Erlent

Fimm ljón sluppu úr dýragarði í Sydney

Gunnar Reynir Valþórsson skrifar
Ekki er ljóst hvernig ljónunum tókst að sleppa út. 
Ekki er ljóst hvernig ljónunum tókst að sleppa út.  Vísir/afp

Fimm ljónum tókst að sleppa úr búri sínu í ástralska dýragarðinum Taronga í Sydney í gærkvöldi.

Uppi varð fótur og fit í garðinum en atvikið átti stað um klukkan hálfsjö að morgni og því var garðurinn lokaður almenningi. Þó voru um hundrað manns í garðinum sem höfðu dvalið þar næturlangt og voru dýrin í um hundrað metra fjarlægð frá gestunum.

Um eitt fullorðið dýr var að ræða og fjóra unga. Aðeins tók nokkrar mínútur að koma böndum á ljóninn en einn ljónsunga þurfti að skjóta með deyfilyfi til að róa hann. Talsmaður dýragarðsins segir að aldrei hafi verið nein hætta á ferðum en enn er óljóst hvernig ljónunum tókst að sleppa.

Fátítt er að dýr sleppi úr dýragörðum í Ástralíu en þó kom upp atvik árið 2009 í öðrum dýragarði í grennd við Sydney þar sem ljónynju tókst að sleppa og á endanum var ákveðið að fella dýrið.

Ástralía Dýr
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið