Viðskipti innlent

Breytingar á fram­kvæmda­stjórn Sam­kaupa

Atli Ísleifsson skrifar
Hallur Geir Heiðarsson, Gunnur Líf Gunnarsdóttir, Heiður Björk Friðbjörnsdóttir og Stefán Ragnar Guðjónsson.
Hallur Geir Heiðarsson, Gunnur Líf Gunnarsdóttir, Heiður Björk Friðbjörnsdóttir og Stefán Ragnar Guðjónsson. Samkaup

Gunnar Egill Sigurðsson, forstjóri Samkaupa, kynnti í dag breytingar á framkvæmdastjórn Samkaupa.

Í tilkynningu kemur fram að nýr framkvæmdastjóri komi inn, auk þess sem breytingar séu á verkaskiptingu innan framkvæmdastjórnarinnar.

„Hallur Geir Heiðarsson mun taka við sem framkvæmdastjóri innkaupa- og vörustýringasviðs og kemur nýr inn í framkvæmdastjórn Samkaupa. Undir sviðið heyra vöruhús og innkaupasamningar. Hallur hefur unnið hjá Samkaupum í 25 ár og sinnt þar margvíslegum störfum en frá árinu 2013 hefur hann gegnt starfi rekstrarstjóra Nettó. Hallur er í viðskiptafræðinámi við Háskólann á Bifröst.

Gunnur Líf Gunnarsdóttir tekur við sem framkvæmdastjóri mannauðs- og samskiptasviðs auk þess sem hún verður staðgengill forstjóra. Undir sviðið heyra mannauðsmál, ytri og innri samskipti og samfélagsleg ábyrgð. Gunnur er með B.ed. gráðu í grunnskólakennarafræðum og MBA gráðu frá Háskóla Íslands. Gunnur hefur starfað sem framkvæmdastjóri mannauðssviðs Samkaupa frá árinu 2018.

Heiður Björk Friðbjörnsdóttir verður framkvæmdastjóri fjármála- og rekstrarsviðs. Undir sviðið heyra öll fjármál og eftirlit með rekstri félagsins ásamt upplýsingatæknimálum. Heiður er með B.A. gráðu í viðskiptafræði og MBA gráðu frá Háskóla Íslands. Heiður hefur starfað sem fjármálastjóri Samkaupa frá árinu 2020.

Stefán Ragnar Guðjónsson tekur við sem framkvæmdastjóri verslunarsviðs. Undið sviðið heyrir kjarnastarfsemi félagsins sem eru verslanir Samkaupa undir vörumerkjunum Nettó, Krambúðin, Kjörbúðin og Iceland. Stefán Ragnar hefur unnið hjá Samkaupum í 25 ár. Hann hóf stjórnendaferil sinn sem verslunarstjóri hjá félaginu árið 1997 en starfaði síðast sem framkvæmdastjóri innkaupasviðs. Hann er með B.A. gráðu í viðskiptafræði og MBA gráðu í Retail Management frá Stirling háskólanum í Skotlandi,“ segir í tilkynningunni. 

Samkaup rekur 66 verslanir um land allt, þar af þrjátíu á stórhöfuðborgarsvæðinu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×