Hissa og pirraður en fljótur að sættast við nýja stjórn Sindri Sverrisson skrifar 24. maí 2022 11:00 Dominykas Milka spilar sína fjórðu leiktíð með Keflavík næsta vetur. vísir/bára „Þetta kom mér sjálfum mjög á óvart,“ segir körfuboltamaðurinn Dominykas Milka um það þegar hann var rekinn frá Keflavík um síðustu mánaðamót. Þeirri ákvörðun var snúið í vikunni og Milka spilar því sína fjórðu leiktíð með Keflavík næsta vetur. „Það sem gerðist var að það var skipt um stjórn. Kannski vildi gamla stjórnin mig ekki, einhverra hluta vegna, en svo kom nýja stjórnin og sá að við vildum bæði það sama fyrir Keflavík: Vinna titla. Við náðum saman,“ segir Milka í samtali við Vísi. Milka, sem er 29 ára gamall Lithái, sló í gegn á fyrstu leiktíð sinni með Keflavík Covid-veturinn 2019-2020, og varð svo deildarmeistari með liðinu í fyrra. Liðið tapaði þá í úrslitaeinvígi gegn Þór Þorlákshöfn um Íslandsmeistaratitilinn. Í vetur gekk ekki eins vel, bæði hjá Milka og Keflavík, og liðið féll út í 8-liða úrslitum gegn Tindastóli eftir að hafa endað í 5. sæti í deildakeppninni. „Auðveld ákvörðun að slétta úr öllu með nýju stjórninni“ Í kjölfarið bárust svo fréttir af því að samningi Milka við Keflavík, sem átti að renna út eftir eitt ár, yrði rift: „Þetta kom alveg upp úr þurru. Það var ýmislegt utan vallar að trufla liðið yfir tímabilið og það gekk auðvitað ekki eins og við vildum, heldur með tapi í hörkueinvígi gegn liði sem fór í úrslitin, en mér fannst að við myndum geta snúið þessu við á næsta tímabili ef menn væru heilir heilsu. Þess vegna kom þetta mér á óvart en ég veit að svona er bara þessi bransi og menn taka þær ákvarðanir sem þeir telja bestar. En nýja stjórnin hafði svo samband og ég vildi auðvitað vera áfram í Keflavík. Ég hef verið hérna í þrjú ár og held að ég hafi verið til fyrirmyndar í samfélaginu og fyrir yngri leikmenn. Ég hef spilað nokkuð vel hérna og vil taka þátt í því sem félagið ætlar sér. Það var því frekar auðveld ákvörðun að slétta úr öllu með nýju stjórninni svo að allir gætu stefnt saman í sömu átt,“ segir Milka. En hann hlýtur að hafa verið pirraður eða argur yfir því hvernig málin gengu fyrir sig: „Já, auðvitað. Þetta er erfið staða. En ég skil afstöðu manna eftir tímabil sem olli vonbrigðum. Nýja stjórnin var annarrar skoðunar, við settumst niður og sáum að við vildum sjá til þess að Keflavík færi að vinna titla á nýjan leik,“ segir Milka sem vill ekki ræða samningamálin frekar en segir að minnsta kosti ljóst að hann verði í eitt ár til viðbótar með Keflavík. Milka er fjármálafræðingur og starfar hjá Marriott hótelinu í Keflavík, og hefur fest kaup á húsnæði í Reykjanesbæ, og hefur því komið sér vel fyrir í bænum. Nokkur íslensk félög höfðu samband Í millibilsástandinu sem skapaðist þegar körfuknattleiksdeild Keflavíkur virtist hafa sagt honum upp komu hins vegar upp möguleikar á að fara í annað félag á Íslandi. Samkvæmt heimildum Vísis settu að minnsta kosti Haukar og KR sig í samband við Milka: „Ég fékk nokkuð af tilboðum að utan eins og síðustu ár en mér líður vel í Keflavík og mig langar að vinna titla hérna. Það var líka nokkuð af liðum á Íslandi sem höfðu samband til að kanna stöðuna hjá mér en ég var ekkert að stressa mig á hlutunum enda hafði ég meiri tíma núna en til dæmis í fyrra þegar tímabilið kláraðist mun síðar hjá mér,“ segir Milka. Hann segir tímabilið hjá Keflvíkingum ekki svo slæmt þegar haft sé í huga að liðið féll úr leik eftir oddaleik gegn Tindastóli, sem svo endaði á því að spila oddaleik við Val um Íslandsmeistaratitilinn: „Það þarf að hafa í huga allt sem gekk á utan vallar sem fólk veit kannski ekki af; öll meiðslin og veikindi fyrir úrslitakeppnina. Við fórum samt í oddaleik gegn afar öflugu liði sem fór í úrslitin og rétt tapaði þar. Þetta tímabil gekk upp og niður en við getum lært mikið af því fyrir næsta tímabil og við verðum áfram með svipaðan mannskap og stefnum á titla.“ Subway-deild karla Keflavík ÍF Mest lesið Gat ekki staðið upp til að taka við bikarnum Sport „Maður hefur verið milli tannanna á fólki síðan maður var ungur“ Íslenski boltinn Adam hundfúll og Arnar beint í símann Íslenski boltinn Sjáðu aukaspyrnumark Gylfa, umdeildan rangstöðudóm og rauðu spjöldin Íslenski boltinn „Arnar fór langt yfir strikið“ en nafni hans oftar með dónaskap Íslenski boltinn Segir að Viðar hafi ekki mætt á æfingu á leikdegi Íslenski boltinn „Síðasti naglinn í kistu Ten Hag“ Enski boltinn Gaf leik því hún vildi ekki keppa við trans konu Sport Segir að Casemiro hafi verið aðhlátursefni gegn Palace Enski boltinn Bielsa ætlar að velja áhugamann í landsliðshóp Úrúgvæ Fótbolti Fleiri fréttir Kosinn nýliði ársins með fullu húsi Riley sagði Butler að halda kjafti og lofaði honum ekki nýjum samningi Brunson í fámennan klúbb og Knicks veittu fyrsta höggið „Ótrúlega stoltur að klára mjög sterkt og vel mannað Grindavíkurlið“ „Það er þjálfarinn sem á að stíga upp og finna betri lausnir“ Uppgjör: Grindavík - Njarðvík 69-82 | Njarðvík í úrslit Þjálfari Luka og Kyrie framlengir „BLE-bræður eru brjálaðir!“ Áflogaseggir fá ekki að mæta aftur á völlinn Mitchell skaut Cleveland í undanúrslit Austursins „Ef maður fær opin skot þá verður maður að taka þau“ Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Búið að fjarlægja auglýsingarnar af gólfinu í Smáranum Helena fær sæti í Heiðurshöll TCU skólans Bara þrjú af tíu líklegustu NBA-liðunum komust í aðra umferð Hetja Keflvíkinga hafði aldrei áður skorað svona flautukörfu á ferlinum NBA meistararnir réðu ekki við hinn magnaða Anthony Edwards „Við höldum bara áfram þangað til að leikurinn er búinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Tryggvi Snær kom inn af bekknum í tapi gegn botnliðinu „Varhugavert er að ætla starfsmanni Stöðvar 2 að hafa brugðið talsvert“ Kyrie kann að loka einvígum og Dallas sló loksins út Clippers DeAndre Kane sleppur við bann og spilar í kvöld „Þetta er ekki boðlegt finnst mér“ Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Uppgjörið: Njarðvík - Valur 69-78 | Deildarmeistararnir læstu vörninni Sjá meira
„Það sem gerðist var að það var skipt um stjórn. Kannski vildi gamla stjórnin mig ekki, einhverra hluta vegna, en svo kom nýja stjórnin og sá að við vildum bæði það sama fyrir Keflavík: Vinna titla. Við náðum saman,“ segir Milka í samtali við Vísi. Milka, sem er 29 ára gamall Lithái, sló í gegn á fyrstu leiktíð sinni með Keflavík Covid-veturinn 2019-2020, og varð svo deildarmeistari með liðinu í fyrra. Liðið tapaði þá í úrslitaeinvígi gegn Þór Þorlákshöfn um Íslandsmeistaratitilinn. Í vetur gekk ekki eins vel, bæði hjá Milka og Keflavík, og liðið féll út í 8-liða úrslitum gegn Tindastóli eftir að hafa endað í 5. sæti í deildakeppninni. „Auðveld ákvörðun að slétta úr öllu með nýju stjórninni“ Í kjölfarið bárust svo fréttir af því að samningi Milka við Keflavík, sem átti að renna út eftir eitt ár, yrði rift: „Þetta kom alveg upp úr þurru. Það var ýmislegt utan vallar að trufla liðið yfir tímabilið og það gekk auðvitað ekki eins og við vildum, heldur með tapi í hörkueinvígi gegn liði sem fór í úrslitin, en mér fannst að við myndum geta snúið þessu við á næsta tímabili ef menn væru heilir heilsu. Þess vegna kom þetta mér á óvart en ég veit að svona er bara þessi bransi og menn taka þær ákvarðanir sem þeir telja bestar. En nýja stjórnin hafði svo samband og ég vildi auðvitað vera áfram í Keflavík. Ég hef verið hérna í þrjú ár og held að ég hafi verið til fyrirmyndar í samfélaginu og fyrir yngri leikmenn. Ég hef spilað nokkuð vel hérna og vil taka þátt í því sem félagið ætlar sér. Það var því frekar auðveld ákvörðun að slétta úr öllu með nýju stjórninni svo að allir gætu stefnt saman í sömu átt,“ segir Milka. En hann hlýtur að hafa verið pirraður eða argur yfir því hvernig málin gengu fyrir sig: „Já, auðvitað. Þetta er erfið staða. En ég skil afstöðu manna eftir tímabil sem olli vonbrigðum. Nýja stjórnin var annarrar skoðunar, við settumst niður og sáum að við vildum sjá til þess að Keflavík færi að vinna titla á nýjan leik,“ segir Milka sem vill ekki ræða samningamálin frekar en segir að minnsta kosti ljóst að hann verði í eitt ár til viðbótar með Keflavík. Milka er fjármálafræðingur og starfar hjá Marriott hótelinu í Keflavík, og hefur fest kaup á húsnæði í Reykjanesbæ, og hefur því komið sér vel fyrir í bænum. Nokkur íslensk félög höfðu samband Í millibilsástandinu sem skapaðist þegar körfuknattleiksdeild Keflavíkur virtist hafa sagt honum upp komu hins vegar upp möguleikar á að fara í annað félag á Íslandi. Samkvæmt heimildum Vísis settu að minnsta kosti Haukar og KR sig í samband við Milka: „Ég fékk nokkuð af tilboðum að utan eins og síðustu ár en mér líður vel í Keflavík og mig langar að vinna titla hérna. Það var líka nokkuð af liðum á Íslandi sem höfðu samband til að kanna stöðuna hjá mér en ég var ekkert að stressa mig á hlutunum enda hafði ég meiri tíma núna en til dæmis í fyrra þegar tímabilið kláraðist mun síðar hjá mér,“ segir Milka. Hann segir tímabilið hjá Keflvíkingum ekki svo slæmt þegar haft sé í huga að liðið féll úr leik eftir oddaleik gegn Tindastóli, sem svo endaði á því að spila oddaleik við Val um Íslandsmeistaratitilinn: „Það þarf að hafa í huga allt sem gekk á utan vallar sem fólk veit kannski ekki af; öll meiðslin og veikindi fyrir úrslitakeppnina. Við fórum samt í oddaleik gegn afar öflugu liði sem fór í úrslitin og rétt tapaði þar. Þetta tímabil gekk upp og niður en við getum lært mikið af því fyrir næsta tímabil og við verðum áfram með svipaðan mannskap og stefnum á titla.“
Subway-deild karla Keflavík ÍF Mest lesið Gat ekki staðið upp til að taka við bikarnum Sport „Maður hefur verið milli tannanna á fólki síðan maður var ungur“ Íslenski boltinn Adam hundfúll og Arnar beint í símann Íslenski boltinn Sjáðu aukaspyrnumark Gylfa, umdeildan rangstöðudóm og rauðu spjöldin Íslenski boltinn „Arnar fór langt yfir strikið“ en nafni hans oftar með dónaskap Íslenski boltinn Segir að Viðar hafi ekki mætt á æfingu á leikdegi Íslenski boltinn „Síðasti naglinn í kistu Ten Hag“ Enski boltinn Gaf leik því hún vildi ekki keppa við trans konu Sport Segir að Casemiro hafi verið aðhlátursefni gegn Palace Enski boltinn Bielsa ætlar að velja áhugamann í landsliðshóp Úrúgvæ Fótbolti Fleiri fréttir Kosinn nýliði ársins með fullu húsi Riley sagði Butler að halda kjafti og lofaði honum ekki nýjum samningi Brunson í fámennan klúbb og Knicks veittu fyrsta höggið „Ótrúlega stoltur að klára mjög sterkt og vel mannað Grindavíkurlið“ „Það er þjálfarinn sem á að stíga upp og finna betri lausnir“ Uppgjör: Grindavík - Njarðvík 69-82 | Njarðvík í úrslit Þjálfari Luka og Kyrie framlengir „BLE-bræður eru brjálaðir!“ Áflogaseggir fá ekki að mæta aftur á völlinn Mitchell skaut Cleveland í undanúrslit Austursins „Ef maður fær opin skot þá verður maður að taka þau“ Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Búið að fjarlægja auglýsingarnar af gólfinu í Smáranum Helena fær sæti í Heiðurshöll TCU skólans Bara þrjú af tíu líklegustu NBA-liðunum komust í aðra umferð Hetja Keflvíkinga hafði aldrei áður skorað svona flautukörfu á ferlinum NBA meistararnir réðu ekki við hinn magnaða Anthony Edwards „Við höldum bara áfram þangað til að leikurinn er búinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Tryggvi Snær kom inn af bekknum í tapi gegn botnliðinu „Varhugavert er að ætla starfsmanni Stöðvar 2 að hafa brugðið talsvert“ Kyrie kann að loka einvígum og Dallas sló loksins út Clippers DeAndre Kane sleppur við bann og spilar í kvöld „Þetta er ekki boðlegt finnst mér“ Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Uppgjörið: Njarðvík - Valur 69-78 | Deildarmeistararnir læstu vörninni Sjá meira