Óvæntu stjörnurnar í Olís-deildinni Ingvi Þór Sæmundsson skrifar 1. desember 2022 10:15 Nokkrir af þeim leikmönnum sem hafa slegið í gegn í Olís-deild karla í vetur. grafík/sara Vísir fer yfir tíu leikmenn sem voru ekki endilega þekktustu stærðirnar fyrir tímabilið en hafa spilað vel í Olís-deild karla í handbolta í vetur. Jakob Ingi Stefánsson, Gróttu Jakob Ingi Stefánsson fékk nánast ekkert að spila á síðasta tímabili en hefur tekið aukinni ábyrgð fagnandi.vísir/hulda margrét Jakob hefur farið úr því að fá varla mínútu yfir í að vera einn besti vinstri hornamaður Olís-deildarinnar. Hann stimplaði sig strax inn með sjö mörkum í fyrsta leik Gróttu á tímabilinu. Jakob sýndi fádæma öryggi í upphafi móts og skoraði úr fyrstu sautján skotum sínum í Olís-deildinni og klikkaði ekki á skoti fyrr en í fjórða leik. Hann hefur alls skorað 44 mörk í vetur. Skotnýtingin er frábær, eða 77 prósent. Bruno Bernat, KA Bruno Bernat grýtir boltanum fram völlinn.vísir/diego KA er með bestu hlutfallsmarkvörsluna í Olís-deildinni í vetur, eða 34,6 prósent. Nicholas Satchwell hefur verið góður en Bruno enn betri. Hann er með 35,8 prósent hlutfallsmarkvörslu en enginn markvörður sem hefur spilað eitthvað af ráði er með betri markvörslu. Bruno hefur átt margar góðar innkomur, sérstaklega gegn Fram í Úlfarsárdalnum, og það er spurning hvort hann fái ekki fljótlega tækifæri til að byrja leiki. Mikel Amilibia Aristi, Herði Mikel Amilibia Aristi er duglegur að spila samherja sína uppi.vísir/hulda margrét Færa má rök fyrir því að allir leikmenn Harðar hafi komið á óvart í vetur enda nánast allir á sínu fyrsta tímabili í Olís-deildinni. Einn besti leikmaður Ísfirðinga í vetur er spænski leikstjórnandinn Mikel. Hann hefur skorað 32 mörk og er fjórði markahæsti Harðverjinn í Olís-deildinni. Þá hefur Mikel gefið 3,6 stoðsendingar að meðaltali í leik sem er það sjöunda mesta í deildinni. Hann gæti vel átt framtíð í Olís-deildinni þótt Hörður eigi það kannski ekki. Þórður Tandri Ágústsson, Stjörnunni Þórður Tandri Ágústsson (lengst til vinstri) hefur tekið miklum framförum frá síðasta tímabili.vísir/diego Þórður kom til Stjörnunnar frá Þór á Akureyri fyrir síðasta tímabil. Það var hálfgert aðlögunartímabil hjá honum en í vetur hefur hann sprungið út. Þórður er einfaldlega einn allra besti línumaður deildarinnar. Hann hefur skorað fjörutíu mörk og er næstmarkahæsti leikmaður Stjörnunnar í Olís-deildinni. Og skotnýtingin er alls ekkert slor, eða 75,5 prósent. Spilamennska Stjörnumanna hefur verið upp og ofan en ekkert er hægt að kvarta yfir frammistöðu Þórðar. Reynir Þór Stefánsson, Fram Þrátt fyrir að vera fæddur 2005 er Reynir Þór Stefánsson í stóru hlutverki í sóknarleik Fram.vísir/diego Reynir fékk eldskírn sína með Fram undir lok síðasta tímabils. Í vetur hefur hann svo tekið næsta skref. Reynir er aðeins sautján ára en spilar eins og hann sé 27 ára. Hann er ótrúlega þroskaður þótt kennitalan segi annað. Það sést meðal annars á því að Reynir stýrir sóknarleik Fram vel og er aðeins með 0,5 tapaðan bolta að meðaltali í leik. Hann hefur skorað 36 mörk í Olís-deildinni og er meðal markahæstu leikmanna Fram. Reynir getur þó enn bætt sig, til að mynda með því fjölga stoðsendingum sínum. En framtíðin er hans og hún er björt. Janus Dam Djurhuus, ÍBV Janus Dam Djurhuus (með mottuna) hefur reynst ÍBV góður liðsstyrkur.vísir/diego Eyjamenn hafa sótt á færeysk mið undanfarin tvö ár. Í fyrra fengu þeir hinn fjölhæfa Dánjal Ragnarsson og í ár vinstri hornamanninn Janus. Hann hefur smollið vel inn í lið ÍBV og styrkt veikustu stöðu liðsins á síðasta tímabili. Janus hefur skorað 31 mark og er með stórgóða 77,5 prósent skotnýtingu. Hann er hluti af gríðarlega sterkum 2002-árgangi færeyska landsliðsins ásamt meðal annars Eliasi Ellefsen á Skipagötu, verðandi leikmanni Kiel. Suguru Hikawa, Herði Suguru Hikawa er flottur fulltrúi Japans í Olís-deildinni.vísir/hulda margrét Leikur Sugurus er eins og Mackintosh kassi. Þar eru góðir molar og vondir molar. Hann tapar boltanum fulloft og tekur skrítin skot. En Suguru skorar og getur gert það nánast upp á eigin spýtur. Hann er markahæsti leikmaður Harðar í vetur með 55 mörk og ágætis 58,5 prósent skotnýtingu. Gaman væri að sjá Suguru í liði þar sem hann er með jafn mikla sóknarábyrgð og hann gæti eflaust nýst vel sem eins ísbrjótur inn af bekknum þegar allt er frosið. Jakob Martin Ásgeirsson, FH Jakob Martin Ásgeirsson er alltaf að verða betri og betri.vísir/hulda margrét Formannssonurinn úr Firðinum er á sínu þriðja tímabili sem fyrsti hornamaður FH. Jakob var góður í fyrra en það er mikill munur á honum milli ára. Hann er áfram gríðarlega öflugur í vörninni og hefur bætt sig mikið í sókninni. Jakob er næstmarkahæsti leikmaður FH í vetur með 48 mörk og skotnýtingin er fyrirtak, eða 71,6 prósent. Jakob hefur átt risastóran þátt í frábæru gengi FH að undanförnu en liðið hefur unnið átta leiki í röð í deild og bikar. Luka Vukicevic, Fram Luka Vukicevic kom til Fram frá Bregenz í Austurríki fyrir tímabilið.vísir/hulda margrét Fyrir tímabilið þótti Luka vera óskrifaða blaðið en Marko Coric öruggari kosturinn. En það hefur ekki alveg verið þannig. Marko hefur verið ágætur en er algjör klaufi í dauðafærunum. Á meðan hefur Luka verið ein besta hægri skytta deildarinnar. Hann er frábær maður gegn manni og ótrúlega drjúgur í gegnumbrotunum. Luka hefur skorað 56 mörk og er markahæsti Frammarinn í Olís-deildinni. Hann átti sennilega besta hálfleik leikmanns á tímabilinu gegn Haukum en þá skoraði hann níu mörk í fyrri hálfleik. Viktor Sigurðsson, ÍR Viktor Sigurðsson er algjör lykilmaður hjá ÍR.vísir/vilhelm Viktor þefaði fyrst af Olísinu á þarsíðasta tímabili en er nú mættur aftur í deild þeirra bestu og mun tilbúnari en síðast. Hann er algjör lykilmaður hjá ÍR og má varla missa af mínútu hjá nýliðunum. Viktor er 57 marka maður í vetur og er þar að auki með 3,5 stoðsendingar að meðaltali í leik. Aðeins sjö leikmenn eru með fleiri stoðsendingar í leik í Olís-deildinni. Viktor er reyndar búinn að tapa flestum boltum í deildinni og þarf að skera niður á því sviði. Óvíst er hvort ÍR verði í Olís-deildinni á næsta tímabili en Viktor verður líklega þar enda búinn að vinna sér fyrir því. Olís-deild karla Mest lesið „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Missa af Messi vegna harðra aðgerða gegn innflytjendum í Chicago Fótbolti Skilur ekki hvernig var hægt að breyta víti í markmannskast Handbolti Óheppin Arna fékk dæmt á sig víti gegn Man. Utd Fótbolti Ísak lofar að hlaupa mest: „Mjög gaman að sjá fólkið bakka okkur upp“ Fótbolti Dagskráin: HM-leikir og spennandi kvöld í Bónus-deildinni Sport Vonsvikinn Nik: Þriðja og fjórða markið gætu skipt sköpum Fótbolti Birta Georgs: Skrítinn leikur og veðrið átti stóran þátt í því Fótbolti Sir Jim Ratcliffe: Amorim þarf þrjú ár til að sanna sig Enski boltinn Fleiri fréttir Anton og Jónas áfram fastagestir á EM Skilur ekki hvernig var hægt að breyta víti í markmannskast ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Íslendingarnir frábærir og fögnuðu í Danmörku Allt upp á tíu hjá Elínu Klöru Varaforseti EHF handtekinn Vonast til að landsliðstreyjurnar fari í sölu á næstu vikum „Fjárhagsstaðan býður ekki upp á það að við leikum okkur með þann miðafjölda“ Lovísa Thompson kemur aftur inn í íslenska A-landsliðið Sjáðu svakalega vítakeppni þegar frændliðin börðust í bikarnum Aron Rafn hetja Hauka gegn Val og Fjölnir henti Stjörnunni úr leik Bikarmeistararnir sluppu með skrekkinn Unnu síðustu átján mínúturnar með tíu mörkum Laus úr útlegðinni og mættur heim Selfoss úr leik þrátt fyrir sigur Misjafnt gengi Íslendingaliðanna Valur áfram eftir góðan sigur KA áfram eftir þægilegan sigur í Eyjum Ómar Ingi frábær með Magdeburg í naumum sigri Haukar og Fram með mikilvæga sigra Tíu íslensk mörk í góðum sigri toppliðsins „Það var smá stress og drama“ Afturelding áfram með fullt hús stiga Markaflóð á Akureyri Viktor Gísli og félagar í Barcelona heimsmeistarar félagsliða Tíu íslensk mörk þegar Magdeburg tók bronsið Valur vann stigalausu Stjörnuna Sandra með stórleik í sigri gegn Selfossi Sjá meira
Jakob Ingi Stefánsson, Gróttu Jakob Ingi Stefánsson fékk nánast ekkert að spila á síðasta tímabili en hefur tekið aukinni ábyrgð fagnandi.vísir/hulda margrét Jakob hefur farið úr því að fá varla mínútu yfir í að vera einn besti vinstri hornamaður Olís-deildarinnar. Hann stimplaði sig strax inn með sjö mörkum í fyrsta leik Gróttu á tímabilinu. Jakob sýndi fádæma öryggi í upphafi móts og skoraði úr fyrstu sautján skotum sínum í Olís-deildinni og klikkaði ekki á skoti fyrr en í fjórða leik. Hann hefur alls skorað 44 mörk í vetur. Skotnýtingin er frábær, eða 77 prósent. Bruno Bernat, KA Bruno Bernat grýtir boltanum fram völlinn.vísir/diego KA er með bestu hlutfallsmarkvörsluna í Olís-deildinni í vetur, eða 34,6 prósent. Nicholas Satchwell hefur verið góður en Bruno enn betri. Hann er með 35,8 prósent hlutfallsmarkvörslu en enginn markvörður sem hefur spilað eitthvað af ráði er með betri markvörslu. Bruno hefur átt margar góðar innkomur, sérstaklega gegn Fram í Úlfarsárdalnum, og það er spurning hvort hann fái ekki fljótlega tækifæri til að byrja leiki. Mikel Amilibia Aristi, Herði Mikel Amilibia Aristi er duglegur að spila samherja sína uppi.vísir/hulda margrét Færa má rök fyrir því að allir leikmenn Harðar hafi komið á óvart í vetur enda nánast allir á sínu fyrsta tímabili í Olís-deildinni. Einn besti leikmaður Ísfirðinga í vetur er spænski leikstjórnandinn Mikel. Hann hefur skorað 32 mörk og er fjórði markahæsti Harðverjinn í Olís-deildinni. Þá hefur Mikel gefið 3,6 stoðsendingar að meðaltali í leik sem er það sjöunda mesta í deildinni. Hann gæti vel átt framtíð í Olís-deildinni þótt Hörður eigi það kannski ekki. Þórður Tandri Ágústsson, Stjörnunni Þórður Tandri Ágústsson (lengst til vinstri) hefur tekið miklum framförum frá síðasta tímabili.vísir/diego Þórður kom til Stjörnunnar frá Þór á Akureyri fyrir síðasta tímabil. Það var hálfgert aðlögunartímabil hjá honum en í vetur hefur hann sprungið út. Þórður er einfaldlega einn allra besti línumaður deildarinnar. Hann hefur skorað fjörutíu mörk og er næstmarkahæsti leikmaður Stjörnunnar í Olís-deildinni. Og skotnýtingin er alls ekkert slor, eða 75,5 prósent. Spilamennska Stjörnumanna hefur verið upp og ofan en ekkert er hægt að kvarta yfir frammistöðu Þórðar. Reynir Þór Stefánsson, Fram Þrátt fyrir að vera fæddur 2005 er Reynir Þór Stefánsson í stóru hlutverki í sóknarleik Fram.vísir/diego Reynir fékk eldskírn sína með Fram undir lok síðasta tímabils. Í vetur hefur hann svo tekið næsta skref. Reynir er aðeins sautján ára en spilar eins og hann sé 27 ára. Hann er ótrúlega þroskaður þótt kennitalan segi annað. Það sést meðal annars á því að Reynir stýrir sóknarleik Fram vel og er aðeins með 0,5 tapaðan bolta að meðaltali í leik. Hann hefur skorað 36 mörk í Olís-deildinni og er meðal markahæstu leikmanna Fram. Reynir getur þó enn bætt sig, til að mynda með því fjölga stoðsendingum sínum. En framtíðin er hans og hún er björt. Janus Dam Djurhuus, ÍBV Janus Dam Djurhuus (með mottuna) hefur reynst ÍBV góður liðsstyrkur.vísir/diego Eyjamenn hafa sótt á færeysk mið undanfarin tvö ár. Í fyrra fengu þeir hinn fjölhæfa Dánjal Ragnarsson og í ár vinstri hornamanninn Janus. Hann hefur smollið vel inn í lið ÍBV og styrkt veikustu stöðu liðsins á síðasta tímabili. Janus hefur skorað 31 mark og er með stórgóða 77,5 prósent skotnýtingu. Hann er hluti af gríðarlega sterkum 2002-árgangi færeyska landsliðsins ásamt meðal annars Eliasi Ellefsen á Skipagötu, verðandi leikmanni Kiel. Suguru Hikawa, Herði Suguru Hikawa er flottur fulltrúi Japans í Olís-deildinni.vísir/hulda margrét Leikur Sugurus er eins og Mackintosh kassi. Þar eru góðir molar og vondir molar. Hann tapar boltanum fulloft og tekur skrítin skot. En Suguru skorar og getur gert það nánast upp á eigin spýtur. Hann er markahæsti leikmaður Harðar í vetur með 55 mörk og ágætis 58,5 prósent skotnýtingu. Gaman væri að sjá Suguru í liði þar sem hann er með jafn mikla sóknarábyrgð og hann gæti eflaust nýst vel sem eins ísbrjótur inn af bekknum þegar allt er frosið. Jakob Martin Ásgeirsson, FH Jakob Martin Ásgeirsson er alltaf að verða betri og betri.vísir/hulda margrét Formannssonurinn úr Firðinum er á sínu þriðja tímabili sem fyrsti hornamaður FH. Jakob var góður í fyrra en það er mikill munur á honum milli ára. Hann er áfram gríðarlega öflugur í vörninni og hefur bætt sig mikið í sókninni. Jakob er næstmarkahæsti leikmaður FH í vetur með 48 mörk og skotnýtingin er fyrirtak, eða 71,6 prósent. Jakob hefur átt risastóran þátt í frábæru gengi FH að undanförnu en liðið hefur unnið átta leiki í röð í deild og bikar. Luka Vukicevic, Fram Luka Vukicevic kom til Fram frá Bregenz í Austurríki fyrir tímabilið.vísir/hulda margrét Fyrir tímabilið þótti Luka vera óskrifaða blaðið en Marko Coric öruggari kosturinn. En það hefur ekki alveg verið þannig. Marko hefur verið ágætur en er algjör klaufi í dauðafærunum. Á meðan hefur Luka verið ein besta hægri skytta deildarinnar. Hann er frábær maður gegn manni og ótrúlega drjúgur í gegnumbrotunum. Luka hefur skorað 56 mörk og er markahæsti Frammarinn í Olís-deildinni. Hann átti sennilega besta hálfleik leikmanns á tímabilinu gegn Haukum en þá skoraði hann níu mörk í fyrri hálfleik. Viktor Sigurðsson, ÍR Viktor Sigurðsson er algjör lykilmaður hjá ÍR.vísir/vilhelm Viktor þefaði fyrst af Olísinu á þarsíðasta tímabili en er nú mættur aftur í deild þeirra bestu og mun tilbúnari en síðast. Hann er algjör lykilmaður hjá ÍR og má varla missa af mínútu hjá nýliðunum. Viktor er 57 marka maður í vetur og er þar að auki með 3,5 stoðsendingar að meðaltali í leik. Aðeins sjö leikmenn eru með fleiri stoðsendingar í leik í Olís-deildinni. Viktor er reyndar búinn að tapa flestum boltum í deildinni og þarf að skera niður á því sviði. Óvíst er hvort ÍR verði í Olís-deildinni á næsta tímabili en Viktor verður líklega þar enda búinn að vinna sér fyrir því.
Olís-deild karla Mest lesið „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Missa af Messi vegna harðra aðgerða gegn innflytjendum í Chicago Fótbolti Skilur ekki hvernig var hægt að breyta víti í markmannskast Handbolti Óheppin Arna fékk dæmt á sig víti gegn Man. Utd Fótbolti Ísak lofar að hlaupa mest: „Mjög gaman að sjá fólkið bakka okkur upp“ Fótbolti Dagskráin: HM-leikir og spennandi kvöld í Bónus-deildinni Sport Vonsvikinn Nik: Þriðja og fjórða markið gætu skipt sköpum Fótbolti Birta Georgs: Skrítinn leikur og veðrið átti stóran þátt í því Fótbolti Sir Jim Ratcliffe: Amorim þarf þrjú ár til að sanna sig Enski boltinn Fleiri fréttir Anton og Jónas áfram fastagestir á EM Skilur ekki hvernig var hægt að breyta víti í markmannskast ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Íslendingarnir frábærir og fögnuðu í Danmörku Allt upp á tíu hjá Elínu Klöru Varaforseti EHF handtekinn Vonast til að landsliðstreyjurnar fari í sölu á næstu vikum „Fjárhagsstaðan býður ekki upp á það að við leikum okkur með þann miðafjölda“ Lovísa Thompson kemur aftur inn í íslenska A-landsliðið Sjáðu svakalega vítakeppni þegar frændliðin börðust í bikarnum Aron Rafn hetja Hauka gegn Val og Fjölnir henti Stjörnunni úr leik Bikarmeistararnir sluppu með skrekkinn Unnu síðustu átján mínúturnar með tíu mörkum Laus úr útlegðinni og mættur heim Selfoss úr leik þrátt fyrir sigur Misjafnt gengi Íslendingaliðanna Valur áfram eftir góðan sigur KA áfram eftir þægilegan sigur í Eyjum Ómar Ingi frábær með Magdeburg í naumum sigri Haukar og Fram með mikilvæga sigra Tíu íslensk mörk í góðum sigri toppliðsins „Það var smá stress og drama“ Afturelding áfram með fullt hús stiga Markaflóð á Akureyri Viktor Gísli og félagar í Barcelona heimsmeistarar félagsliða Tíu íslensk mörk þegar Magdeburg tók bronsið Valur vann stigalausu Stjörnuna Sandra með stórleik í sigri gegn Selfossi Sjá meira