Klinkið

Rúnar hættir í eigin viðskiptum hjá Arion banka

Ritstjórn Innherja skrifar
Talsvert hefur verið um mannabreytingar á meðal stjórnenda Arion banka á undanförnum mánuðum.
Talsvert hefur verið um mannabreytingar á meðal stjórnenda Arion banka á undanförnum mánuðum.

Rúnar Friðriksson, sem hefur starfað í eigin viðskiptum Arion banka síðustu ár, er hættur hjá bankanum, samkvæmt heimildum Innherja. Hann sagði starfi sínu lausu í dag en það mun skýrast fljótlega hver verður fenginn til að taka við af honum innan bankans. 

Rúnar hefur stýrt viðskiptum á eigin reikning Arion banka á verðbréfamörkuðum frá árinu 2015. Þar áður var hann hjá Straumi fjárfestingabanka, forvera Kviku banka, auk þess að hafa meðal annars verið framkvæmdastjóri eigin viðskipta hjá Saga Capital og starfað um skeið hjá Kaupþingi.

Talsvert hefur verið um mannabreytingar hjá Arion banka á undanförnum mánuðum.

Rúnar hefur starfað í eigin viðskiptum Arion banka frá árinu 2015.

Ásgeir Helgi Reykfjörð Gylfason, sem var aðstoðarbankastjóri og framkvæmdastjóri fjárfestingabanka- og fyrirtækjasviðs, lét sem kunnugt er af störfum í byrjun apríl samhliða því að vera ráðinn forstjóri SKEL fjárfestingafélagi.

Tengt þeim breytingum sagði Lýður Þorgeirsson starfi sínu lausu sem forstöðumaður fyrirtækjaráðgjafar Arion og var Hreiðar Már Hermannsson, sem hafði unnið við sérhæfðar lánveitingar á fyrirtækja- og fjárfestingarbankasviði, ráðinn í hans stað. Á sama tíma hætti Kristján Einarsson, sem stýrði lánasviði lítilla og meðalstórra fyrirtækja, og réð sig yfir til Kviku banka en við hans starfi tók Elísabet Árnadóttir sem hefur starfað hjá Arion banka frá árinu 2000.

Þá lét Sigríður Guðmundsdóttir einnig af störfum sem innri endurskoðandi Arion fyrr í sumar og var Anna Sif Jónsdóttir ráðin í hennar stað. Anna Sif var áður innri endurskoðandi Kviku banka í nærri áratug.


Klinkið er vettvangur Innherja þar sem dregin er upp mynd og veitt innsýn í bakherbergi viðskipta, stjórnmála og atvinnulífs á landinu.


Tengdar fréttir

Stjórnendakapall í Kauphöllinni: Ásgeir og Magnús taka við stjórn SKEL

Fjárfestingafélagið SKEL hefur ráðið Ásgeir Helga Reykfjörð Gylfason, aðstoðarbankastjóra Arion banka, í starf forstjóra og Magnús Inga Einarsson, framkvæmdastjóra bankasviðs Kviku banka, í starf fjármálastjóra félagsins. Þetta kemur fram í tilkynning fjárfestingafélagsins til Kauphallarinnar. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.