Ekkert eðlilegt við að fjölmiðlar gefi vinnu sína Eiður Þór Árnason skrifar 25. maí 2022 15:32 Trausti Hafliðason, ritstjóri Viðskiptablaðsins. Vísir/Vilhelm Viðskiptablaðið hefur takmarkað það magn efnis sem er aðgengilegt lesendum að endurgjaldslausu. Ritstjóri miðilsins segir ekkert eðlilegt við það að fjölmiðlar gefi vinnu sína og um sé að ræða mjög eðlilegt skref. Áfram verður frítt að lesa fréttir sem skrifaðar eru fyrir vef blaðsins en hér eftir munu einungis áskrifendur hafa aðgang að greinum úr tölublöðum Viðskiptablaðsins á vefnum. „Efni sem er unnið sérstaklega fyrir vefinn verður enn sem komið er opið fyrir öllum en þróunin er alveg augljóslega sú að með tímanum muntu einnig þurfa að vera áskrifandi til að nálgast það,“ segir Trausti Hafliðason, ritstjóri Viðskiptablaðsins, í samtali við Vísi. Ekki liggi fyrir hvenær það skref verði tekið. Nýr vefur Viðskiptablaðsins fór í loftið í seinustu viku. Trausti segir óeðlilegt að rukka áskrifendur fyrir aðgang að fréttum og gera svo stóran hluta þeirra aðgengilegan öllum á netinu, líkt og raunin hefur verið síðustu ár. „Vil viljum bara þjóna áskrifendum okkar betur og um leið stíga þetta fullkomlega eðlilega skref.“ Breytingin hafi verið lengi í farvatninu en haldist í hendur við þróun á nýjum vef Viðskiptablaðsins sem fór loks í loftið í seinustu viku. „Þetta er skref í þá átt sem fjölmiðlar um allan heim hafa verið að taka. Fjölmiðlar þrífast ekki nema þeir hafi tekjur og það er í rauninni ekkert eðlilegt við það að fjölmiðlar gefi vinnu sína sem þeir eru strangt til tekið að gera margir hverjir á hverjum degi,“ segir Trausti. Óæskilegt að fjölmiðlar séu á náð og miskunn ríkisins „Það ríkir náttúrulega mikill misskilningur varðandi RÚV í þessum efnum. Þó RÚV-vefurinn, sjónvarpsfréttir og allt efni þar sé opið öllum þá er hvert einasta mannsbarn 69 ára og yngri sem er með tekjur yfir 1,9 milljónir á ári að borga um átján þúsund krónur í áskrift á hverju einasta ári. Það er bara skylduáskrift sem enginn annar fjölmiðill býr að og þetta skekkir markaðinn,“ segir Trausti. Margar skýrslur hafi verið ritaðar síðustu áratugi sem sýni að ríkismiðillinn skekki íslenskan fjölmiðlamarkað með því að vera sömuleiðis á auglýsingamarkaði. „Síðan er það heldur ekkert æskilegt að einkareknir fjölmiðlar séu á náð og miskunn komnir með fjölmiðlastyrki sem við vitum ekkert hvernig muni þróast. Það er þá miklu nær að stíga bara skrefið eins og ríkisstjórnin hefur gefið út, það er að taka RÚV af auglýsingamarkaði,“ bætir Trausti við. Fleiri leita til áskrifenda Á seinustu árum hefur það færst í aukanna að miðlar reiði sig á áskriftartekjur í stað þess að byggja rekstur sinn einungis á auglýsingasölu. Trausti bendir á að Viðskiptablaðið sé í hópi með Morgunblaðinu, Stundinni, ferðavefnum Túrista og öðrum innlendum miðlum sem hafi byggt rekstur sinn upp með áskriftartekjum. Þá hafi Kjarninn og fleiri farið þá leið að halda öllu opnu en óska eftir styrkjum frá lesendum. Sömuleiðis hafi vakið athygli þegar Stöð 2 gerði kvöldfréttir sínar einungis aðgengilegar áskrifendum og viðskiptamiðilinn Innherji var kynntur til leiks á Vísi sem verður brátt áskriftarmiðill. „Allt segir þetta okkur að fjölmiðlarnir standa mjög höllum mæti gagnvart RÚV á þessum markaði,“ segir Trausti. Vonast hann til þess að breytingin hjá Viðskiptablaðinu komi til með að auka tekjur og efla miðilinn. Fjölmiðlar Neytendur Stafræn þróun Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ég var skíthrædd að senda þessa tölvupósta“ Atvinnulíf Stofnandi Binance dæmdur fyrir peningaþvætti Viðskipti erlent Tölum um neytendamál! Samstarf Bíllinn leggur meðan ég fæ mér drykk - smart #3 reynsluakstur Samstarf Ástin laðar að: Gott að vera kona á Íslandi, en ekki innflytjandi Atvinnulíf Ráðherra bað um tíu milljarða króna í viðbót í arð Viðskipti innlent Hefja úthlutun lóða í Vatnsendahvarfi Viðskipti innlent Hagnaður Arion dróst saman um tvo milljarða Viðskipti innlent Vonast til að koma dánarbúinu í góðar hendur Neytendur Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Fleiri fréttir Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Sjá meira
Áfram verður frítt að lesa fréttir sem skrifaðar eru fyrir vef blaðsins en hér eftir munu einungis áskrifendur hafa aðgang að greinum úr tölublöðum Viðskiptablaðsins á vefnum. „Efni sem er unnið sérstaklega fyrir vefinn verður enn sem komið er opið fyrir öllum en þróunin er alveg augljóslega sú að með tímanum muntu einnig þurfa að vera áskrifandi til að nálgast það,“ segir Trausti Hafliðason, ritstjóri Viðskiptablaðsins, í samtali við Vísi. Ekki liggi fyrir hvenær það skref verði tekið. Nýr vefur Viðskiptablaðsins fór í loftið í seinustu viku. Trausti segir óeðlilegt að rukka áskrifendur fyrir aðgang að fréttum og gera svo stóran hluta þeirra aðgengilegan öllum á netinu, líkt og raunin hefur verið síðustu ár. „Vil viljum bara þjóna áskrifendum okkar betur og um leið stíga þetta fullkomlega eðlilega skref.“ Breytingin hafi verið lengi í farvatninu en haldist í hendur við þróun á nýjum vef Viðskiptablaðsins sem fór loks í loftið í seinustu viku. „Þetta er skref í þá átt sem fjölmiðlar um allan heim hafa verið að taka. Fjölmiðlar þrífast ekki nema þeir hafi tekjur og það er í rauninni ekkert eðlilegt við það að fjölmiðlar gefi vinnu sína sem þeir eru strangt til tekið að gera margir hverjir á hverjum degi,“ segir Trausti. Óæskilegt að fjölmiðlar séu á náð og miskunn ríkisins „Það ríkir náttúrulega mikill misskilningur varðandi RÚV í þessum efnum. Þó RÚV-vefurinn, sjónvarpsfréttir og allt efni þar sé opið öllum þá er hvert einasta mannsbarn 69 ára og yngri sem er með tekjur yfir 1,9 milljónir á ári að borga um átján þúsund krónur í áskrift á hverju einasta ári. Það er bara skylduáskrift sem enginn annar fjölmiðill býr að og þetta skekkir markaðinn,“ segir Trausti. Margar skýrslur hafi verið ritaðar síðustu áratugi sem sýni að ríkismiðillinn skekki íslenskan fjölmiðlamarkað með því að vera sömuleiðis á auglýsingamarkaði. „Síðan er það heldur ekkert æskilegt að einkareknir fjölmiðlar séu á náð og miskunn komnir með fjölmiðlastyrki sem við vitum ekkert hvernig muni þróast. Það er þá miklu nær að stíga bara skrefið eins og ríkisstjórnin hefur gefið út, það er að taka RÚV af auglýsingamarkaði,“ bætir Trausti við. Fleiri leita til áskrifenda Á seinustu árum hefur það færst í aukanna að miðlar reiði sig á áskriftartekjur í stað þess að byggja rekstur sinn einungis á auglýsingasölu. Trausti bendir á að Viðskiptablaðið sé í hópi með Morgunblaðinu, Stundinni, ferðavefnum Túrista og öðrum innlendum miðlum sem hafi byggt rekstur sinn upp með áskriftartekjum. Þá hafi Kjarninn og fleiri farið þá leið að halda öllu opnu en óska eftir styrkjum frá lesendum. Sömuleiðis hafi vakið athygli þegar Stöð 2 gerði kvöldfréttir sínar einungis aðgengilegar áskrifendum og viðskiptamiðilinn Innherji var kynntur til leiks á Vísi sem verður brátt áskriftarmiðill. „Allt segir þetta okkur að fjölmiðlarnir standa mjög höllum mæti gagnvart RÚV á þessum markaði,“ segir Trausti. Vonast hann til þess að breytingin hjá Viðskiptablaðinu komi til með að auka tekjur og efla miðilinn.
Fjölmiðlar Neytendur Stafræn þróun Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ég var skíthrædd að senda þessa tölvupósta“ Atvinnulíf Stofnandi Binance dæmdur fyrir peningaþvætti Viðskipti erlent Tölum um neytendamál! Samstarf Bíllinn leggur meðan ég fæ mér drykk - smart #3 reynsluakstur Samstarf Ástin laðar að: Gott að vera kona á Íslandi, en ekki innflytjandi Atvinnulíf Ráðherra bað um tíu milljarða króna í viðbót í arð Viðskipti innlent Hefja úthlutun lóða í Vatnsendahvarfi Viðskipti innlent Hagnaður Arion dróst saman um tvo milljarða Viðskipti innlent Vonast til að koma dánarbúinu í góðar hendur Neytendur Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Fleiri fréttir Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Sjá meira