Golf

Tiger Woods að safna liði

Óskar Ófeigur Jónsson skrifar
Tiger Woods ætlar að gera sitt í baráttunni fyrir framtíð PGA-mótaraðarinnar.
Tiger Woods ætlar að gera sitt í baráttunni fyrir framtíð PGA-mótaraðarinnar. Getty/Andrew Redington

Tiger Woods ætlar að taka frumkvæðið í baráttunni fyrir framtíð bandarísku PGA-mótaraðarinnar í golfi nú þegar forríku Sádarnir tæla til sína hvern kylfinginn á fætur öðrum.

LIV mótaröðin hefur náð til sín mörgum öflugum kylfingum sem elta peninginn en fórna um leið frekari þátttöku á mótum bandarísku mótaraðarinnar þar á meðal öllum risamótunum.

Tiger er sagður ætla að fá kylfinga á sinn fund í dag til að safna liði til stuðnings PGA-mótaraðarinnar. Fundurinn mun fara fram á BMW Championship mótinu í Wilmington í Delaware fylki en þar mun annar hluti FedEx úrslitakeppninnar byrja á fimmtudaginn.

Kylfingur sem var boðaður á fundinn sagði ESPN að á boðslistanum séu margir af tuttugu efstu kylfingum heimslistans sem og fullt af áhrifamiklum kylfingum sem hafa ekki hoppað yfir á LIV vagninn.

„Þetta er fundur til að fá tuttugu bestu kylfinga heimsins á sömu blaðsíðu og hvernig við getum haldið áfram að gera PGA-mótaröðina besti vöruna í atvinnumannagolfi,“ hefur ESPN eftir ein boðsgestinum.

Tiger hefur unnið fimmtán risatitla og er án efa vinsælasti kylfingur sögunnar. Hann er fyrirmynd margra af yngri kylfingnum og hefur haldið tryggð við PGA þrátt fyrir gylliboð frá Sádi-Aröbunum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.