Innlent

ASÍ hefur lengst af verið vettvangur átaka

Heimir Már Pétursson skrifar
Drífa Snædal var kjörin forseti ASÍ á þingi sambandsins árið 2018 og tók við af Gylfa Arnbjörnssyni sem mikill styr hafði staðið um nokkur síðustu ár hans í forsetaembætti.
Drífa Snædal var kjörin forseti ASÍ á þingi sambandsins árið 2018 og tók við af Gylfa Arnbjörnssyni sem mikill styr hafði staðið um nokkur síðustu ár hans í forsetaembætti. Vísir/Vilhelm

Sagnfræðingur segir ekki nýtt að átök séu um forystu og stefnu Alþýðusambandsins þótt tiltölulega friðsamt hafi verið innan samtakanna þar til nýverið. Formaður Verkalýðsfélagins Hlífar er vongóður um að sambandið nái vopnum sínum og samstaða náist um nýja forystu á komandi þingi ASÍ.

Alþýðusamband Íslands er með allra elstu félagasamtökum á Íslandi, stofnað árið 1916, eða fyrir 106 árum. Drífa Snædal forseti sambandsins sagði af sér embætti nýverið vegna deilna innan hreyfinigarinnar. Framundan er þing sambandsins dagana 10. - 12. október þar sem ný forysta verður kjörin.

Sumarliði R. Ísleifsson sagnfræðingur og dósent í hagnýtri menningarmiðlun við Háskóla Íslands skrifaði sögu ASÍ sem kom út í kring um hundrað ára afmæli hreyfingarinnar. Hann segir ekki nýtt að átök séu innan hreyfingarinnar.

Sumarliði R. Ísleifsson skrifaði sögu Alþýðusambandsins.ASÍ

„Það hafa verið átök um Alþýðusambandið nánast frá upphafi. Sérstaklega þó á fjórða áratugnum á milli kommúnista og jafnaðarmanna,“ segir Sumarliði.

Þeim átökum hafi meira og minna lokið þegar bein tengsl milli Alþýðuflokksins og ASÍ voru rofin árið 1940. Fljótlega uppúr seinna stíði hafi átök þó blossað upp aftur á milli sósíalista og jafnaðarmanna og bandamanna þeirra.

„Þessi átök standa nánast linnulaust fram á sjöunda áratug síðustu aldar.“ Tekist hafi verið á um stefnu Alþýðusambandsins og hversu hart verklýðshreyfingin ætti að ganga fram.

ASÍ er meðal elstu samtaka í landinu stofnuð árið 2016.ASÍ

„Svo er þetta bara barátta um völd yfir hreyfingunni. Á fjórða áratugnum er þetta barátta um völd milli hinna róttæku og jafnaðarmanna. Eftir seinni heimsstyrjöld einkennist þetta af átökum kalda stríðsins og er nátengt hörðum deilum á milli stjórnmálaflokka á þessum tíma,“ segir Sumarliði.

Átökin nú væru óvenju harkaleg og póluðust um önnur mál en fyrri deilur. Þá væru deilurnar nú óvenju persónulegar.

Þrátt fyrir þetta er Eyþór Þ. Árnason formaður Hlífar í Hafnarfirði, sem er með stærri félögum innan ASÍ, bjartsýnn fyrir þing ASÍ í næsta mánuði.

Eyþór Þ. Árnason formaður Verkalýðsfélagsins Hlífar í Hafnarfirði.Facebook síða

„Það hafa áður verið ýfingar innan ASÍ en við höfum alltaf náð lendingu. Fyrir þingið get ég ég ekki séð annað en að við erum alla vega ekki á förum úr ASÍ,“ segir formaður Hlífar.

En formenn stærstu aðildarfélaganna innan ASÍ þau Sólveig Anna Jónsdóttir formaður Eflingar og Ragnar Þór Ingólfsson formaður VR hafa sagt að skoða þyrfti sjálfan tilverugrundvöll Alþýðusambandsins. Ragnar hefur þó sagt að hann íhugi framboð til forseta sambandsinis ef hann skynji stuðning við sig utan VR og Eflingar.

Heldur þú að hann njóti stuðnings einmitt utan þessarra tveggja félaga?

„Já, já. Ég gæti alveg trúað því að hann eigi stuðning utan þessarra tveggja félaga. Það kæmi mér ekkert á óvart. Hversu víðtækur hann er skal ég ekki segja um,“ segir Eyþór Þ. Árnason.


Tengdar fréttir

Vill sameina ASÍ að baki sér

Ragnar Þór Ingólfsson, formaður VR, getur hugsað sér að verða næsti forseti Alþýðusambandsins ef vilji er innan aðildarfélaga þess til að sameinast um mikilvæg verkefni. VR íhugar nú alvarlega hvort framtíð þess sé betur borgið utan sambandsins ef ekki næst að sætta ólíkar blokkir þess.

Kristján Þórður býður sig ekki fram til for­seta ASÍ

Kristján Þórður Snæbjarnarson, forseti Alþýðusambands Íslands og formaður Rafiðnaðarsambandsins, mun ekki bjóða sig fram til forseta Alþýðusambandsins á þingi þess sem fram fer þann 10. til 12. október næstkomandi.

Slær fram­boð til for­seta ASÍ alveg út af borðinu

Sólveig Anna Jónsdóttir, formaður Eflingar, segist ekki hafa neinn áhuga á bjóða sig fram í forsetaembætti ASÍ. Hún spyr af hverju stéttir verka- og láglaunafólks ættu að vera áfram innan vébanda ASÍ takist ekki að ná fram ákveðnum breytingum á sambandinu.

Vill að Ragnar Þór leiði Alþýðusamband Íslands

Vilhjálmur Birgisson, formaður Verkalýðsfélags Akraness og formaður Starfsgreinasambands Íslands, hefur ekki í hyggju að bjóða sig fram til forseta Alþýðusambands Íslands. Tíminn verði þó að leiða í ljós hvort hann bjóði sig fram til varaforseta sambandsins. Hann vill mjög gjarnan sjá Ragnar Þór Ingólfsson, formann VR, leiða ASÍ.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.