Slá aðra samstjórn út af borðinu: „Við þurfum ekkert að ræða það frekar“ Tryggvi Páll Tryggvason skrifar 8. maí 2022 23:00 Hilda Jana Gísladóttir, oddviti Samfylkingarinnar á Akureyri, Heimir Örn Árnason, oddviti Sjálfstæðisflokksins, Sunna Hlín Jóhannesdóttir, oddviti Framsóknarflokksins, og Gunnar Líndal Sigurðsson, oddviti L-Listans. Vísir Útilokað er að aftur verði mynduð samstjórn allra flokka í bæjarstjórn Akureyrar eftir kosningarnar um næsti helgi. Fulltrúar flokkanna slá það alveg út af borðinu. Það er greinilega eftirsóknarvert að komast í bæjarstjórn á Akureyri þar sem níu listar bjóða fram í kosningunum um næstu helgi og hafa aldrei verið fleiri. Flokkur fólksins og Kattaframboðið bjóða fram í fyrsta skipti. Ellefu bæjarfulltrúar mynda bæjarstjórn í þessu tuttugu þúsund íbúa sveitarfélagi. Eftir síðustu kosningar mynduðu L-listinn, Samfylkingin og Framsóknarflokkurinn sex manna meirihluta. Í september 2020 tók hins vegar samstjórn allra flokka í bæjarstjórn við völdum til að bregðast við bágri fjárhagsstöðu vegna faraldursins. Það stendur hins vegar ekki til að prófa þetta aftur. Útrætt mál „Við erum með skýra sýn hér um að við viljum ekki sjá svona samstjórn aftur,“ segir Sunna Hlín Jóhannesdóttir, oddviti Framsóknarflokksins. Gunnar Líndal Sigurðsson, oddviti L-Listans, tekur í sama streng: „Eins og umræðan hefur verið og staðan er þá tel ég augljóst að það verður meiri- og minnihluti.“ „Ég held að það sé alveg ljóst að það er ekki vilji held ég hjá neinum til þess að halda því fyrirkomulagi áfram þannig að ég á ekki von á því,“ segir Hilda Jana Gísladóttir, oddviti Samfylkingarinnar. „Við viljum bara skýran meirihluta þannig að við þurfum ekkert að ræða það frekar,“ segir Heimir Örn Árnason, oddviti Sjálfstæðisflokksins. Útrætt mál. En hverjar eru áherslurnar hjá stærstu flokkunum fjórum í bæjarfélagi þar sem helsta pólitíska deilumál síðustu tveggja ára hefur verið um hvort leyfa eigi lausagöngu katta? Heldur óvenjulegt stjórnarform hefur verið við lýði í höfuðstað Norðurlands.Vísir/Vilhelm Jafnrétti, leikskólar og atvinnumál „Okkar framtíðarsýn er sú að hérna byggjum við upp skemmtilega og fjölskylduvæna svæðisborg sem leggur áherslu á jöfnuð og mannréttindi og lýðræði, þar sem umhverfis- og loftslagsmál eru eitt af stóru málunum, þar sem við stöndum vörð um okkar viðkvæmustu hópa og höldum áfram að skapa sveitarfélag sem er eftirsóknarvert fyrir atvinnulíf, búsetu og heimsóknir til skemmri eða lengri tíma,“ segir Hilda Jana Gísladóttir, oddviti Samfylkingarinnar. „Við ætlum að auka grunnþjónustuna í leik- og grunnskólum og ætlum að fara í markaðsátak til að fjölga íbúum hérna, sérstaklega yngri og þess vegna stefnum við á gjaldfrjálsa leikskóla. Við ætlum að hafa hugmyndasamkeppni varðandi Akureyrarvöll, það er gríðarlega spennandi verkefni og gæti orðið ímynd Akureyrar í framtíðinni,“ segir Heimir Örn Árnason, oddviti Sjálfstæðisflokksins. Miklar vonir eru bundnar við eflingu ferðaþjónustu á Norðausturlandi.Vísir/Vilhelm Skipulags- og húsnæðismál sömuleiðis í brennidepli „Svo teljum við mikilvægt að halda í unga fólkið okkar og að þau hafi tækifæri til að koma aftur í bæinn okkar eftir nám. Þá þarf að vera húsnæði í boði og fjölbreytt atvinnutækifæri, og í því sambandi þá þurfum við að skapa okkur skýra framtíðarsýn í atvinnumálum í samstarfi við atvinnurekendur, menntastofnanir, frumkvöðla, og ferðaþjónustuaðila,“ segir Sunna Hlín Jóhannesdóttir, oddviti Framsóknarflokksins. „Það eru náttúrulega skipulagsmál. Við þurfum að leysa þann vanda sem skapast hefur á húsnæðismarkaði fyrir alla hópa. Við viljum byggja hérna upp blómríkan, sólríkan miðbæ með lágreistri byggði í sátt og samlyndi við íbúa og umhverfi. Tólf mánaða börn á leikskóla, við viljum að þau komist öll inn og áttum okkur á því að það gerist ekki á einni nóttu. Við þurfum að leysa þann vanda og viljum gera það með því að styðja við dagforelda og heimgreiðslur,“ segir Gunnar Líndal Sigurðsson, oddviti L-Listans. Efla þurfi græna atvinnustarfsemi og ferðaþjónustu en draga úr svifryki Þetta voru fulltrúar flokkanna. Við fengum líka fulltrúa umhverfis-, nýsköpunar- og ferðamála til að brýna nýja bæjarstjórn til dáða. „Draumurinn okkar er að það verði mynduð hér græn atvinnustefna. Það þarf hugrekki til þess og það væri draumur ef menn myndu þora því og sjá svolítið langt fram í tímann með þessa grænu atvinnustefnu,“ segir Sesselja Ingibjörg Barðdal Reynisdóttir, framkvæmdastjóri Eims. Sesselja Ingibjörg Barðdal Reynisdóttir, framkvæmdastjóri Eims.Vísir „Þá myndi ég telja að það væri innleiðing á nýju sorphirðukerfi og bæta meðhöndlun á sorpi, og svo auðvitað hvernig við ætlum að losa okkur við olíuna og draga úr umferð hérna í bænum og minnka svifryk,“ segir Guðmundur Haukur Sigurðarson, framkvæmdastjóri Vistorku. „Bæjarstjórnin þarf að huga að því að styðja ferðaþjónustuna í markaðssetningu, í sjálfbærni, í nýsköpun og því bara að koma greininni af stað. Svo auðvitað fylgir ferðaþjónustunni alþjóðavæðing svo horfið svolítið á fjölbreytni hér og styðjið við hana í bænum,“ segir Arnheiður Jóhannsdóttir, framkvæmdastjóri Markaðsstofu Norðurlands. Akureyri Sveitarstjórnarkosningar 2022 Samfylkingin Framsóknarflokkurinn Sjálfstæðisflokkurinn Mest lesið Stórhættulegur framúrakstur við Ingólfsfjall Innlent Kraftaverk að ekki fór verr þegar bíll hafnaði ofan á tveimur Innlent Von á leifum fellibylsins Erin til landsins Veður „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Öll spjót beinast að ÍBR vegna skipulagsleysis og „rugls í ræsingu“ Innlent Alvarlegt slys á starfsmönnum á Íslandsmeistarmóti í rallycross Innlent Fleiri fréttir Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Sjá meira
Það er greinilega eftirsóknarvert að komast í bæjarstjórn á Akureyri þar sem níu listar bjóða fram í kosningunum um næstu helgi og hafa aldrei verið fleiri. Flokkur fólksins og Kattaframboðið bjóða fram í fyrsta skipti. Ellefu bæjarfulltrúar mynda bæjarstjórn í þessu tuttugu þúsund íbúa sveitarfélagi. Eftir síðustu kosningar mynduðu L-listinn, Samfylkingin og Framsóknarflokkurinn sex manna meirihluta. Í september 2020 tók hins vegar samstjórn allra flokka í bæjarstjórn við völdum til að bregðast við bágri fjárhagsstöðu vegna faraldursins. Það stendur hins vegar ekki til að prófa þetta aftur. Útrætt mál „Við erum með skýra sýn hér um að við viljum ekki sjá svona samstjórn aftur,“ segir Sunna Hlín Jóhannesdóttir, oddviti Framsóknarflokksins. Gunnar Líndal Sigurðsson, oddviti L-Listans, tekur í sama streng: „Eins og umræðan hefur verið og staðan er þá tel ég augljóst að það verður meiri- og minnihluti.“ „Ég held að það sé alveg ljóst að það er ekki vilji held ég hjá neinum til þess að halda því fyrirkomulagi áfram þannig að ég á ekki von á því,“ segir Hilda Jana Gísladóttir, oddviti Samfylkingarinnar. „Við viljum bara skýran meirihluta þannig að við þurfum ekkert að ræða það frekar,“ segir Heimir Örn Árnason, oddviti Sjálfstæðisflokksins. Útrætt mál. En hverjar eru áherslurnar hjá stærstu flokkunum fjórum í bæjarfélagi þar sem helsta pólitíska deilumál síðustu tveggja ára hefur verið um hvort leyfa eigi lausagöngu katta? Heldur óvenjulegt stjórnarform hefur verið við lýði í höfuðstað Norðurlands.Vísir/Vilhelm Jafnrétti, leikskólar og atvinnumál „Okkar framtíðarsýn er sú að hérna byggjum við upp skemmtilega og fjölskylduvæna svæðisborg sem leggur áherslu á jöfnuð og mannréttindi og lýðræði, þar sem umhverfis- og loftslagsmál eru eitt af stóru málunum, þar sem við stöndum vörð um okkar viðkvæmustu hópa og höldum áfram að skapa sveitarfélag sem er eftirsóknarvert fyrir atvinnulíf, búsetu og heimsóknir til skemmri eða lengri tíma,“ segir Hilda Jana Gísladóttir, oddviti Samfylkingarinnar. „Við ætlum að auka grunnþjónustuna í leik- og grunnskólum og ætlum að fara í markaðsátak til að fjölga íbúum hérna, sérstaklega yngri og þess vegna stefnum við á gjaldfrjálsa leikskóla. Við ætlum að hafa hugmyndasamkeppni varðandi Akureyrarvöll, það er gríðarlega spennandi verkefni og gæti orðið ímynd Akureyrar í framtíðinni,“ segir Heimir Örn Árnason, oddviti Sjálfstæðisflokksins. Miklar vonir eru bundnar við eflingu ferðaþjónustu á Norðausturlandi.Vísir/Vilhelm Skipulags- og húsnæðismál sömuleiðis í brennidepli „Svo teljum við mikilvægt að halda í unga fólkið okkar og að þau hafi tækifæri til að koma aftur í bæinn okkar eftir nám. Þá þarf að vera húsnæði í boði og fjölbreytt atvinnutækifæri, og í því sambandi þá þurfum við að skapa okkur skýra framtíðarsýn í atvinnumálum í samstarfi við atvinnurekendur, menntastofnanir, frumkvöðla, og ferðaþjónustuaðila,“ segir Sunna Hlín Jóhannesdóttir, oddviti Framsóknarflokksins. „Það eru náttúrulega skipulagsmál. Við þurfum að leysa þann vanda sem skapast hefur á húsnæðismarkaði fyrir alla hópa. Við viljum byggja hérna upp blómríkan, sólríkan miðbæ með lágreistri byggði í sátt og samlyndi við íbúa og umhverfi. Tólf mánaða börn á leikskóla, við viljum að þau komist öll inn og áttum okkur á því að það gerist ekki á einni nóttu. Við þurfum að leysa þann vanda og viljum gera það með því að styðja við dagforelda og heimgreiðslur,“ segir Gunnar Líndal Sigurðsson, oddviti L-Listans. Efla þurfi græna atvinnustarfsemi og ferðaþjónustu en draga úr svifryki Þetta voru fulltrúar flokkanna. Við fengum líka fulltrúa umhverfis-, nýsköpunar- og ferðamála til að brýna nýja bæjarstjórn til dáða. „Draumurinn okkar er að það verði mynduð hér græn atvinnustefna. Það þarf hugrekki til þess og það væri draumur ef menn myndu þora því og sjá svolítið langt fram í tímann með þessa grænu atvinnustefnu,“ segir Sesselja Ingibjörg Barðdal Reynisdóttir, framkvæmdastjóri Eims. Sesselja Ingibjörg Barðdal Reynisdóttir, framkvæmdastjóri Eims.Vísir „Þá myndi ég telja að það væri innleiðing á nýju sorphirðukerfi og bæta meðhöndlun á sorpi, og svo auðvitað hvernig við ætlum að losa okkur við olíuna og draga úr umferð hérna í bænum og minnka svifryk,“ segir Guðmundur Haukur Sigurðarson, framkvæmdastjóri Vistorku. „Bæjarstjórnin þarf að huga að því að styðja ferðaþjónustuna í markaðssetningu, í sjálfbærni, í nýsköpun og því bara að koma greininni af stað. Svo auðvitað fylgir ferðaþjónustunni alþjóðavæðing svo horfið svolítið á fjölbreytni hér og styðjið við hana í bænum,“ segir Arnheiður Jóhannsdóttir, framkvæmdastjóri Markaðsstofu Norðurlands.
Akureyri Sveitarstjórnarkosningar 2022 Samfylkingin Framsóknarflokkurinn Sjálfstæðisflokkurinn Mest lesið Stórhættulegur framúrakstur við Ingólfsfjall Innlent Kraftaverk að ekki fór verr þegar bíll hafnaði ofan á tveimur Innlent Von á leifum fellibylsins Erin til landsins Veður „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Öll spjót beinast að ÍBR vegna skipulagsleysis og „rugls í ræsingu“ Innlent Alvarlegt slys á starfsmönnum á Íslandsmeistarmóti í rallycross Innlent Fleiri fréttir Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Sjá meira