Apabóla skýtur upp kollinum í Evrópu og Bandaríkjunum

Gunnar Reynir Valþórsson skrifar 19. maí 2022 07:40

Sjaldgæfur sjúkdómur sem kallast apabóla hefur skotið upp kollinum í nokkrum Evrópulöndum og nú síðast í gær í Massachussetts í Bandaríkjunum.

Sjúkdómurinn, sem er náskyldur bólusótt en mun vægari, finnst yfirleitt aðeins í Afríku.

Síðustu daga hefur hann hinsvegar skotið upp kollinum í Bretlandi, Kanada, Portúgal og á Spáni. Maðurinn sem greindist smitaður í Massachussetts var einmitt nýkominn frá Kanada.

Grunur leikur á að smitin tengist með einhverjum hætti en það er í rannsókn.

Heilbrigðisyfirvöld segja almenningi engin hætta búin af sjúkdómnum, sem sé sjaldnast banvænn, heldur jafnar fólk sig á nokkrum vikum.

Í Afríku smitast apabóla yfirleitt við bit frá nagdýrum og smitast hún ekki auðveldlega á milli manna.

Í frétt AP segir að rannsakendur í Evrópu segi flest tilfellin tengjast sam- eða tvíkynhneigðum karlmönnum og er nú verið að kanna hvort að sjúkdómurinn fari manna í millum í gegnum kynmök.

Heilbrigðismál Bandaríkin Bretland Kanada Portúgal Spánn Apabóla

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.