögregla verði látin vita, og að þessi rekstur verði rannsakaður. Og sektum beitt samkvæmt lögum.“ Ferðamennska á Íslandi Veður Færð á vegum Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Mun bjóða upp á sömu flugáætlun og Bláfugl áður Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Dýrmætustu og sjaldgæfustu Mustang bílar landsins á afmælissýningu Mustang Samstarf Tekjur Apple drógust saman enn eina ferðina Viðskipti erlent Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Bjarnheiður Hallsdóttir, formaður Samtaka ferðaþjónustunnar, gagnrýndi í Morgunblaðinu í gær hvernig staðið hefði verið að óvissustigi almannavarna á gamlársdag vegna slæmrar veðurspár. Ferðaþjónustufyrirtæki felldu niður ferðir en svo reyndist veðrið í fínu lagi. Þetta rýri traust til ferðaþjónustu hér á landi. Þurfi ríka ástæðu til að loka „Það verður svo svakalegt tjón þegar samgöngur raskast svo það má ekki gerast nema það sé rík ástæða fyrir því,“ sagði Bjarnheiður. Lokun Reykjanesbrautar í óveðri í desember raskaði plönum þúsunda ferðalanga til og frá landinu. Bjarnheiður sagði að ferðaþjónustan þyrfti að verða aðili að samtali um óvissustig og innviði. Ráðast í stefnumótun frá grunni og mynda heildarstefnu. „Það er mjög vont að loka fyrir fram áður en öruggt er að veðrið skelli á. Það þarf að tryggja upplýsingaflæði.“ Þó eigi öryggi ferðamanna alltaf að vera í fyrsta sæti. Frekja sé einkenni ferðaþjónustunnar Egill Helgason fjölmiðlamaður staldrar við orð Bjarnheiðar í hugvekju um málið á Facebook. „Þarna er gert ráð fyrir því að tugþúsundir erlendra ferðamanna komist til staða sem fæstum Íslendingum dytti í hug að fara á um hávetur. Og það á misjafnlega útbúnum rútum og bílaleigubílum. Það er allt í lagi að hafa einhverja vetrarferðaþjónustu á Íslandi, en náttúran setur henni mikil takmörk. Eitt helsta einkenni á Íslands er jú hversu veðrið er rosalega breytilegt og oft illfyrirsjáanlegt,“ segir Egill. Illugi Jökulsson fjölmiðlamaður leggur orð í belg. „Annað helsta einkenni Íslands er frekja ferðaþjónustunnar.“ Komið hefur endurtekið til tals að björgunarsveitir standi vaktina í óveðrum og hjálpi fólki að komast leiðar sinnar. Björgunarsveitir bregðast jafnan við í óveðrum þegar ferðamenn sem landsmenn festa bíla sína úti á landi. Til dæmis á dögunum þegar bílstjóri Hópbíla ók fram hjá lokun á Suðurlandsvegi og festi sig, ekki einu sinni heldur tvisvar. „Og mér hrýs dálítið hugur við kröfunni sem er gerð til björgunarsveitanna - að þær verði eins konar hjástoð ferðaþjónustunnar til að tryggja að túristar geti komist þangað sem þeir vilja og lagt bílum sínum. Ef menn villja hafa svo mikla vetrarferðamennsku þarf að nota eitthvað annað en sveitir sjálfboðaliða,“ segir Egill. Endemis væl Jóhannes Þór Skúlason er framkvæmdastjóri Samtaka ferðaþjónustunnar. Hann hristir hausinn yfir vangaveltum Egils. Staldrar við þau orð hans að ferðamenn séu að reyna að komast á staði sem Íslendingum dytti ekki í hug að sækja heim um hávetur. „Til staða sem fæstum Islendingum dytti í hug að fara á um hávetur? Eins og til Selfoss? Eða á Þingvelli? Yfir Kjalarnes? Eða kannski, gvöðforðokkur, til Keflavíkur! Í alvöru Egill, hvaða endemis væl er þetta?“ spyr Jóhannes Þór og er ekki skemmt. Egill svarar kokhraustur. „Mér hefur sýnst að stefnan sé ekki síst á það sem kallast Black Beach,“ segir Egill og vísar til ferðalanga á leið í Reynisfjöru í ólíklegustu veðrum og vindum. „Þangað getur verið andskotanum erfðara að komast í vetrarveðrum. Jú, og meira að að segja Hellisheiði er oft ófær á vetrum. Þetta er spurning um magn - við stefnum gríðarlegum bílaflota á staði þar sem getur snögglega orðið ófært. Vegagerðin breytir því ekki að við lifum á mörkum hins byggilega heims. Bílaleigurnar þurfa líka að fræða fólk meira um aðstæður. Sjálfur er ég ágætlega vanur því að ferðast um landið í vetrarfærð vegna starfs míns. En fer helst ekki án þess að vera öflugum fjórhjóladrifnum jeppa.“ Þó áhugaverðar umræður hafi skapast við hugvekju Egils er enginn búinn að finna lausnina. Minnt er á hversu gríðarlega mikilvæg ferðaþjónustan sé fyrir landið í heild enda Ísland sannkallað ferðaþjónustuland. Enda trompi tekjurnar þær sem þjóðin hafi af fisknum. Margir kalla eftir því að ferðaþjónustan taki þátt í uppbyggingu hér á landi enda finni þjóðin líka fyrir fjöldanum hvort sem litið sé til viðkvæmrar náttúru eða álags á vegakerfið með tilheyrandi kostnaði. Kínverskir ferðamenn í basli Mikill fjöldi ferðamanna er á ferð um landið þessa dagana og misvanir því að keyra í íslenskum aðstæðum. Sirrý Arnardóttir fjölmiðlakona lýsti kostulegum samskiptum við kínverska ferðamenn á Reykjanesbrautinni. Þar reyndist bílstjórinn ekki kunna að keyra bíl. Börkur Hrólfsson leiðsögumaður vakti athygli á því í Facebook-hópnum Bakland Ferðaþjónustunnar í gær að hann hefði tilkynnt meinta kínverska ferðaskrifstofu til Samgöngustofu í gær. Þar hafi verið á ferðinni aðili sem sagðist vinna fyrir kínverskt ferðaþjónustufyrirtæki og með átta farþega um borð í fimm daga ferð. Hópurinn var staddur við Seljalandsfoss og reyndist aðilinn, að sögn Barkar, ekki hafa tilskilin réttindi til að ferðast með ferðamenn. „Við leyfishafar förum fram á að lögregla verði látin vita, og að þessi rekstur verði rannsakaður. Og sektum beitt samkvæmt lögum.“
Ferðamennska á Íslandi Veður Færð á vegum Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Mun bjóða upp á sömu flugáætlun og Bláfugl áður Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Dýrmætustu og sjaldgæfustu Mustang bílar landsins á afmælissýningu Mustang Samstarf Tekjur Apple drógust saman enn eina ferðina Viðskipti erlent Viljinn tekinn til gjaldþrotaskipta Viðskipti innlent Röntgen Domus og Orkuhúsið fá ekki að sameinast Viðskipti innlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira