Tölvuárás gerð á Mbl.is

Bjarki Sigurðsson skrifar 19. nóvember 2022 15:42

Höfuðstöðvar Morgunblaðsins í Hádegismóum. Vísir/Egill

Tölvuárás var gerð á vefinn Mbl.is fyrr í dag. Vefsíðan hefur legið niðri nú í einn og hálfan tíma.

Á Facebook-síðu Mbl.is segir að árásin komi erlendis frá. Unnið er að viðgerð þessa stundina.

Mbl.is er næst mest lestni vefur landsins. Miðað við mælingar Gallup á fjölda heimsókna í vikunni 7. til 13. nóvember heimsækja 199 þúsund manns að jafnaði á hverjum degi. Vísir er eini vefurinn sem skákar Mbl.is og er með rúmlega 207 þúsund lesendur daglega.

Um miðjan ágústmánuð var gerð netárás á vef Fréttablaðsins. Þar voru rússnesk samtök á ferð en þau voru ósátt með myndbirtingu blaðsins nokkrum dögum áður. Þar mátti sjá mann traðka á rússneska fánanum.

Fjölmiðlar Netglæpir Netöryggi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.