Innlent

Jarð­skjálfti ná­lægt Gríms­vötnum af stærðinni 3,7

Bjarki Sigurðsson skrifar
Síðast gaus í Grímsvötnum árið 2011.
Síðast gaus í Grímsvötnum árið 2011. Vísir/RAX

Jarðskjálfti af stærðinni 3,7 mældist 2,7 kílómetra norðnorðaustur af Grímsfjalli klukkan tuttugu mínútur yfir tvö í dag. Fyrir utan þennan stóra skjálfta hefur verið lítið um virkni á svæðinu.

Í samtali við fréttastofu segir Sigurlaug Hjaltadóttir, jarðeðlisfræðingur hjá Veðurstofu Íslands, að verið sé að kemba í gegnum gögnin um skjálftann.

„Það er ekki mikil smáskjálftavirkni sem stendur. Það hafa mælst nokkrir skjálftar um og yfir einn að stærð en það er ekki algengt að fá svona stóra skjálfta,“ segir Sigurlaug.

Eldstöðin Grímsvötn er staðsett austur af Grímsfjalli og gaus síðast árið 2011. Það gos var sennilega það stærsta í Grímsvötnum í heila öld.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.