Körfubolti

Callum Lawson að yfirgefa Íslandsmeistarana

Hjörtur Leó Guðjónsson skrifar
Callum Lawson er á leið til Frakklands.
Callum Lawson er á leið til Frakklands. Vísir/Hulda Margrét

Körfuknattleiksmaðurinn Callum Lawson er að yfirgefa Íslandsmeistara Vals og halda til Frakklands þar sem hann mun leika með Jav CM í Pro B deildinni.

Frá þessu er greint á Karfan.is, en Lawson hefur leikið á Íslandi seinustu þrjú tímabil.

Lawson gekk í raðir Keflavíkur árið 2020 áður en hann hélt til Þorlákshafnar þar sem hann varð Íslandsmeistari með Þórsurum. Hann samdi svo við Valsmenn fyrir seinasta tímabil þar sem hann varð aftur Íslandsmeistari og komst þar með í fámennan hóp manna sem hafa náð því að vinna Íslandsmeistaratitilinn tvö ár í röð með tveimur mismunandi félögum.

Callum Lawson spilaði mikilvægt hlutverk í liði Vals á seinasta tímabili og skilaði að meðaltali 15 stigum, fjórum fráköstum og fjórum stoðsendingum í leik.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.