Innlent

Aldrei fleiri þyrlu­út­köll en í fyrra

Kjartan Kjartansson skrifar
TF-Gró við æfingar með sigmann.
TF-Gró við æfingar með sigmann. Vísir/Vilhelm

Metfjöldi þyrluútkalla var hjá Landhelgisgæslunni í fyrra en þá sinnti flugdeild hennar 299 útköllum. Meirihluti þeirra var vegna sjúkraflutninga og þriðjungur var á sjó.

Fyrra met í fjölda útkalla var sett árið 2018 en þá fóru loftför Landhelgisgæslunnar í 278 útköll. Fjöldinn árið 2022 var fjölgun um 7,5 prósent miðað við það ár.

Af útköllunum 299 voru 156 vegna sjúkraflutninga og 115 vegna leitar eða björgunar. Fjölgun var í sjúkraflutningum. Í tilkynningu frá Landhelgisgæslunni kemur fram að nokkuð hafi verið um útköll til Vestmannaeyja og á sunnanverða Vestfirði sem hefðbundið sjúkraflug gat ekki annast vegna veðurs eða slæms skyggnis.

Rúm 45 prósent útkallanna voru í hæsta forgangi, alls 136 talsins.

Landhelgisgæslan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið