Hækka lágmark bifreiða- og vörugjalda

Bjarki Sigurðsson skrifar 12. september 2022 10:22

Meðalvörugjald á bifreið hefur lækkað um tæplega 500 þúsund krónur síðan árið 2010. Vísir/Vilhelm

Breytingar verða gerðar á vörugjaldi við innflutning ökutækja samkvæmt fjárlagafrumvarpi sem kynnt var fjölmiðlum í dag. Þá verða einnig gerðar breytingar á bifreiðagjaldi en tekjur ríkissjóðs vegna þessara flokka hefur dregist saman síðustu ár.

Árið 2010 var meðalvörugjald á nýjum fólksbíl 642 þúsund krónur en var rétt rúmlega tvö hundruð þúsund krónur í fyrra. Gert er ráð fyrir því að auka meðalvörugjald um rúmlega áttatíu þúsund krónur á næsta ári.

Losunarmörk vörugjalds verða lækkuð en mörkin hafa verið óbreytt síðan árið 2011. Til þess að milda áhrif lækkun losunarmarka er fyrirhugað að lækka skattprósentuna samhliða. Fimm prósent lágmark á losunarmörkum verður sett á.

Gera má ráð fyrir því að verð á nýjum bílum hækki um allt að fimm prósent vegna breytinganna. Þá munu aðgerðirnar hafa bein áhrif á vísitölu neysluverðs en áhrifin eru metin um 0,2 prósent til hækkunar. Áætlað er að þessi breyting skili ríkissjóði 2,7 milljarða.

Þá verður hækkun lágmarksgjalds og losunarmarka á bifreiðagjaldi hækkað. Tekjur af gjöldunum hafa dregist saman síðustu ár vegna fjölgunar á vistvænum og sparneytnum fólksbílum. Bifreiðagjald tekur mark á CO2-losun ökutækja. Áætlað er að breytingin skili 2,2 milljörðum í viðbótartekjum.

Bílar Skattar og tollar Vistvænir bílar Fjárlagafrumvarp 2023 Alþingi

Tengdar fréttir

Gert ráð fyrir 89 milljarða króna halla

Fjárlagafrumvarp ríkisstjórnarinnar gerir ráð fyrir 89 milljarða króna hallarekstri ríkissjóðs á næsta ári. Heildarútgjöld ríkissjóðs eru áætluð um 1.296,5 milljarðar á árinu 2023, sem er hækkun um 78,5 milljarða frá fjárlögum fyrra árs.

12. september 2022 09:21

Hækka gjald á áfengi og tóbak

Gert er ráð fyrir að hækka gjald á áfengi á tóbak sem selt er í tollfrjálsum verslunum, samkvæmt fjárlagafrumvarpi ríkisstjórnarinnar sem kynnt var í morgun. Gert er ráð fyrir að hækkunin skili sér í tekjum fyrir ríkissjóð upp á 700 milljónir króna.

12. september 2022 10:15

Verðbólgan ein sú lægsta í Evrópu

Verðbólgan á Íslandi er ein sú lægsta meðal Evrópuríkja samkvæmt fjárlagafrumvarpi sem kynnt var í dag. Þó er mikilvægt að standa vörð um hana.

12. september 2022 09:58

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.