Innlent

Lögðu stikur í svartaþoku og snarvitlausu veðri

Ólafur Björn Sverrisson skrifar
Vaskir björgunarsveitarmenn frá Þorbirni lögðu stikur í gærkvöldi.
Vaskir björgunarsveitarmenn frá Þorbirni lögðu stikur í gærkvöldi. þorbjörn

Björgunarsveitin Þorbjörn lögðu stikur fyrir alla gönguleiðina að gosstöðvunum í Meradölum í svartaþoku og snarvitlausu veðri í gærkvöld. Ekki veitir af enda virðast ferðamenn enn hætta sér á gönguleiðina í vonskuveðri þvert á tilmæli björgunarsveita og lögreglu.

„Í kvöld gengu félagar sveitarinnar alla gönguleiðina að eldgosinu á Fagradalsfjalli, fram og til baka, í svarta þoku og snarvitlausu veðri. Verkefnið var að fjölga stikum á gönguleiðinni og setja á þær litað endurskin til þess að draga enn frekar úr því að fólk villist á fjallinu,“ segir í tilkynningu frá Þorbirni seint í gærkvöld.

Verkefnið tók rúmar sex klukkustundir og náðist að klára það núna seint í kvöld.

Björgunarsveitin biðlar til fólks að fylgjast vel með vel með tilkynningum frá Lögreglu, fara að fyrirmælum viðbragðsaðila og fara alls ekki á fjallið nema vel búin.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.