Innlent

Árni Gils borinn til grafar

Atli Ísleifsson skrifar
Árni Gils í héraðsdómi ásamt föður sínum, Hjalta Úrsus Árnasyni.
Árni Gils í héraðsdómi ásamt föður sínum, Hjalta Úrsus Árnasyni. Vísir/Vilhelm

Útför Árna Gils Hjaltasonar verður gerð frá Grafarvogskirkju í Reykjavík klukkan 13 í dag. Hann lést fyrr ímánuðinum, 29 ára að aldri.

Árni var mikið í fréttum undanfarin ár en hann var dæmdur í fjögurra ára fangelsi í Héraðsdómi Reykjavíkur árið 2017 fyrir tilraun til manndráps. Hann var svo sýknaður í Landsrétti í mars á síðasta ári og var skaðabótamál í undirbúningi vegna máls hans.

Árni var sakaður um að hafa stungið annan mann með hnífi í höfuðið í átökum á milli þeirra í Leifasjoppu í Breiðholti í Reykjavík í mars 2017, en maðurinn fékk gat í höfuðkúpuna.

Hjalti Úrsus Árnason, faðir Árna, sagði í samtali við Vísi fyrr í vikunni að Árni hefði aldrei fengið neina afsökunarbeiðni eftir niðurstöðu dómsmáls hans í Landsrétti og það hafi alltaf legið þungt á honum.

Hægt verður að fylgjast með útförinni í spilaranum að neðan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.