Innlent

Stefán nýr dómari við endur­upp­töku­dóm

Bjarki Sigurðsson skrifar
Stefán Geir Þórisson hefur verið skipaður í embætti dómara við endurupptökudóm.
Stefán Geir Þórisson hefur verið skipaður í embætti dómara við endurupptökudóm. Vísir/ÞÞ

Stefán Geir Þórisson hefur verið skipaður í embætti dómara við endurupptökudóm frá og með 1. febrúar næstkomandi. Stefán hefur frá ársbyrjun 2021 verið varadómari við dóminn. 

Búast mátti við því að Stefán yrði ráðinn í starfið enda var hann sá eini sem sótti um það líkt og Vísir greindi frá í nóvember. Þá hafði verið auglýst eftir dómara og varadómara við endurupptökudóm.

Stefán lauk embættisprófi frá lagadeild Háskóla Íslands árið 1990 og öðlaðist málflutningsréttindi sem héraðsdómslögmaður árið 1992 og hæstaréttarlögmaður árið 1998.

Hann hefur bæði starfað á lögmannsstofum sem og verið sjálfstætt starfandi. Þá hefur hann sinnt stundakennslu við Háskóla Íslands og Háskólann í Reykjavík, starfað við lagadeild Eftirlitsstofnunar EFTA og verið gerðarmaður við Alþjóðaíþróttadómstólinn. 

Stjórnsýsla Dómstólar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið