Erlent

Þrír létu lífið er lest klessti á vöru­bíl í Mis­souri

Bjarki Sigurðsson skrifar
Myndin er tekin af einum farþega lestarinnar eftir slysið. Fólk aðstoðaði aðra við að koma sér úr lestinni.
Myndin er tekin af einum farþega lestarinnar eftir slysið. Fólk aðstoðaði aðra við að koma sér úr lestinni. AP/Dax McDonald

Þrír eru látnir og að minnsta kosti fimmtíu slasaðir eftir að járnbrautarlest fór af teinunum í Missouri-ríki í Bandaríkjunum. Lestin skall á vörubíl við gatnamót nærri bænum Mendon.

243 farþegar og tólf starfsmenn voru um borð í lestinni sem var á leið frá Los Angeles til Chicago. Tveir þeirra látnu voru farþegar í lestinni en sá þriðji var ökumaður vörubílsins.

Á umræddum gatnamótum eru engin ljós sem vara ökumenn við því að lest sé að koma. Fjórtán manna teymi rannsakar málið nú.

Sjö af vögnum lestarinnar fóru af teinunum og þurftu farþegar að klifra ofan á lestina til að koma sér út.

Mike Parson, ríkisstjóri Missouri, hefur óskað eftir því að fólk biðji fyrir þeim sem lentu í slysinu.

Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið