Félag sem átti að verða eitt það besta í Evrópu leggur upp laupana Valur Páll Eiríksson skrifar 12. ágúst 2022 08:00 Samuel Eto'o lék með Anzhi í rúmar tvær leiktíðir og var á meðal launahæstu leikmanna heims. Mike Kireev/Epsilon/Getty Images Rússneska liðið Anzhi Makhachkala átti að verða að einu stærsta liði Evrópu árið 2011 þegar óligarkinn Suleyman Kerimov pumpaði peningum í félagið sem raðaði inn stórstjörnum. Nú er félagið á barmi gjaldþrots og hefur ekki fengið keppnisréttindi í þriðju efstu deild í Rússlandi. Félagið var stofnað árið 1991 og er staðsett í bænum Kaspiysk í Rússlandi sem er með íbúafjölda upp á 100 þúsund manns. Félagið komst í úrvalsdeild í fyrsta skipti í sinni sögu árið 2011 en það ár keypti milljarðamæringurinn og ólígarkinn Suleyman Kerimov félagið og sagðist ætla að koma því í fremstu röð. Anzhi er uppeldisfélag Kerimovs, sem lék fótbolta í æsku, og hann ætlaði ekki að láta skort á fé halda aftur af liðinu. Hann lagði fram 230 milljón evra fjármagn til að eyða á leikmannamarkaðinum, þar sem markmiðið var að komast í Meistaradeild Evrópu á innan við þremur árum. Hann fjármagnaði þá byggingu 30 þúsund manna leikvangs, Anzhi Arena, og stofnaði akademíu með þeim kostnaði sem því fylgir. Rándýrar stjörnur 37 ára gamall Roberto Carlos var kominn heim til Corinthians hvar hann ætlaði að enda ferilinn en gat ekki hafnað rússagullinu.Kirill Kudryavtsev/Epsilon/Getty Images Kerimov fór geist af stað en í mars 2011 hafði hann fjármagnað kaup á 13 leikmönnum. Þar á meðal var brasilíska ofurstjarnan Roberto Carlos, sem kom frá Corinthians í heimalandinu, ásamt miðjumanninum Jucilei. Einnig keypti hann Mbark Boussoufa, sem hafði gert það gott í Belgíu eftir að hafa verið í akademíu Chelsea, og brasilíska framherjann Diego Tardelli. Sumarið 2011 bætti hann enn frekar í. Hann keypti ungverska landsliðsmanninn Balazs Dzsudzsak frá PSV, rússneska landsliðsmanninn Yuri Zhirkov frá Chelsea og aðra stórstjörnu, Samuel Eto'o frá Inter Milan. Margar fréttir bárust af himinháum launum Eto'o hjá félaginu, en hann var á meðal launahæstu leikmanna heims með 20 milljónir evra á ári eftir skatt. Þá vildi hann ekki flytja til smábæjarins Kaspyisk og var þess í stað á fimm stjörnu hóteli í Moskvu allan sinn tíma hjá Anzhi og var flogið daglega með þyrlu á æfingar. Alls keypti Anzhi 28 leikmenn á fystu tólf mánuðunum í eignartíð Kerimovs en félagið fékk Christopher Samba frá Blackburn snemma árs 2012, og bætti við Fílbeinstrendingnum Lacina Traoré, sem þótti þá mikið efni, miðjumanninum Lassana Diarra frá Real Madrid og Brasilíumanninum Willian frá Shakhtar Donetsk. Eitt gott tímabil undir Hiddink Samba, til vinsti, í leik gegn Liverpool í Evrópudeildinni.Nordic Photos / Getty Images Eftir að hafa farið í gegnum fimm þjálfara á fyrstu leiktíð Kerimovs, 2011 til 2012, kom meiri stöðugleiki á öðru tímabilinu þar sem Hollendingurinn Guus Hiddink stýrði liðinu. Það lenti í þriðja sæti í deildinni, hlaut silfur í bikarnum og vann Liverpool í riðlakeppni Evrópudeildarinnar áður en það féll úr keppni fyrir Newcastle United í 16-liða úrslitum. Það hallaði hins vegar allhressilega undan fæti í kjölfarið. Kerimov hafði ætlað sér um of þar sem reglur UEFA um fjárhagslega háttvísi bitu hann í rassinn og ljóst var að það þyrfti að draga úr kostnaði til að eiga ekki von á himinháum sektum frá Knattspyrnusambandi Evrópu. Willan fór ári eftir kaupin til Chelsea þar sem hann hafði aðeins spilað ellefu deildarleiki með Anzhi á tólf mánuðum. Arfleifðin lexía fyrir önnur nýrík félög Brasilíumaðurinn Willian spilaði ekki mikið hjá Anzhi áður en hann var seldur til Chelsea hvar hann vann tvö Englandsmeistaratitla.Sebastian Kahnert/picture alliance via Getty Images Boussoufa, Zhirkov, Eto'o, Diarra, Willian, Traoré, Samba og Jucilei hurfu allir á braut, líkt og rússnesku landsliðsmennirnir Igor Denisov (keyptur í júní 2013 og seldur í ágúst sama ár) og Aleksandr Kokorin (keyptur í júlí og seldur í águst 2013). Hiddink hætti sumarið 2013 og liðið féll um veturinn niður í næst efstu deild. Það komst beint aftur upp en liðið sem mætti til leiks í rússnesku úrvalsdeildinni tímabilið 2015 til 2016 var algjörlega óþekkjanlegt frá því sem sést hafði þremur árum fyrr. Kerimov átti félagið fram til ársins 2016 en tímabilið 2018 til 2019 féll það á ný og hefur verið í frjálsu falli síðan. Liðið er sem stendur í þriðju efstu deild og er gott sem gjaldþrota. Það hefur uppfyllir ekki kröfur rússneska knattspyrnusambandsins til að taka þátt í þriðju efstu deild á komandi leiktíð og verður því lagt niður. Eftir standa góðar minningar um eitt frábært tímabil undir Hiddink og stjörnuljóma Eto'o og Carlosar, en afleiðingin er niðurlagning félags eftir rúmlega 30 ára starfsemi þess. Arfleifð skammvinns ævintýris Anzhi undir Kerimov er lexía fyrir önnur nýrík félög. Það hefur verkað sem víti til varnaðar stórum félögum í eigu olíuríkja frá Miðausturlöndum sem hafa farið betur með að dansa á línu reglna UEFA um fjárhagslega háttvísi. Rússneski boltinn Rússland Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti Stjarnan handtekin á leiðinni á völlinn: „Hann er á leið í fangelsi“ Golf Efsti kylfingur á heimslista á yfir höfði sér fjórar ákærur Golf Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti Úr húsvarðarstarfi í atvinnumennsku Handbolti Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Grín sem snerist mjög fljótt upp í alvöru Handbolti Fleiri fréttir Klopp myndi kjósa með afnámi VAR Rekinn tveimur dögum eftir bikarmeistaratitilinn Valsmenn síðastir inn í átta liða úrslit Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Kristín Dís lék allan leikinn er Brøndby komst í úrslit Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Vill komast hjá því að afhenda City bikarinn „Það eru alltaf einhverjar leiðir sem opnast í pressu“ Nýliðinn í íslenska landsliðinu er markahæst í dönsku úrvalsdeildinni Þorsteinn valdi þrjá nýliða fyrir mikilvæga leiki Svona var blaðamannafundur Þorsteins fyrir mikilvæga leiki Allt í skrúfunni hjá Bæjurum: Tuchel fer eftir allt saman Fjórir af tíu launahæstu íþróttamönnum heims spila í Sádi-Arabíu Fyrsta HM stelpnanna okkar verður vonandi í Brasilíu 2027 Klopp enn fúll út í Maddison eftir að Liverpool missti af titlinum 2019 Barcelona þarf tæplega tuttugu milljarða fyrir lok júnímánaðar Börsungar styrktu stöðu sína í öðru sæti Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Leeds í úrslit um sæti í ensku úrvalsdeildinni Sverrir Ingi á toppinn í Danmörku Kolbeinn lagði upp jöfnunarmark Gautaborgar Viðar Ari skoraði og lagði upp í ótrúlegum sigri Stefán Teitur skoraði þegar Silkeborg lagði AGF annað sinn UEFA setur pressu á City Football Group Fyrirliði 21 árs landsliðs Svía skiptir um landslið Sjá meira
Félagið var stofnað árið 1991 og er staðsett í bænum Kaspiysk í Rússlandi sem er með íbúafjölda upp á 100 þúsund manns. Félagið komst í úrvalsdeild í fyrsta skipti í sinni sögu árið 2011 en það ár keypti milljarðamæringurinn og ólígarkinn Suleyman Kerimov félagið og sagðist ætla að koma því í fremstu röð. Anzhi er uppeldisfélag Kerimovs, sem lék fótbolta í æsku, og hann ætlaði ekki að láta skort á fé halda aftur af liðinu. Hann lagði fram 230 milljón evra fjármagn til að eyða á leikmannamarkaðinum, þar sem markmiðið var að komast í Meistaradeild Evrópu á innan við þremur árum. Hann fjármagnaði þá byggingu 30 þúsund manna leikvangs, Anzhi Arena, og stofnaði akademíu með þeim kostnaði sem því fylgir. Rándýrar stjörnur 37 ára gamall Roberto Carlos var kominn heim til Corinthians hvar hann ætlaði að enda ferilinn en gat ekki hafnað rússagullinu.Kirill Kudryavtsev/Epsilon/Getty Images Kerimov fór geist af stað en í mars 2011 hafði hann fjármagnað kaup á 13 leikmönnum. Þar á meðal var brasilíska ofurstjarnan Roberto Carlos, sem kom frá Corinthians í heimalandinu, ásamt miðjumanninum Jucilei. Einnig keypti hann Mbark Boussoufa, sem hafði gert það gott í Belgíu eftir að hafa verið í akademíu Chelsea, og brasilíska framherjann Diego Tardelli. Sumarið 2011 bætti hann enn frekar í. Hann keypti ungverska landsliðsmanninn Balazs Dzsudzsak frá PSV, rússneska landsliðsmanninn Yuri Zhirkov frá Chelsea og aðra stórstjörnu, Samuel Eto'o frá Inter Milan. Margar fréttir bárust af himinháum launum Eto'o hjá félaginu, en hann var á meðal launahæstu leikmanna heims með 20 milljónir evra á ári eftir skatt. Þá vildi hann ekki flytja til smábæjarins Kaspyisk og var þess í stað á fimm stjörnu hóteli í Moskvu allan sinn tíma hjá Anzhi og var flogið daglega með þyrlu á æfingar. Alls keypti Anzhi 28 leikmenn á fystu tólf mánuðunum í eignartíð Kerimovs en félagið fékk Christopher Samba frá Blackburn snemma árs 2012, og bætti við Fílbeinstrendingnum Lacina Traoré, sem þótti þá mikið efni, miðjumanninum Lassana Diarra frá Real Madrid og Brasilíumanninum Willian frá Shakhtar Donetsk. Eitt gott tímabil undir Hiddink Samba, til vinsti, í leik gegn Liverpool í Evrópudeildinni.Nordic Photos / Getty Images Eftir að hafa farið í gegnum fimm þjálfara á fyrstu leiktíð Kerimovs, 2011 til 2012, kom meiri stöðugleiki á öðru tímabilinu þar sem Hollendingurinn Guus Hiddink stýrði liðinu. Það lenti í þriðja sæti í deildinni, hlaut silfur í bikarnum og vann Liverpool í riðlakeppni Evrópudeildarinnar áður en það féll úr keppni fyrir Newcastle United í 16-liða úrslitum. Það hallaði hins vegar allhressilega undan fæti í kjölfarið. Kerimov hafði ætlað sér um of þar sem reglur UEFA um fjárhagslega háttvísi bitu hann í rassinn og ljóst var að það þyrfti að draga úr kostnaði til að eiga ekki von á himinháum sektum frá Knattspyrnusambandi Evrópu. Willan fór ári eftir kaupin til Chelsea þar sem hann hafði aðeins spilað ellefu deildarleiki með Anzhi á tólf mánuðum. Arfleifðin lexía fyrir önnur nýrík félög Brasilíumaðurinn Willian spilaði ekki mikið hjá Anzhi áður en hann var seldur til Chelsea hvar hann vann tvö Englandsmeistaratitla.Sebastian Kahnert/picture alliance via Getty Images Boussoufa, Zhirkov, Eto'o, Diarra, Willian, Traoré, Samba og Jucilei hurfu allir á braut, líkt og rússnesku landsliðsmennirnir Igor Denisov (keyptur í júní 2013 og seldur í ágúst sama ár) og Aleksandr Kokorin (keyptur í júlí og seldur í águst 2013). Hiddink hætti sumarið 2013 og liðið féll um veturinn niður í næst efstu deild. Það komst beint aftur upp en liðið sem mætti til leiks í rússnesku úrvalsdeildinni tímabilið 2015 til 2016 var algjörlega óþekkjanlegt frá því sem sést hafði þremur árum fyrr. Kerimov átti félagið fram til ársins 2016 en tímabilið 2018 til 2019 féll það á ný og hefur verið í frjálsu falli síðan. Liðið er sem stendur í þriðju efstu deild og er gott sem gjaldþrota. Það hefur uppfyllir ekki kröfur rússneska knattspyrnusambandsins til að taka þátt í þriðju efstu deild á komandi leiktíð og verður því lagt niður. Eftir standa góðar minningar um eitt frábært tímabil undir Hiddink og stjörnuljóma Eto'o og Carlosar, en afleiðingin er niðurlagning félags eftir rúmlega 30 ára starfsemi þess. Arfleifð skammvinns ævintýris Anzhi undir Kerimov er lexía fyrir önnur nýrík félög. Það hefur verkað sem víti til varnaðar stórum félögum í eigu olíuríkja frá Miðausturlöndum sem hafa farið betur með að dansa á línu reglna UEFA um fjárhagslega háttvísi.
Rússneski boltinn Rússland Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti Stjarnan handtekin á leiðinni á völlinn: „Hann er á leið í fangelsi“ Golf Efsti kylfingur á heimslista á yfir höfði sér fjórar ákærur Golf Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti Úr húsvarðarstarfi í atvinnumennsku Handbolti Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Grín sem snerist mjög fljótt upp í alvöru Handbolti Fleiri fréttir Klopp myndi kjósa með afnámi VAR Rekinn tveimur dögum eftir bikarmeistaratitilinn Valsmenn síðastir inn í átta liða úrslit Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Kristín Dís lék allan leikinn er Brøndby komst í úrslit Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Vill komast hjá því að afhenda City bikarinn „Það eru alltaf einhverjar leiðir sem opnast í pressu“ Nýliðinn í íslenska landsliðinu er markahæst í dönsku úrvalsdeildinni Þorsteinn valdi þrjá nýliða fyrir mikilvæga leiki Svona var blaðamannafundur Þorsteins fyrir mikilvæga leiki Allt í skrúfunni hjá Bæjurum: Tuchel fer eftir allt saman Fjórir af tíu launahæstu íþróttamönnum heims spila í Sádi-Arabíu Fyrsta HM stelpnanna okkar verður vonandi í Brasilíu 2027 Klopp enn fúll út í Maddison eftir að Liverpool missti af titlinum 2019 Barcelona þarf tæplega tuttugu milljarða fyrir lok júnímánaðar Börsungar styrktu stöðu sína í öðru sæti Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Leeds í úrslit um sæti í ensku úrvalsdeildinni Sverrir Ingi á toppinn í Danmörku Kolbeinn lagði upp jöfnunarmark Gautaborgar Viðar Ari skoraði og lagði upp í ótrúlegum sigri Stefán Teitur skoraði þegar Silkeborg lagði AGF annað sinn UEFA setur pressu á City Football Group Fyrirliði 21 árs landsliðs Svía skiptir um landslið Sjá meira
Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti
Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti