Settur ríkissaksóknari leggst gegn endurupptöku á máli Erlu Bolladóttur. Lögmaður Erlu furðar sig á umsögninni í ljósi fyrri yfirlýsinga stjórnvalda. Erla segir umsögnina áfall og lýsandi fyrir það virðingarleysi sem henni hafi verið sýnt í málinu. Við fjöllum um málið í kvöldfréttum Stöðvar 2 á slaginu 18:30.
Formaður Afstöðu kallar eftir breyttri löggjöf um reynslulausn á Íslandi. Fangar sem fá þyngri dóma fá sjaldan sem aldrei reynslulausn hér ólíkt því sem tíðkast á Norðurlöndum.
Sala á hjólhýsum er í hæstu hæðum þetta sumarið, þrátt fyrir að frelsi til utanlandsferða sé mun meira en síðustu tvö sumur. Sölumaður telur að fólk hafi uppgötvað landið upp á nýtt í kórónuveirufaraldrinum og muni halda áfram að ferðast innanlands í auknum mæli.
Þá heimsækir Magnús Hlynur einu garðyrkjustöðina á Snæfellsnesi og smakkar þar æt blóm. Við verðum loks í beinni útsendingu frá listahátíðinni Fringe festival, þar sem kennt hefur ýmissa grasa um helgina.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
