Segist lélegasti kylfingurinn sem hefur fjórum sinnum farið holu í höggi Jakob Bjarnar skrifar 11. ágúst 2022 14:26 Fjöldi góðra kylfinga hefur stundað golf árum og áratugum saman án þess að upplifa það að fara holu í höggi. Það á ekki við um Arnór Guðjohnsen. Arnór Guðjohnsen, fyrrverandi knattspyrnukappi — einn besti fótboltamaður sem Ísland hefur átt —, gerði sér lítið fyrir og fór holu í höggi á Grafarholtsvellinum í gær. Þetta er í fjórða skipti sem Arnór fer holu í höggi en hann segir að þetta hafi verið skemmtilegasta hola-í-höggi hingað til. „Já, þetta er í fyrsta skipti sem ég sé hana fara ofan í,“ segir Arnór og lýsir fyrri skiptum en þá hefur verið um að ræða blind högg þar sem ekki hefur sést vel á flötina. Tók kærustuna með út á golfvöll ... sem betur fer Fyrsta skiptið sem Arnór fór holu í höggi var fyrir mörgum árum en þá var Arnór að spila með félögum sínum úr fótboltanum, þeim Pétri Péturssyni og Guðmundi Torfasyni. Allt goðsagnir úr boltanum á gömlu Korpunni. Arnór sá þá ekki boltann fara í holuna. „Annað skiptið var í Frakklandi, þegar ég var í Bordeaux. Ég var þá nýskilinn og hafði lítið að gera milli æfinga. Ég var þá byrjaður að leika mér aðeins í golfinu en var þá alltaf einn. Nema þá kom í heimsókn til mín sú sem er núverandi kona mín. Ég reif hana með mér út á völl og fór þá holu í höggi,“ segir Arnór. Þannig er að fjöldi góðra kylfinga hafa leikið golf árum og áratugum saman án þess að upplifa það að fara holu í höggi. Ein helsta martröð kylfinga er að fara holu í höggi og vera einir á ferð, þannig að engin séu vitnin. Leitaði heillengi að kúlunni áður en hún fannst í holunni „Já, sem betur fer var hún með. Þennan eina dag. Þetta var í grenjandi rigningu og upphækkuð flöt þannig að ég sá ekki hvert kúlan fór. Ég leitaði mikið að kúlunni áður en ég fann hana í holunni.“ Í þriðja skipti sem Arnór fór svo holu í höggi voru einnig kona hans og tengdaforeldrar með í för. „Það var í Hveragerði. Þá sá ég ekki heldur vel á grínið. Og leitaði heillengi að kúlunni þar til tengdamamma gólaði upp að það væri nú kúla í holunni. Og jújú, þarna var hún blessunin,“ segir Arnór. Arnór sækir kúluna harla ánægður með sig. Og svo var það í gær. 18. hola á Grafarholtinu, en Arnór spilar í golfhópi, svokölluðum Miðvikudagshópi. „Þar sá ég þetta alla leið og gaman að því. Það hafði ekki gengið vel, það byrjaði ömurlega en ég hafði haldið því fram að það væri nú oft þannig að þá endaði maður vel,“ segir Arnór. Það bólaði hins vegar ekki á því á 17. holunni þar sem Arnór fékk skramba og var þá minntur á það af félögum sínum að þessi speki með góðan endi virtist ekki ætla að ganga eftir. En það fór nú samt svo að lokum. Golfið bjargaði lífi hans „Það hefur ekki gengið vel á þessari holu. Þetta eru einhverjir 128 metrar. Það var meðvindur en ég lét samt vaða með sjöjárninu,“ segir Arnór sem er með 16,4 í forgjöf. Hann segir að það hafi verið afskaplega skemmtilegt að fylgjast með því þegar kúlan fór í holuna. „Ég ætla að halda því fram að ég sé örugglega lélegasti golfarinn sem hefur fjórum sinnum fengið holu í höggi. Ég er sannfærður um það,“ segir Arnór. Gamli knattspyrnukappinn lætur afskaplega vel að golfinu sem íþrótt, það hafi hreinlega bjargað lífi sínu þegar hann þurfti ekki lengur að mæta á fótboltaæfingar. Hann segir að forgjöfin hafi hækkað í sumar en hann byrjaði sumarið með 13 í forgjöf en hún hefur hækkað. Hún gerði það ekki í gær því hann var kominn með 30 punkta og við bættust svo 5 við þetta högg. „Ég er ekki þessi æfingakall. Ég mæti út á völl þegar kemur sumar en fer svo með settið inn í skúr og legg því yfir veturinn.“ Golf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Bakgarðshlaupið í beinni útsendingu Sport Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti „Ég sakna hennar á hverjum degi“ Handbolti Segir „mjög líklegt“ að Guðlaug Edda komist á ÓL í París í sumar Sport Lehmann keypti „Invincibles“ nafnið eftir að Arsenal sofnaði á verðinum Enski boltinn Markaveisla hjá Chelsea á móti nágrönnum sínum Enski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti Búið að fjarlægja auglýsingarnar af gólfinu í Smáranum Körfubolti Fleiri fréttir Tiger og Rory fá rosalega hollustubónusa Rory McIlroy fordæmir falsfrétt „Hann hefur sjokkerað allan heiminn“ Fær miklu meira borgað fyrir sigur á Masters í ár en fyrir tveimur árum „Með betri stjórn á tilfinningunum mínum en nokkurn tímann áður“ Scheffler í sérflokki á Masters Ekkert fær Scheffler stöðvað Tiger Woods spilar samhliða áhugamanni eftir erfiðan gærdag Degi þrjú lokið: Scheffler enn á toppnum þrátt fyrir tvöfaldan skolla Scheffler efstur á meðan Woods fellur neðar og neðar Reiddist áhorfendum eftir þrefaldan skolla: „F**k off“ Þrír á toppnum eftir dag tvö Metið innan seilingar hjá Tiger Woods Tiger þarf að spila 23 holur í dag Útsendingin frá Mastersmótinu byrjar 11.45 í dag Danski tvíburinn sló óvænt í gegn fyrir myrkur „Það verður hátíð næstu daga“ Það sem þú þarft að vita fyrir Masters mótið sem byrjar í dag Líklegastur til að vinna en vill frekar vera viðstaddur fæðinguna McIlroy upp með sér vegna orða Tigers Bernard Langer frestar kveðjustundinni á Masters um eitt ár Ofurtölvan hefur litla trú á Rory McIlroy á Mastersmótinu Neitar að gefast upp en bætir líklega ekki við glæsta ferilskrá Tiger setur met ef hann nær niðurskurðinum á Masters Tiger skrúfar fyrir allt kynlíf Fékk aðstoð frá fyrrum þjálfara Tigers en besta ráðið kom frá dótturinni Sjá meira
„Já, þetta er í fyrsta skipti sem ég sé hana fara ofan í,“ segir Arnór og lýsir fyrri skiptum en þá hefur verið um að ræða blind högg þar sem ekki hefur sést vel á flötina. Tók kærustuna með út á golfvöll ... sem betur fer Fyrsta skiptið sem Arnór fór holu í höggi var fyrir mörgum árum en þá var Arnór að spila með félögum sínum úr fótboltanum, þeim Pétri Péturssyni og Guðmundi Torfasyni. Allt goðsagnir úr boltanum á gömlu Korpunni. Arnór sá þá ekki boltann fara í holuna. „Annað skiptið var í Frakklandi, þegar ég var í Bordeaux. Ég var þá nýskilinn og hafði lítið að gera milli æfinga. Ég var þá byrjaður að leika mér aðeins í golfinu en var þá alltaf einn. Nema þá kom í heimsókn til mín sú sem er núverandi kona mín. Ég reif hana með mér út á völl og fór þá holu í höggi,“ segir Arnór. Þannig er að fjöldi góðra kylfinga hafa leikið golf árum og áratugum saman án þess að upplifa það að fara holu í höggi. Ein helsta martröð kylfinga er að fara holu í höggi og vera einir á ferð, þannig að engin séu vitnin. Leitaði heillengi að kúlunni áður en hún fannst í holunni „Já, sem betur fer var hún með. Þennan eina dag. Þetta var í grenjandi rigningu og upphækkuð flöt þannig að ég sá ekki hvert kúlan fór. Ég leitaði mikið að kúlunni áður en ég fann hana í holunni.“ Í þriðja skipti sem Arnór fór svo holu í höggi voru einnig kona hans og tengdaforeldrar með í för. „Það var í Hveragerði. Þá sá ég ekki heldur vel á grínið. Og leitaði heillengi að kúlunni þar til tengdamamma gólaði upp að það væri nú kúla í holunni. Og jújú, þarna var hún blessunin,“ segir Arnór. Arnór sækir kúluna harla ánægður með sig. Og svo var það í gær. 18. hola á Grafarholtinu, en Arnór spilar í golfhópi, svokölluðum Miðvikudagshópi. „Þar sá ég þetta alla leið og gaman að því. Það hafði ekki gengið vel, það byrjaði ömurlega en ég hafði haldið því fram að það væri nú oft þannig að þá endaði maður vel,“ segir Arnór. Það bólaði hins vegar ekki á því á 17. holunni þar sem Arnór fékk skramba og var þá minntur á það af félögum sínum að þessi speki með góðan endi virtist ekki ætla að ganga eftir. En það fór nú samt svo að lokum. Golfið bjargaði lífi hans „Það hefur ekki gengið vel á þessari holu. Þetta eru einhverjir 128 metrar. Það var meðvindur en ég lét samt vaða með sjöjárninu,“ segir Arnór sem er með 16,4 í forgjöf. Hann segir að það hafi verið afskaplega skemmtilegt að fylgjast með því þegar kúlan fór í holuna. „Ég ætla að halda því fram að ég sé örugglega lélegasti golfarinn sem hefur fjórum sinnum fengið holu í höggi. Ég er sannfærður um það,“ segir Arnór. Gamli knattspyrnukappinn lætur afskaplega vel að golfinu sem íþrótt, það hafi hreinlega bjargað lífi sínu þegar hann þurfti ekki lengur að mæta á fótboltaæfingar. Hann segir að forgjöfin hafi hækkað í sumar en hann byrjaði sumarið með 13 í forgjöf en hún hefur hækkað. Hún gerði það ekki í gær því hann var kominn með 30 punkta og við bættust svo 5 við þetta högg. „Ég er ekki þessi æfingakall. Ég mæti út á völl þegar kemur sumar en fer svo með settið inn í skúr og legg því yfir veturinn.“
Golf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Bakgarðshlaupið í beinni útsendingu Sport Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti „Ég sakna hennar á hverjum degi“ Handbolti Segir „mjög líklegt“ að Guðlaug Edda komist á ÓL í París í sumar Sport Lehmann keypti „Invincibles“ nafnið eftir að Arsenal sofnaði á verðinum Enski boltinn Markaveisla hjá Chelsea á móti nágrönnum sínum Enski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti Búið að fjarlægja auglýsingarnar af gólfinu í Smáranum Körfubolti Fleiri fréttir Tiger og Rory fá rosalega hollustubónusa Rory McIlroy fordæmir falsfrétt „Hann hefur sjokkerað allan heiminn“ Fær miklu meira borgað fyrir sigur á Masters í ár en fyrir tveimur árum „Með betri stjórn á tilfinningunum mínum en nokkurn tímann áður“ Scheffler í sérflokki á Masters Ekkert fær Scheffler stöðvað Tiger Woods spilar samhliða áhugamanni eftir erfiðan gærdag Degi þrjú lokið: Scheffler enn á toppnum þrátt fyrir tvöfaldan skolla Scheffler efstur á meðan Woods fellur neðar og neðar Reiddist áhorfendum eftir þrefaldan skolla: „F**k off“ Þrír á toppnum eftir dag tvö Metið innan seilingar hjá Tiger Woods Tiger þarf að spila 23 holur í dag Útsendingin frá Mastersmótinu byrjar 11.45 í dag Danski tvíburinn sló óvænt í gegn fyrir myrkur „Það verður hátíð næstu daga“ Það sem þú þarft að vita fyrir Masters mótið sem byrjar í dag Líklegastur til að vinna en vill frekar vera viðstaddur fæðinguna McIlroy upp með sér vegna orða Tigers Bernard Langer frestar kveðjustundinni á Masters um eitt ár Ofurtölvan hefur litla trú á Rory McIlroy á Mastersmótinu Neitar að gefast upp en bætir líklega ekki við glæsta ferilskrá Tiger setur met ef hann nær niðurskurðinum á Masters Tiger skrúfar fyrir allt kynlíf Fékk aðstoð frá fyrrum þjálfara Tigers en besta ráðið kom frá dótturinni Sjá meira