Hádegisfréttir Bylgjunnar

Elísabet Inga Sigurðardóttir skrifar 7. ágúst 2022 11:43

Formaður VR segir stjórnvöld hafa sofið á verðinum í húsnæðismálum og ekki hafa efnt loforð úr síðustu kjarasamningum. Hann segir verkalýðshreyfinguna klára í slaginn og slær verkfall ekki út af borðinu

Prófessor við læknadeild Háskóla Íslands segir að hvorki millistjórnendur né skrifstofufólk séu vandamálið á Landspítalanum heldur sé rekstrarvandinn pólitískum ákvörðunum að kenna. Hann segir fullkomlega ljóst að peninga vanti í heilbrigðiskerfið.

Vonskuveður er við gosstöðvarnar í Meradölum í dag og svæðið lokað almenningi. Björgunarsveitir hafa þurft að snúa nokkrum erlendum ferðamönnum við, sem ætluðu að ganga upp að eldgosinu í morgun.

Við höldum áfram að fylgjast með stöðunni á Gaza en annar leiðtogi íslamistasamtakanna PIJ var drepinn í loftárásum Ísraelsmanna á Gaza í nótt.

Þá fáum við að vita allt um fiðlu sem smíðuð var fyrir 300 árum og seld á dögunum fyrir andvirði tveggja milljarða íslenskra króna.

Þetta og fleira í hádegisfréttum Bylgjunnar á slaginu klukkan 12:00.

Hádegisfréttir Bylgjunnar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.