Viðskipti innlent

Réðu flóttamann frá Úkraínu til starfa

Eiður Þór Árnason skrifar
Roman Drahulov hyggst búa áfram á Íslandi.
Roman Drahulov hyggst búa áfram á Íslandi. Samsett

Roman Drahulov hefur verið ráðinn til starfa hjá hafnarþjónustu Faxaflóahafna en hann flúði nýverið frá heimalandi sínu Úkraínu vegna stríðsástandsins í landinu. Roman er á 23. aldursári og um leið yngsti núverandi starfskraftur hafnarþjónustunnar. Hann er jafnframt fyrsti erlendi starfsmaðurinn sem ráðinn er til Faxaflóahafna.

Í færslu á Facebook-síðu Faxaflóahafna segir að Roman hafi mætt á skrifstofur fyrirtækisins þann 13. apríl síðastliðinn til að kanna möguleika á starfi. Strax hafi verið ákveðið að ráða hann til starfa hjá hafnarþjónustu Faxaflóahafna. 

Talið er að starfskraftar hans muni þar nýtast vel en Roman er lærður vélstjóri og hefur starfað sem slíkur í nokkur ár. Að sögn Faxaflóahafna hefur hann jafnframt hug á að búa á Íslandi í framtíðinni.

„Faxaflóahafnir bjóða Roman hjartanlega velkominn til starfa hjá fyrirtækinu,“ segir í færslunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.