Körfubolti

Þór Þor­láks­höfn verður með í Evrópu­keppni í vetur

Runólfur Trausti Þórhallsson skrifar
Þórsarar verða í Evrópu á næstu leiktíð.
Þórsarar verða í Evrópu á næstu leiktíð. Vísir/Bára Dröfn

Þór Þorlákshöfn mun taka þátt í Evrópubikarkeppni karla í körfubolta, FIBA Europe Cup, á næstu leiktíð. Hefur Körfuknattleikssamband Evrópu staðfest þátttökulið keppninnar. Fjögur efstu lið Íslandsmótsins fengu boð um þátttöku en Þórsarar voru eina liðið sem tók boðinu.

Þetta kemur fram á Facebook-síðu Þórsara nú í dag. Þar segir að Þór Þorlákshöfn verði meðal þeirra 32. liða sem muni taka þátt í Evrópubikar FIBA. Fer liðið í undankeppni sem hefst í lok september. 

Þar leika alls 22 lið - í fjórum riðlum - um fjögur laus sæti í riðlakeppni keppninnar en tíu lið eru nú þegar komin þangað.

Þór er í 6. og neðsta styrk­leika­flokki áður en dregið verður í riðlana á fimmtu­dag­inn kem­ur, 14. júlí.

Þessi tíu lið fara beint í riðlakeppn­ina: Kangoeroes Basket Mechelen (Belg­ía), BC Balk­an (Búlgaría), HAKRO Merl­ins Crails­heim (Þýskaland), Hapoel Galil Eli­on (Ísra­el). New Basket Brind­isi (Ítal­ía), Don­ar Groningen (Holland), Anwil Wloclawek (Pólland), FC Porto (Portúgal), CSM Oradea (Rúm­en­ía) og Gazi­an­tep Basket­bol (Tyrkland).

Hinum 22 liðunum er raðað í styrk­leika­flokka. Þórsar­ar eru í sjötta og síðasta flokki og munu mæta ein­hverju eft­ir­tal­inna liða í fyrstu um­ferð undan­keppn­inn­ar: Hapoel Haifa (Ísra­el), Cholet Basket (Frakklandi), BC Kal­ev/​Cramo (Eistland) og Petrol­ina AEK (Kýp­ur).




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.