Stórir jarðskjálftar við Grindavík

Vésteinn Örn Pétursson skrifar 22. maí 2022 10:27

Land hefur risið við Þorbjörn við Grindavík undanfarið. Stöð 2/Egill

Tveir jarðskjálftar yfir 3 að stærð urðu skammt frá Grindavík rétt fyrir klukkan tíu.

Samkvæmt upplýsingum á vef Veðurstofunnar varð fyrri skjálftinn klukkan 9:53 og var 3,5 að stærð. Óyfirfarin gögn sýn að skjálftinn átti upptök sín 3,1 kílómetra vestnorðvestur af Grindavík.

Seinni skjálftinn varð aðeins fjórum mínútum síðar, klukkan 9:57. Sá var skör stærri, 3,6 að stærð og átti upptök sín 2,5 kílómetra norðvestur af Grindavík.

Ljóst er að tekið var eftir skjálftunum og rúmlega það, en einhverjir lesendur Vísis hafa greint frá því að þeir hafi hreinlega vaknað upp af værum svefni þegar jörð tók að hristast nú í morgun.

Fréttin hefur verið uppfærð.

Eldgos og jarðhræringar Jarðhræringar á Reykjanesi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.