Handbolti

ÍBV hefur leik í fyrstu umferð en KA og Haukar fara beint í aðra umferð

Hjörtur Leó Guðjónsson skrifar
ÍBV, Haukar og KA verða í eldlínunni í Evrópubikarkeppninni í handbolta.
ÍBV, Haukar og KA verða í eldlínunni í Evrópubikarkeppninni í handbolta. Vísir/Hulda Margrét/Vilhelm

ÍBV, Haukar og KA eru þau þrjú íslensku lið sem skráð eru til leiks í Evrópubikarkeppni karla í handbolta. ÍBV verður í pottinum þegar dregið verður í fyrstu umferð, en Haukar og KA mæta til leiks í aðra umferð.

Eyjamenn verða í efri styrkleikaflokki þegar drátturinn fyrir fyrstu umferð fer fram. KA-menn verða svo í efri styrkleikaflokki annarrar umferðar, en Haukar verða í neðri styrkleikaflokki ásamt sigurliðum úr fyrstu umferð.

Dregið verður í fyrstu umferð næstkomandi þriðjudag, en fyrsta umferðin verður leikin aðra og þriðju helgina í september. Í kjölfarið verður svo dregið í aðra umferð, en hún verður leikin seinustu helgina í október og fyrstu helgina í nóvember.

Listinn yfir þau lið sem verða í pottinum þegar dregið verður birtist á heimasíðu evrópska handknattleikssambandsins, en hann má nálgast með því að smella hér.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.