Körfubolti

Þórsarar sækja Bandaríkjamann til Þorlákshafnar

Hjörtur Leó Guðjónsson skrifar
Vinnie Shahid mun leika með Þór frá Þorlákshöfn í Subway-deild karla.
Vinnie Shahid mun leika með Þór frá Þorlákshöfn í Subway-deild karla. Streeter Lecka/Getty Images

Körfuknattleiksdeild Þórs Þorlákshafnar hefur komist að samkomulagi við Bandaríkjamanninn Vinnie Shahid um að leika með liðinu í Subway-deild karla í körfubolta.

Frá þessu er greint á samfélagsmiðlum Þórs, en Shahid lék seinast með Cergy-Pontoise í frönsku C-deildinni. Shahid var með tæplega 21 stig að meðaltali í leik í Frakklandi, ásamt því að taka tæp fjögur fráköst og gefa tæpar fjórar stoðsendingar. Þá var hann einnig valinn leikmaður ársins í deildinni.

Shahid lék fyrir North Dakota State háskólann í Bandaríkjunum á háskólaárum sínum, en leikmaðurinn er 24 ára gamall bakvörður.

Þórsarar hafa ekki farið vel af stað í deildinni á tímabilinu, en liðið situr í næst neðsta sæti án stiga eftir þrjá leiki.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.