Klinkið

Jón Óttar í stjórn Nova eftir kaup fjárfesta á þriðjungshlut

Ritstjórn Innherja skrifar
Tilkynnt var um það í síðasta mánuði að Nova hefði ákveðið að hefja und­ir­bún­ing að skrán­ingu hluta­bréfa fé­lags­ins á aðal­markað í Kauphöllinni.
Tilkynnt var um það í síðasta mánuði að Nova hefði ákveðið að hefja und­ir­bún­ing að skrán­ingu hluta­bréfa fé­lags­ins á aðal­markað í Kauphöllinni. Foto: Gunnar Svanberg Skulason

Stokkað var upp í stjórn Nova, sem undirbýr nú skráningu á markað, í síðasta mánuði eftir að þrír framtakssjóðir fóru fyrir kaupum fjárfesta á rúmlega þriðjungshlut í fjarskiptafélaginu.

Jón Óttar Birgisson, eigandi og framkvæmdastjóri ráðgjafafyrirtækisins Stöplar Advisory, kemur nýr inn í stjórnina í stað Gísla Vals Guðjónssonar, framkvæmdastjóra sjóðastýringarfélagsins Ísafold Capital Partners, sem hefur verið í stjórn Nova að undanförnu.

Jón Óttar situr einnig í stjórn Stefnis en sjóðastýringarfyrirtækið, ásamt meðal annars sjóðum í rekstri Landsbréfa og Íslandssjóða, stóðu að baki 3,5 milljarða króna hlutafjáraukningu Nova auk þess sem hluthafar fjarskiptafélagsins seldu hluta af sínum bréfum. Eftir þau viðskipti eignuðust hinir nýju fjárfestar um 36 prósenta hlut í Nova.

Jón Óttar Birgisson, framkvæmdastjóri Stöplar Advisory.

Hlutafé Platínum Nova, móðurfélags Nova, var aukið um 685 milljónir króna að nafnvirði í liðnum mánuði og nemur nú um 3.817 milljónum. Hlutafjáraukningin fór fram á gengi sem verðmat hlutafé félagsins á þeim tíma (e. pre money) á rúmlega16 milljarða. Eftir hækkunina er virði hlutafjár Nova því nálægt 20 milljörðum króna.  

Aðrir stjórnarmenn Nova eru Hrund Rudolfsdóttir, forstjóri Veritas, Hugh Short, framkvæmdastjóri Pt Capital sem er aðaleigandi Nova, Tina Pidgeon, sem tengist bandaríska sjóðnum, og Kevin Michael Payne, sem einnig er á mála hjá Pt Capital.

Hugh er jafnframt stjórnarformaður Nova en sjóðurinn Pt Capital eignaðist fyrst 50 prósenta hlut í félaginu árið 2017. Þá keypti PT Capital eftirstandandi helmingshlut Novator í ágúst í fyrra og eignaðist við það nærri allt hlutafé félagsins.

Tilkynnt var um það í síðasta mánuði að Nova hefði ákveðið að hefja und­ir­bún­ing að skrán­ingu hluta­bréfa fé­lags­ins á aðal­markað í Kauphöllinni. Stefnt að skrán­ingunni fyrir lok næsta mánaðar en það er Arion banki sem hefur umsjón með henni.


Tengdar fréttir

Nova undir­býr skráningu á markað

Nova hefur ákveðið að hefja undirbúning á skráningu hlutabréfa félagsins á Aðalmarkað Nasdaq Iceland. Stefnt að skráningu á fyrri helmingi þessa árs.

Fjölgun í stjórn Nova og Hrund kemur ný inn

Fjarskiptafélagið Nova hefur fjölgað stjórnarmönnum sínum úr þremur upp í fimm samkvæmt tilkynningu sem félagið sendi nýlega til fyrirtækjaskrár. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.