Formúla 1

Hamilton: Við þurfum fleiri hlutlausa aðila

Atli Arason skrifar
Lewis Hamilton
Lewis Hamilton EPA-EFE

Lewis Hamilton hefur sakað dómarateymi í Formúlu 1 um að vera hlutdræg í garð ákveðinna ónefndra ökumanna í formúlunni.

„Sumir ökumenn eru mjög góðir vinir ákveðna aðila innan dómgæslunnar og sumir þeirra ferðast meira að segja saman sem veldur því að dómurum líkar betur við ákveðna ökumenn umfram aðra,“ sagði Hamilton á fréttamannafundi í Barcelona í dag eftir fyrsta dag undirbúningstímabilsins.

Michael Masi, fyrrum keppnisstjóri F1, var rekinn úr stöðu sinni í síðustu viku en Masi tók umdeilda ákvörðun í lokakappakstri síðustu leiktíðar, ákvörðun sem varð til þess að Max Verstappen náði yfirhöndinni í baráttunni við Hamilton um heimsmeistaratitilinn.

Í stað Masi koma tveir nýir aðilar, Niels Wittich og Eduardo Freitas, sem munu nú deila því hlutverki sem Masi sá einn um áður. Hamilton vill að F1 gangi lengra en hann kallar einnig eftir meiri fjölbreytni í dómarateymið.

„Við þurfum fleiri hlutlausa aðila þegar það kemur af ákvörðunartöku. Ég vil einnig sjá fleiri konur í dómaraherberginu.“




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.