Tæklaði árásarmanninn en tapaði tengdasyninum Tryggvi Páll Tryggvason skrifar 22. nóvember 2022 08:29 Richard M. Fierro, maðurinn sem lék lykilhlutverk í að yfirbuga árásarmanninn, ræddi við fréttamenn fyrir utan heimili sitt. AP Photo/Jack Dempsey Miðaldra fyrrverandi hermanni hefur verið hampað sem hetju eftir að hann afvopnaði og yfirbugaði árásarmann sem hóf skotárás á hinsegin skemmtistað í Colorado í Bandaríkjunum um helgina. Hann segist hafa farið ósjálfrátt í stríðsham þegar kúlunum byrjaði að rigna. Tengdasonur hermannsins er á meðal þeirra sem lést í árásinni. Fimm létust og minnst átján særðust þegar hinn 22 ára Anderson Lee Aldrich mætti þungvopnaður á Club Q skemmtistaðinn í Colorado Springs. Hann hóf skothríð með fyrrgreindum afleiðingum. Yfirvöld telja ljóst að tveir viðskiptavinir staðarins hafi afstýrt því að Aldrich tækist að valda meiri skaða. Greint hefur verið frá því að þeir hafi afvopnað hann og yfirbugað, skömmu eftir að skothríðin fórst. Þar var hinn 45 ára Richard M. Fierro í aðalhlutverki. Fór í stríðsham Hann var í viðtali við New York Times í gær þar sem hann ræddi atburðarrásina. Hann segist hafa verið staddur á barnum með eiginkonu sinni, dóttur þeirra og tengdasyni ásamt nokkrum vinum þegar skothríðin hófst. Voru þau á drag-sýningu til að horfa á vin dóttur þeirra koma fram. Á vettvangi skotárásarinnar.AP Photo/David Zalubowski „Ég veit ekki nákvæmlega hvað ég gerði. Ég fór bara í stríðsham,“ hefur New York Times eftir Fierro. Fierro var fimmtán ár í bandaríska hernum og barðist meðal annars í Afganistan og í Írak. Hann hafði þó lagt stríðöxina á hilluna, þangað til um helgina. „Ég vissi bara að ég þyrfti að drepa hann áður en hann dræpi okkur,“ sagði Fierro. Yfirvöld hafa gefið út að skothríðin hafi aðeins staðið yfir í örfáar mínútur. Það sé helst Fierro og öðrum einstaklingi að þakka sem hafi sem fyrr segir drýgt mikla hetjudáð með því að ráðast til atlögu gegn árásarmanninum. Árásarmaðurinn var handtekinn á staðnum og mun þurfa að svara fyrir ódæðið. „Hann bjargaði mörgum mannslífum,“ sagði John Suthers, borgarstjóri Colodaro Springs við New York Times um gjörðir Fierro umrætt kvöld. Vövðaminnið úr stríðinu tók yfir Í viðtalinu lýsir Fierro því hvernig hann hafi þekkt skothljóðin strax. Við það henti hann sér í jörðina og dró vini sína með sér. Skotin flugu yfir höfði þeirra og þegar Fierro leit upp sá sá hann þungvopnaðan einstakling með riffil, áþekkum þeim sem Fierro hafði notað í Írak. Árásarmaðurinn var á leið að útisvæði, þangað sem fjöldi hafði flúið undan honum. Fórnarlamba skotárásarinnar hefur verið minnst fyrir utan skemmtistaðinn.AP Photo/Parker Seibold Hermaðurinn í Fierro vaknaði og hann hljóp þvert yfir herbergið, náði taki á árásarmanninum og dró hann niður í jörðina. „Var hann að skjóta þegar ég gerði þetta? Var hann að fara að skjóta? Ég veit það ekki. Ég vissi bara að ég þurfti að ná honum niður,“ sagði Fierro. Eftir að þeir lentu á gólfinu skaust riffillinn úr höndunum á árásarmanninum. Fierro reyndi þá að ná til riffilsins en á því augnabliki dró árásarmaðurinn upp skammbyssu. „Ég náði skammbyssunni úr höndunum á honum og byrjaði bara að lemja hann í höfuðið,“ sagði Fierro. Á meðan hann hélt árásarmanninum niðri skipaði Fierro öðrum nærstöddum gestum að aðstoða sig við að yfirbuga manninn. En hvað varð til þess að Fierro brást svona við? Hann telur líklegt að gamalt vöðvaminni frá tíma hans í hernum hafi tekið yfir. „Ég veit ekki hvernig ég náði vopninu frá þessum manni. Ekki hugmynd. Ég er bara einhver gæi, feitur gamall hermaður. En ég vissi að ég þyrfti að gera eitthvað.“ Leituðu að tengasyninum Árásin tók þó sinn toll af fjölskyldu og vinum Fierro. Tveir af vinum hans voru skotnir og er annar þeirra særður alvarlega. Þá fannst tengdasonur þeirra, kærasti dóttur þeirra, hvergi eftir árásina. Kveikt á kertum til minningar um fórnarlömbin.AP Photo/Jack Dempsey Leituðu þau að honum á nærliggjandi svæði í von um að hann hafi kannski lagt af stað heim til sín fótgangandi. Seint á sunnudeginum barst hins vegar símtal frá móður hans. Tengdasonur Fierro hafði látið lífið í árásinni. Segir Fierro að lokum að hann hafi reynt að miðla visku sinni frá tíma hans í hernum um hvernig takast eigi á við sorg. Hann óttast þó að það geti reynst erfitt. „Þú þurftir bara að mæta á næstu vakt og koma þessu út úr hausnum á þér. Þannig batnaði þetta. Þú bættir þetta með því að gera meira. Að lokum kemstu heill á húfi heim. Ég hef samt áhyggjur af því að því hér er engin næsta vakt. Það er erfiðara að bæta þetta. Við erum þegar heima hjá okkur.“ Erlend sakamál Bandaríkin Skotárásir í Bandaríkjunum Tengdar fréttir Tvær hetjur yfirbuguðu árásarmanninn Sá sem er grunaður um að hafa orðið fimm að bana á hinsegin skemmtistað í Colorado í Bandaríkjunum aðfaranótt sunnudags er 22 ára karlmaður. Skemmtistaðurinn þakkar hetjum sem voru inni á staðnum og yfirbuguðu árásarmanninn. 20. nóvember 2022 17:47 Fimm skotin til bana í árás á hinsegin skemmtistað í Colorado Fimm voru skotnir til bana á hinsegin skemmtistaðnum „Q“ í Colorado Springs í Bandaríkjunum nú aðfaranótt sunnudags. Átján særðust í árásinni. 20. nóvember 2022 12:34 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Ætlar alla leið í baráttu fyrir nafninu sínu Innlent Fresta íbúakosningu í Ölfusi um mölunarverksmiðju Innlent Helga aðeins 15 mínútur að landa fyrsta laxinum Innlent Útgjöld ríkissjóðs vegna Grindavíkur hátt í hundrað milljarðar Innlent „Nú á dögunum tók sonur minn líf sitt innan veggja fangelsisins“ Innlent Heimamanna bíður það verkefni að finna nafn á nýja lónið sem er komið til að vera Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira
Fimm létust og minnst átján særðust þegar hinn 22 ára Anderson Lee Aldrich mætti þungvopnaður á Club Q skemmtistaðinn í Colorado Springs. Hann hóf skothríð með fyrrgreindum afleiðingum. Yfirvöld telja ljóst að tveir viðskiptavinir staðarins hafi afstýrt því að Aldrich tækist að valda meiri skaða. Greint hefur verið frá því að þeir hafi afvopnað hann og yfirbugað, skömmu eftir að skothríðin fórst. Þar var hinn 45 ára Richard M. Fierro í aðalhlutverki. Fór í stríðsham Hann var í viðtali við New York Times í gær þar sem hann ræddi atburðarrásina. Hann segist hafa verið staddur á barnum með eiginkonu sinni, dóttur þeirra og tengdasyni ásamt nokkrum vinum þegar skothríðin hófst. Voru þau á drag-sýningu til að horfa á vin dóttur þeirra koma fram. Á vettvangi skotárásarinnar.AP Photo/David Zalubowski „Ég veit ekki nákvæmlega hvað ég gerði. Ég fór bara í stríðsham,“ hefur New York Times eftir Fierro. Fierro var fimmtán ár í bandaríska hernum og barðist meðal annars í Afganistan og í Írak. Hann hafði þó lagt stríðöxina á hilluna, þangað til um helgina. „Ég vissi bara að ég þyrfti að drepa hann áður en hann dræpi okkur,“ sagði Fierro. Yfirvöld hafa gefið út að skothríðin hafi aðeins staðið yfir í örfáar mínútur. Það sé helst Fierro og öðrum einstaklingi að þakka sem hafi sem fyrr segir drýgt mikla hetjudáð með því að ráðast til atlögu gegn árásarmanninum. Árásarmaðurinn var handtekinn á staðnum og mun þurfa að svara fyrir ódæðið. „Hann bjargaði mörgum mannslífum,“ sagði John Suthers, borgarstjóri Colodaro Springs við New York Times um gjörðir Fierro umrætt kvöld. Vövðaminnið úr stríðinu tók yfir Í viðtalinu lýsir Fierro því hvernig hann hafi þekkt skothljóðin strax. Við það henti hann sér í jörðina og dró vini sína með sér. Skotin flugu yfir höfði þeirra og þegar Fierro leit upp sá sá hann þungvopnaðan einstakling með riffil, áþekkum þeim sem Fierro hafði notað í Írak. Árásarmaðurinn var á leið að útisvæði, þangað sem fjöldi hafði flúið undan honum. Fórnarlamba skotárásarinnar hefur verið minnst fyrir utan skemmtistaðinn.AP Photo/Parker Seibold Hermaðurinn í Fierro vaknaði og hann hljóp þvert yfir herbergið, náði taki á árásarmanninum og dró hann niður í jörðina. „Var hann að skjóta þegar ég gerði þetta? Var hann að fara að skjóta? Ég veit það ekki. Ég vissi bara að ég þurfti að ná honum niður,“ sagði Fierro. Eftir að þeir lentu á gólfinu skaust riffillinn úr höndunum á árásarmanninum. Fierro reyndi þá að ná til riffilsins en á því augnabliki dró árásarmaðurinn upp skammbyssu. „Ég náði skammbyssunni úr höndunum á honum og byrjaði bara að lemja hann í höfuðið,“ sagði Fierro. Á meðan hann hélt árásarmanninum niðri skipaði Fierro öðrum nærstöddum gestum að aðstoða sig við að yfirbuga manninn. En hvað varð til þess að Fierro brást svona við? Hann telur líklegt að gamalt vöðvaminni frá tíma hans í hernum hafi tekið yfir. „Ég veit ekki hvernig ég náði vopninu frá þessum manni. Ekki hugmynd. Ég er bara einhver gæi, feitur gamall hermaður. En ég vissi að ég þyrfti að gera eitthvað.“ Leituðu að tengasyninum Árásin tók þó sinn toll af fjölskyldu og vinum Fierro. Tveir af vinum hans voru skotnir og er annar þeirra særður alvarlega. Þá fannst tengdasonur þeirra, kærasti dóttur þeirra, hvergi eftir árásina. Kveikt á kertum til minningar um fórnarlömbin.AP Photo/Jack Dempsey Leituðu þau að honum á nærliggjandi svæði í von um að hann hafi kannski lagt af stað heim til sín fótgangandi. Seint á sunnudeginum barst hins vegar símtal frá móður hans. Tengdasonur Fierro hafði látið lífið í árásinni. Segir Fierro að lokum að hann hafi reynt að miðla visku sinni frá tíma hans í hernum um hvernig takast eigi á við sorg. Hann óttast þó að það geti reynst erfitt. „Þú þurftir bara að mæta á næstu vakt og koma þessu út úr hausnum á þér. Þannig batnaði þetta. Þú bættir þetta með því að gera meira. Að lokum kemstu heill á húfi heim. Ég hef samt áhyggjur af því að því hér er engin næsta vakt. Það er erfiðara að bæta þetta. Við erum þegar heima hjá okkur.“
Erlend sakamál Bandaríkin Skotárásir í Bandaríkjunum Tengdar fréttir Tvær hetjur yfirbuguðu árásarmanninn Sá sem er grunaður um að hafa orðið fimm að bana á hinsegin skemmtistað í Colorado í Bandaríkjunum aðfaranótt sunnudags er 22 ára karlmaður. Skemmtistaðurinn þakkar hetjum sem voru inni á staðnum og yfirbuguðu árásarmanninn. 20. nóvember 2022 17:47 Fimm skotin til bana í árás á hinsegin skemmtistað í Colorado Fimm voru skotnir til bana á hinsegin skemmtistaðnum „Q“ í Colorado Springs í Bandaríkjunum nú aðfaranótt sunnudags. Átján særðust í árásinni. 20. nóvember 2022 12:34 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Ætlar alla leið í baráttu fyrir nafninu sínu Innlent Fresta íbúakosningu í Ölfusi um mölunarverksmiðju Innlent Helga aðeins 15 mínútur að landa fyrsta laxinum Innlent Útgjöld ríkissjóðs vegna Grindavíkur hátt í hundrað milljarðar Innlent „Nú á dögunum tók sonur minn líf sitt innan veggja fangelsisins“ Innlent Heimamanna bíður það verkefni að finna nafn á nýja lónið sem er komið til að vera Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira
Tvær hetjur yfirbuguðu árásarmanninn Sá sem er grunaður um að hafa orðið fimm að bana á hinsegin skemmtistað í Colorado í Bandaríkjunum aðfaranótt sunnudags er 22 ára karlmaður. Skemmtistaðurinn þakkar hetjum sem voru inni á staðnum og yfirbuguðu árásarmanninn. 20. nóvember 2022 17:47
Fimm skotin til bana í árás á hinsegin skemmtistað í Colorado Fimm voru skotnir til bana á hinsegin skemmtistaðnum „Q“ í Colorado Springs í Bandaríkjunum nú aðfaranótt sunnudags. Átján særðust í árásinni. 20. nóvember 2022 12:34