Handbolti

Daníel og félagar sóttu sín fyrstu stig

Hjörtur Leó Guðjónsson skrifar
Daníel Freyr Andrésson í leik með Val.
Daníel Freyr Andrésson í leik með Val. Vísir/Vilhelm

Hnadboltamarkvörðurinn Daníel Freyr Andrésson og félagar hans í danska liðinu Lemvig sóttu sín fyrstu stig á tímabilinu í dönsku úrvalsdeildinni í handbolta er liðið vann þriggja marka útisigur gegn Nordsjælland í kvöld, 22-25.

Daníel og félagar byrjuðu leikinn betur og náðu mest fjögurra marka forskoti í fyrri hálfleik. Liðið fór að lokum með þriggja marka forystu inn í hálfleikshléið, staðan 8-11.

Gestirnir í Lemvig héldu forskoti sínu svo út allan síðari hálfleikinn og unnu að lokum góðan þriggja marka sigur, 22-25.

Eins og áður segir voru þetta fyrstu stig liðsins á tímabilinu, en liðið situr í næst neðsta sæti deildarinnar með tvö stig, einu stigi minna en Nordsjælland sem situr sæti ofar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.