Samstarf

Heildarlausnir í öryggisbúnaði hjá Vörn

Vörn
Jón Hermannsson, eigandi fyrirtækisins Vörn segir öryggiskerfi og myndavélar algeng í einbýlishúsum og húsfélög fjölbýlishúsa láti í auknum mæli setja upp myndavélar í sameiginlegum hjólageymslum og á útisvæðum.
Jón Hermannsson, eigandi fyrirtækisins Vörn segir öryggiskerfi og myndavélar algeng í einbýlishúsum og húsfélög fjölbýlishúsa láti í auknum mæli setja upp myndavélar í sameiginlegum hjólageymslum og á útisvæðum.

„Öryggismyndavélar hafa gríðarlegan fælingarmátt. Líkurnar á að óprúttinn aðili brjótist inn eru 80% minni ef öryggismyndavélar eru sýnilegar,“ segir Jón Hermannsson, eigandi fyrirtækisins Vörn.

Vörn hefur í 14 ár sett upp öryggiskerfi og myndavélar fyrir heimili og fyrirtæki og býður hágæða tækjabúnað frá Dahua. Jón segir ekkert verk of stórt né of lítið fyrir Vörn. Færst hafi í vöxt að einkaheimili setji upp öryggismyndavélar

Tólfhundruð fyrirtæki með búnað frá Vörn

„Við höfum sett upp kerfi í yfir tólfhundruð fyrirtækjum og þjónustum einnig einkaheimili. Það er mjög algengt að öryggiskerfi og myndavélar séu sett upp í einbýlishúsum og þá er talsvert um að húsfélög fjölbýlishúsa láti setja upp myndavélar í sameiginlegum hjólageymslum og á útisvæðum. Slíkur öryggisbúnaður kemur að miklu gagni ef skemmdir verða á bílum eða reiðhjól hverfa úr geymslum og hefur meðal annars komið að gagni í ofbeldismálum. Þessi tækjabúnaður er á viðráðanlegu verði í dag. Einföld myndavél getur kostað innan við tuttugu þúsund krónur,“ útskýrir Jón.

Hann bendir á að þegar um fjölbýli sé að ræða þurfi undirskrifað samþykki á húsfundi. Þá þurfi ávallt að setja upp merkingar sem gefa fólki til kynna að svæðið sé vaktað með öryggismyndavélum. „Við getum séð um tæknivinnu og uppsetningu og sjáum þá til þess að allt sé samkvæmt reglugerðum. Persónuverndarlög hér á landi eru ströng en sanngjörn þegar kemur að öryggi og mannslífum,“ útskýrir Jón.

Gervigreind þekkir ákveðin andlit úr

„Dahua er okkar samstarfsaðili en það fyrirtæki er í fremstu röð á heimsmælikvarða hvað varðar framþróun í öryggistækni. Þar má nefna gervigreind sem þekkir andlit sem hlaðið hefur verið inn. Slíkt nýtist sérstaklega stærri verslunum en kerfið gerir þá starfsfólki viðvart ef síbrotamaður eða einstaklingur með sögu um innbrot, er kominn inn í verslunina. Þessi tækni nýtist skemmtistöðum einnig í málum er varða byrlanir og líkamsárásir. Vörn vinnur þétt með lögreglunni og sinnir útköllum oft í viku. Þessi tækni hefur skilað miklum árangri og er innan persónuverndarlaga, svo lengi sem skýrar merkingar eru uppi sem taka fram að svæðið sé vaktað með öryggismyndavélum.“

Stóraukið öryggi á sjó

„Varðandi lífsbjargir á sjó bjóðum við upp á gervigreindar Thermal myndavélar sem ramma inn ákveðið svæði og gera viðvart þegar manneskja fer út fyrir það svæði. Sem dæmi eru slíkar vélar settar í stefni skips, vélin rammar skipið inn með línu og Thermal kerfið þekkir manneskjur frá hlutum á dekkinu. Ef manneskja lendir út fyrir línuna sér kerfið viðkomandi og getur einnig elt manninn í sjónum,“ útskýrir Jón.

Brautryðjendur í öryggistækni

„Við reynum alltaf að vera skrefinu á undan. Vörn var á sínum tíma fyrsta öryggisfyrirtækið sem bauð upp á öryggismyndavélar sem hægt var að fylgjast með í gegnum síma. Við erum einnig brautryðjendur þegar kemur að öryggisbúnaði með gervigreind sem þekkir úr andlit. Þá skerum við okkur frá öðrum fyrirtækjum þar sem við förum ekki fram á að fólk skrifi undir þjónustusamning. Viðskiptavinur fær upplýsingarnar samstundis í símann og getur skoðað sjálfur í myndavélinni hvað er að gerast. Við erum ekki milliliður og þannig spara viðskiptavinir gríðarlegar upphæðir.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.