Erlent

Byrjað að rýma á Asóreyjum

Smári Jökull Jónsson skrifar
Asóreyjar eru eyjaklasi vestan við Portúgal.
Asóreyjar eru eyjaklasi vestan við Portúgal. Vísir/Getty

Yfirvöld á Asóreyjum hafa byrjað að flytja fólk á brott sem býr nálægt ströndinni en óttast er að eldgos gæti hafist á eyjunum. Mikil skjálftavirkni hefur verið á eyjunum síðustu daga.

Síðan á laugardag hafa yfir tvö þúsund jarðskjálftar mælst, með styrkleika á bilinu 1,6-3,3 á richterskalanum, á eldfjallaeyjunni Sao Jorge en þar búa tæplega níu þúsund manns.

Jarðskjálftarnir hafa ekki valdið neinum skemmdum en stór skjálfti varð á Asóreyjum árið 1980 og þá létust 61 og yfir 400 slösuðust. Íbúar hjúkrunarheimila og sjúklingar á sjúkrahúsum í bænum Velas, þar sem líklegt er að áhrif mögulegs eldgoss yrðu mikil, hafa verið fluttir til Calheta hinum megin á eyjunni.

Fram kom í máli bæjarstjóra Velas í gær að aðrir íbúar yrðu ekki fluttir til Calheta nema nauðsyn krefði.

Fjölmargir jarðskjálftar hafa mælst á eyjunum síðustu daga.CIVISA
Portúgal Eldgos og jarðhræringar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið