Lóu krossbrá þegar hún sá Gunnar Helgason á Kjarvalsstöðum Jakob Bjarnar skrifar 2. desember 2022 13:16 Lóu brá í brún við athöfnina í gær, þegar tilnefningar til Íslensku bókmenntaverðlaunanna opinberaðar en hún sá mann sem hún hélt að væri Gunnar Helgason. Og efasemdir gerðu vart við sig... vísir Tilnefningar til Íslensku bókmenntaverðlaunanna voru kynntar á Kjarvalsstöðum með pompi og pragt í gær. Á þessum tíma árs ríkir mikil spenna meðal rithöfunda sem mega alls ekki við miklu óvæntu. Þessu fékk Lóa Hjálmtýsdóttir, sem er meðal hinna tilnefndu, að kynnast við athöfnina í gær. Tilnefningum er haldið leyndum allt þar til þær eru kynntar en þó þannig að þeir sem hljóta tilnefningu vita að þeir eru meðal hinna útvöldu. Svo þeir mæti nú örugglega en aðrir höfundar láta helst ekki sjá sig. Hvað er Gunnar Helga að gera hérna? Þegar svo rithöfundar, útgefendur og aðrir sem komu að athöfninni mættu til leiks var augum gjóað óspart í allar áttir til að sjá hverjir aðrir væru meðal tilnefndra. Svo var með Lóu Hlín Hjálmtýsdóttur sem var tilnefnd í flokki barna- og ungmennabóka fyrir bókina sína Héragerði. Hún tók hópinn út og taldi til fjóra barnabókahöfunda aðra en sig sjálfa en fimm alls hljóta tilnefningu í hverjum flokki um sig. Allt eins það átti að vera eða þar til hún rak augu í Gunnar Helgason og henni krossbrá. Gunnar er einn skeleggasti talsmaður barnabókahöfunda sem um getur. Efasemdirnar gerðu þegar vart við sig. Skyndilega var Lóa búin að telja sig upp í sex barnabókahöfunda. Gunnar gat aðeins verið þarna af einni ástæðu og Lóa óttaðist að hún væri bara alls ekki meðal hinna útvöldu. Lóa gerir sig reiðubúna til að flýja af vettvangi Lóa lýsir þeirri angist sem sig greip á Facebook-síðu sinni: „Takk fyrir mig. Kær kveðja, konan sem mætti á Kjarvalsstaði í gær, hélt að tvíburabróðir Gunnars Helgasonar væri Gunnar sjálfur, sem gerði það að verkjum að hún taldi vitlaust tilnefnda barnabókahöfunda og greip því kápuna sína í skyndi til að vera tilbúin að flýja þegar upp kæmist um miskilninginn: að henni hefði óvart verið boðið á athöfnina og væri alls ekki tilnefnd til Íslensku bókmenntaverðlaunanna.“ Þarna var sem sagt útgefandinn hjá Drápu, Ásmundur Helgason, tvíburabróðir Gunnars, mættur til að fagna sínum manni, glæpasagnahöfundinum Skúla Sigurðssyni sem hlaut tilefningu til Blóðdropans við þetta sama tækifæri. Íslensku bókmenntaverðlaunin Bókaútgáfa Bókmenntir Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Davíð Helgason og Isabella eignuðust dreng Lífið Tvöföld veisla hjá Gnarr feðgum Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Þessu fékk Lóa Hjálmtýsdóttir, sem er meðal hinna tilnefndu, að kynnast við athöfnina í gær. Tilnefningum er haldið leyndum allt þar til þær eru kynntar en þó þannig að þeir sem hljóta tilnefningu vita að þeir eru meðal hinna útvöldu. Svo þeir mæti nú örugglega en aðrir höfundar láta helst ekki sjá sig. Hvað er Gunnar Helga að gera hérna? Þegar svo rithöfundar, útgefendur og aðrir sem komu að athöfninni mættu til leiks var augum gjóað óspart í allar áttir til að sjá hverjir aðrir væru meðal tilnefndra. Svo var með Lóu Hlín Hjálmtýsdóttur sem var tilnefnd í flokki barna- og ungmennabóka fyrir bókina sína Héragerði. Hún tók hópinn út og taldi til fjóra barnabókahöfunda aðra en sig sjálfa en fimm alls hljóta tilnefningu í hverjum flokki um sig. Allt eins það átti að vera eða þar til hún rak augu í Gunnar Helgason og henni krossbrá. Gunnar er einn skeleggasti talsmaður barnabókahöfunda sem um getur. Efasemdirnar gerðu þegar vart við sig. Skyndilega var Lóa búin að telja sig upp í sex barnabókahöfunda. Gunnar gat aðeins verið þarna af einni ástæðu og Lóa óttaðist að hún væri bara alls ekki meðal hinna útvöldu. Lóa gerir sig reiðubúna til að flýja af vettvangi Lóa lýsir þeirri angist sem sig greip á Facebook-síðu sinni: „Takk fyrir mig. Kær kveðja, konan sem mætti á Kjarvalsstaði í gær, hélt að tvíburabróðir Gunnars Helgasonar væri Gunnar sjálfur, sem gerði það að verkjum að hún taldi vitlaust tilnefnda barnabókahöfunda og greip því kápuna sína í skyndi til að vera tilbúin að flýja þegar upp kæmist um miskilninginn: að henni hefði óvart verið boðið á athöfnina og væri alls ekki tilnefnd til Íslensku bókmenntaverðlaunanna.“ Þarna var sem sagt útgefandinn hjá Drápu, Ásmundur Helgason, tvíburabróðir Gunnars, mættur til að fagna sínum manni, glæpasagnahöfundinum Skúla Sigurðssyni sem hlaut tilefningu til Blóðdropans við þetta sama tækifæri.
Íslensku bókmenntaverðlaunin Bókaútgáfa Bókmenntir Mest lesið Ofboðslega stolt af dóttur sinni Lífið „Ef við erum lausnamiðuð þá sköpum við tækifærin“ Lífið Klæddu sig upp sem frambjóðendur Lífið Bannaði Snorra að kjósa Arnar Þór Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Davíð Helgason og Isabella eignuðust dreng Lífið Tvöföld veisla hjá Gnarr feðgum Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira