Á batavegi eftir fólskulega hnífstunguárás við Sprengisand Erla Björg Gunnarsdóttir skrifar 3. október 2022 15:50 Hjálmar ásamt foreldrum sínum, Þórhalli Sverrissyni og Hildi Hjálmarsdóttur, í fyrsta göngutúrnum eftir árásina. Hildur Hjálmarsdóttir Móðir pilts sem ráðist var á í undirgöngum við Sprengisand segist hafa í gegnum tíðina haft áhyggjur af því að sonur hennar noti ekki hjálm við hjólreiðarnar en grunaði ekki að hann gæti orðið fyrir hnífstunguárás á leið sinni á íþróttaæfingu. Pilturinn er ekki með bílpróf og er hjólið hans fararskjótur en eftir árásina er eðlilega óhugur í honum og foreldrunum. Hjálmar Þórhallsson sem varð átján ára á árinu var að hjóla á íþróttaæfingu í Laugardalnum um miðjan september þegar ráðist var á hann. Hjálmar var stunginn þrisvar sinnum; djúpt í utanvert lærið, aftur ofar þar sem hnífurinn fór í gegn og í litla slagæð – og í þriðja skiptið ofarlega við mjaðmabein. Hann missti mikið blóð, var fluttur á gjörgæslu og þurfti að fara í aðgerð. Tveir heimar mætast Hjálmar mætti árásarmanninum í undirgöngunum við Sprengisand og ætlaði maðurinn að ræna hjólinu hans. Hjálmar var nýbúinn að kaupa sér fínt rafmagnshjól og var ekki tilbúinn að láta það af hendi. Þá réðst maðurinn á Hjálmar. „Atburðurinn er alvarlegur og kemur okkur öllum við,“ segir Hildur Hjálmarsdóttir, móðir Hjálmars. „Þarna mætast tveir heimar; barn á leið á íþróttaæfingu og fíkniefnaneytandi að reyna að fjármagna næsta skammt. Svo er spurning hvort við sættum okkur við að börnin okkar geti ekki ferðast á milli hverfa án þess að eiga það á hættu að vera rænd með vopnum með alls konar afleiðingum.“ Barðist fyrir hjólinu Hildur segir Hjálmar hafa verið mjög veikan fyrst á eftir en sé að jafna sig hægt og rólega. Hann er farinn aftur í skólann en íþróttaæfingarnar bíða aðeins. Ekki er talið að hann verði fyrir varanlegum skaða. Hún segir það taka tíma fyrir bæði hann og foreldrana að jafna sig á þessu andlega en að hann sé þó ansi brattur. „Hann tekur þessu ekki sem persónulegri árás. Hann veit að maðurinn vildi bara stela hjólinu en hann vildi passa það og var ekki tilbúinn að gefa það eftir. Hann barðist fyrir hjólinu enda er það hans fararskjóti í lífinu – í skólann og fimm sinnum í viku á íþróttaæfingu.“ Tveir nítján ára piltar til bjargar Árásin átti sér stað við undirgöngin fyrir framan Atlantsolíu og var fólk þar sem varð vitni að árásinni en flestir áttuðu sig ekki á alvarleikanum. Ekki fyrr en tveir nítján ára piltar hlupu á svæðið til að kanna betur aðstæður. Þá flúði árásarmaðurinn og elti annar piltanna manninn á meðan hinn hlúði að Hjálmari og kallaði eftir hjálp. Hildur segir fjölskylduna eiga þessum piltum mikið að þakka enda hafi árásin verið með þeim hætti að hún hefði getað endað enn verr. Piltarnir gátu vísað lögreglu á árásarmanninn og náðist hann strax. Hann var dæmdur í gæsluvarðhald til 12. október. Árásin átti sér stað við þessi göng undir Reykjanesbraut, skammt hjá Atlantsolíu við Sprengisand.Vísir/Vilhelm Ekki í standi til að vera úti í samfélaginu „Lögregla kannaðist strax við manninn enda síbrotamaður sem hafði verið tekinn fyrir ýmis brot dagana og vikurnar á undan,“ segir Hildur en hún segist gera sér grein fyrir að erfitt sé að eiga við slíkt, það vanti pláss og úrræði. Einnig að hún hafi samúð með fólki sem sé djúpt sokkið í heim fíkniefna. „En í því ástandi sem maðurinn var í þá var hann að okkar viti ekki í nokkru standi til að vera úti í samfélaginu. Þarna er blásaklaus einstaklingur sem lendir í fólskulegri árás. Það getur hver sem er lent í þessu, manni finnst þetta einhvern veginn vera nýr veruleiki.“ Vilja benda á þennan nýja veruleika Hildur og maðurinn hennar skrifuðu Facebook-færslu í gær um líðan Hjálmars og deildu þeim gleðifréttum að hann væri að jafna sig smátt og smátt. En einnig vildu þau benda á þessa hættu. „Ég hef aldrei haft áhyggjur af því að ráðist verði á Hjálmar. Ég hef frekar haft áhyggjur af því að hann gleymi því að nota hjálm,“ segir Hildur en bætir við að Hjálmar sé allur að koma til og vilji sem minnst gera úr þessari árás. „Ekki frekar en öðrum hlutum enda magnaður náungi. Mættur í skólann og hangir í tölvunni sem aldrei fyrr. Svo styttist í að hann geti farið að mæta á æfingar og detti í sína gömlu rútínu.“ Lögreglumál Reykjavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur ekki lagt fram trygginguna og biðlar til dómstóla um miskunn Erlent „Við verðum að bregðast við þegar glugginn er opinn“ Innlent „Þetta er að verða komið gott“ Innlent Stöðug virkni í nótt Innlent Enn mikið sjónarspil á gosstöðvunum Innlent Ísland meðal örfárra ríkja sem standast viðmið WHO um loftgæði Erlent Eldgosið hagi sér öðruvísi og gæti varað lengur Innlent Bankasýslan kom af fjöllum þegar tilkynnt var um kaupin Innlent Jakob Reynir Aftur reynir aftur Innlent Lýsir yfir vonbrigðum og krefst frestunar aðalfundar Innlent Fleiri fréttir Bein útsending: Málþing um framtíð rammaáætlunar Stöðug virkni í nótt „Við verðum að bregðast við þegar glugginn er opinn“ „Þetta er að verða komið gott“ Bankasýslan kom af fjöllum þegar tilkynnt var um kaupin Lýsir yfir vonbrigðum og krefst frestunar aðalfundar Árekstur við Kaplakrika Eldgosið hagi sér öðruvísi og gæti varað lengur Jakob Reynir Aftur reynir aftur Bankastjóri segir það hennar hlutverk að reka Landsbankann Enn mikið sjónarspil á gosstöðvunum Tveggja ára fangelsi fyrir hnífaárás vegna lélegs kókaíns Hvorki sakborningur né fórnarlamb kannast við skotárásina Kvöldfréttir Stöðvar 2 Stefán Ingimar neitar að koma til landsins Virkni gossins enn stöðug og hætta enn talin mikil Tekur ekki þátt í að selja hlut í Landsbankanum Endurskoða aðgangstakmarkanir á morgun Meðmælabréf kennaranna ekki nóg fyrir skólastjórann Lítil stemning fyrir rafrænni undirritun Ríkið reynt að hafa þinglýstar jarðir af bændum með valdi Fær engar slysabætur eftir að hafa ekið réttindalaus og „frosið“ á fjórhjólinu Íslendingurinn var handtekinn í Baltimore Foreldrar megi ekki vera vondir við sjálfa sig eftir stórt áfall Hraunið á um 330 metra í Suðurstrandarveg Svartsengi rýmt vegna gasmengunar Barmur hrauntjarnar við það að bresta og mikil mengun í Svartsengi Haldlögðu mikið magn skotvopna á höfuðborgarsvæðinu Segir Ómar hafa hótað pari málsókn vegna viðtals Sakar leigjanda sinn um blekkingar en vill grafa stríðsöxina Sjá meira
Hjálmar Þórhallsson sem varð átján ára á árinu var að hjóla á íþróttaæfingu í Laugardalnum um miðjan september þegar ráðist var á hann. Hjálmar var stunginn þrisvar sinnum; djúpt í utanvert lærið, aftur ofar þar sem hnífurinn fór í gegn og í litla slagæð – og í þriðja skiptið ofarlega við mjaðmabein. Hann missti mikið blóð, var fluttur á gjörgæslu og þurfti að fara í aðgerð. Tveir heimar mætast Hjálmar mætti árásarmanninum í undirgöngunum við Sprengisand og ætlaði maðurinn að ræna hjólinu hans. Hjálmar var nýbúinn að kaupa sér fínt rafmagnshjól og var ekki tilbúinn að láta það af hendi. Þá réðst maðurinn á Hjálmar. „Atburðurinn er alvarlegur og kemur okkur öllum við,“ segir Hildur Hjálmarsdóttir, móðir Hjálmars. „Þarna mætast tveir heimar; barn á leið á íþróttaæfingu og fíkniefnaneytandi að reyna að fjármagna næsta skammt. Svo er spurning hvort við sættum okkur við að börnin okkar geti ekki ferðast á milli hverfa án þess að eiga það á hættu að vera rænd með vopnum með alls konar afleiðingum.“ Barðist fyrir hjólinu Hildur segir Hjálmar hafa verið mjög veikan fyrst á eftir en sé að jafna sig hægt og rólega. Hann er farinn aftur í skólann en íþróttaæfingarnar bíða aðeins. Ekki er talið að hann verði fyrir varanlegum skaða. Hún segir það taka tíma fyrir bæði hann og foreldrana að jafna sig á þessu andlega en að hann sé þó ansi brattur. „Hann tekur þessu ekki sem persónulegri árás. Hann veit að maðurinn vildi bara stela hjólinu en hann vildi passa það og var ekki tilbúinn að gefa það eftir. Hann barðist fyrir hjólinu enda er það hans fararskjóti í lífinu – í skólann og fimm sinnum í viku á íþróttaæfingu.“ Tveir nítján ára piltar til bjargar Árásin átti sér stað við undirgöngin fyrir framan Atlantsolíu og var fólk þar sem varð vitni að árásinni en flestir áttuðu sig ekki á alvarleikanum. Ekki fyrr en tveir nítján ára piltar hlupu á svæðið til að kanna betur aðstæður. Þá flúði árásarmaðurinn og elti annar piltanna manninn á meðan hinn hlúði að Hjálmari og kallaði eftir hjálp. Hildur segir fjölskylduna eiga þessum piltum mikið að þakka enda hafi árásin verið með þeim hætti að hún hefði getað endað enn verr. Piltarnir gátu vísað lögreglu á árásarmanninn og náðist hann strax. Hann var dæmdur í gæsluvarðhald til 12. október. Árásin átti sér stað við þessi göng undir Reykjanesbraut, skammt hjá Atlantsolíu við Sprengisand.Vísir/Vilhelm Ekki í standi til að vera úti í samfélaginu „Lögregla kannaðist strax við manninn enda síbrotamaður sem hafði verið tekinn fyrir ýmis brot dagana og vikurnar á undan,“ segir Hildur en hún segist gera sér grein fyrir að erfitt sé að eiga við slíkt, það vanti pláss og úrræði. Einnig að hún hafi samúð með fólki sem sé djúpt sokkið í heim fíkniefna. „En í því ástandi sem maðurinn var í þá var hann að okkar viti ekki í nokkru standi til að vera úti í samfélaginu. Þarna er blásaklaus einstaklingur sem lendir í fólskulegri árás. Það getur hver sem er lent í þessu, manni finnst þetta einhvern veginn vera nýr veruleiki.“ Vilja benda á þennan nýja veruleika Hildur og maðurinn hennar skrifuðu Facebook-færslu í gær um líðan Hjálmars og deildu þeim gleðifréttum að hann væri að jafna sig smátt og smátt. En einnig vildu þau benda á þessa hættu. „Ég hef aldrei haft áhyggjur af því að ráðist verði á Hjálmar. Ég hef frekar haft áhyggjur af því að hann gleymi því að nota hjálm,“ segir Hildur en bætir við að Hjálmar sé allur að koma til og vilji sem minnst gera úr þessari árás. „Ekki frekar en öðrum hlutum enda magnaður náungi. Mættur í skólann og hangir í tölvunni sem aldrei fyrr. Svo styttist í að hann geti farið að mæta á æfingar og detti í sína gömlu rútínu.“
Lögreglumál Reykjavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur ekki lagt fram trygginguna og biðlar til dómstóla um miskunn Erlent „Við verðum að bregðast við þegar glugginn er opinn“ Innlent „Þetta er að verða komið gott“ Innlent Stöðug virkni í nótt Innlent Enn mikið sjónarspil á gosstöðvunum Innlent Ísland meðal örfárra ríkja sem standast viðmið WHO um loftgæði Erlent Eldgosið hagi sér öðruvísi og gæti varað lengur Innlent Bankasýslan kom af fjöllum þegar tilkynnt var um kaupin Innlent Jakob Reynir Aftur reynir aftur Innlent Lýsir yfir vonbrigðum og krefst frestunar aðalfundar Innlent Fleiri fréttir Bein útsending: Málþing um framtíð rammaáætlunar Stöðug virkni í nótt „Við verðum að bregðast við þegar glugginn er opinn“ „Þetta er að verða komið gott“ Bankasýslan kom af fjöllum þegar tilkynnt var um kaupin Lýsir yfir vonbrigðum og krefst frestunar aðalfundar Árekstur við Kaplakrika Eldgosið hagi sér öðruvísi og gæti varað lengur Jakob Reynir Aftur reynir aftur Bankastjóri segir það hennar hlutverk að reka Landsbankann Enn mikið sjónarspil á gosstöðvunum Tveggja ára fangelsi fyrir hnífaárás vegna lélegs kókaíns Hvorki sakborningur né fórnarlamb kannast við skotárásina Kvöldfréttir Stöðvar 2 Stefán Ingimar neitar að koma til landsins Virkni gossins enn stöðug og hætta enn talin mikil Tekur ekki þátt í að selja hlut í Landsbankanum Endurskoða aðgangstakmarkanir á morgun Meðmælabréf kennaranna ekki nóg fyrir skólastjórann Lítil stemning fyrir rafrænni undirritun Ríkið reynt að hafa þinglýstar jarðir af bændum með valdi Fær engar slysabætur eftir að hafa ekið réttindalaus og „frosið“ á fjórhjólinu Íslendingurinn var handtekinn í Baltimore Foreldrar megi ekki vera vondir við sjálfa sig eftir stórt áfall Hraunið á um 330 metra í Suðurstrandarveg Svartsengi rýmt vegna gasmengunar Barmur hrauntjarnar við það að bresta og mikil mengun í Svartsengi Haldlögðu mikið magn skotvopna á höfuðborgarsvæðinu Segir Ómar hafa hótað pari málsókn vegna viðtals Sakar leigjanda sinn um blekkingar en vill grafa stríðsöxina Sjá meira