Innlent

Mikill við­búnaður vegna báts sem tók niðri

Eiður Þór Árnason skrifar
Báturinn var við eyjuna Vigur í Ísafjarðardjúpi.
Báturinn var við eyjuna Vigur í Ísafjarðardjúpi. Vísir/Vilhelm

Mikill viðbúnaður var hjá Landhelgisgæslunni og björgunarsveitum á áttunda tímanum í kvöld vegna harðbotna slöngubáts sem tók niðri við eyjuna Vigur í Ísafjarðardjúpi.

Báturinn varð aflvana í kjölfarið og rak stjórnlaust í átt að klettum suður af eyjunni, rétt utan við mynni Hestfjarðar. Farþegabátur sem staddur var í Djúpinu var fyrstur á vettvang og náði að koma taug yfir í slöngubátinn og dró hann í höfn laust fyrir klukkan átta í kvöld.

Þetta kemur fram í tilkynningu frá Landhelgisgæslunni en áhöfnin á varðskipinu Þór, þyrlusveit Landhelgisgæslunnar og áhöfn björgunarskipsins Gísla Jóns voru þegar í stað kallaðar út á mesta forgangi. 

Þá voru skip og bátar í grenndinni einnig beðin um að halda á staðinn. Sex voru um borð í bátnum og voru aðstæður í Ísafjarðardjúpi að sögn Gæslunnar krefjandi með hvassviðri og krappri öldu.

Landhelgisgæslan Björgunarsveitir Ísafjarðarbær
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið