Innlent

Konur og karlar í SÁÁ skora á Þóru Kristínu að gefa kost á sér

Jakob Bjarnar skrifar
Mikill stuðningur er við Þóru Kristínu sem næsta formann SÁÁ en tuttugu konur og tuttugu karlar í aðalstjórn samtakanna hafa, hvor hópur um sig, skorað á Þóru Kristínu að gefa kost á sér í starfið.
Mikill stuðningur er við Þóru Kristínu sem næsta formann SÁÁ en tuttugu konur og tuttugu karlar í aðalstjórn samtakanna hafa, hvor hópur um sig, skorað á Þóru Kristínu að gefa kost á sér í starfið. vísir/vilhelm/aðsend

Tuttugu konur og tuttugu karlar í stjórn SÁÁ hafa sent frá sér áskorun til Þóru Kristínar Ásgeirsdóttur að gefa kost á sér sem næsti formaður samtakanna. Þóra Kristín starfar sem upplýsingafulltrúi Íslenskrar erfðagreiningar og Kára Stefánssonar forstjóra þar.

„Eftirtaldar konur í aðalstjórn SÁÁ skora á Þóru Kristínu Ásgeirsdóttur, fjölmiðlakonu og upplýsingafulltrúa, að gefa kost á sér sem næsti formaður SÁÁ. Við teljum hana vera þann leiðtoga sem samtökin þarfnast í ljósi þeirra atburða sem gerst hafa og þeirra breytinga sem þurfa að verða í kjölfar þeirra. Þóra Kristín nýtur fulls trausts okkar og við teljum að hún geti leitt samtökin á farsælan hátt til móts við nýja tíma,“ segir í yfirlýsingu kvennanna.

Í kjölfarið sendu svo karlar í stjórn frá sér sambærilega áskorun:

„Við undirritaðir, félagar í aðalstjórn SÁÁ, tökum heilshugar undir þá hvatningu sem konur í samtökunum hafa sent frá sér, til Þóru Kristínar Ásgeirsdóttur, að gefa kost á sér sem næsti formaður SÁÁ. Við erum á því að Þóra Kristín sé einmitt sá leiðtogi sem samtökin þurfa á að halda á þessum tímapunkti og nýtur hún okkar fyllsta trausts til þess að leiða samtökin með farsælum hætti inn í nýja og breytta tíma.

Þóra Kristín hefur verið orðuð við formennskuna og sagði í samtali við Vísi nýverið að henni þætti þetta spennandi verkefni.

Nöfn þeirra sem skrifa undir má sjá hér neðst en um er að ræða 40 af 48 manna aðalstjórn. Samtökin hafa mátt sigla í gegnum ólgusjó að undanförnu. Sjúkratryggingar Íslands hafa sent SÁÁ kröfu um endurgreiðslu á 175 milljónum vegna þess sem SÍ segir tilhæfulausa reikninga. Það erindi hefur verið sent til Landlæknisembættisins, persónuverndar sem og héraðssaksóknara sem þýðir að um er að ræða grun um fjársvik. Í kjölfarið komu svo fram ásakanir á hendur Einari Hermannssyni fyrrum formanni um vændiskaup hans af skjólstæðingi samtakanna. Einar hefur sagt af sér vegna málsins.

Nýr formaður verður kosinn á næsta aðalfundi sem ekki liggur nákvæmlega fyrir hvenær verður haldinn en honum verður þó flýtt en ef allt væri með kyrrum kjörum hefði sá fundur verið haldinn í vor. Á fimmtudaginn næsta mun aðalstjórn hittast til að velja tvo nýja menn í framkvæmdarstjórn.


Konur skora á Þóru Kristínu

1. Anna Hildur Guðmundsdóttir

2. Ásdís Olsen

3. Berglind Þöll Heimisdóttir

4. Bryndís Morrison

5. Ellen Guðmundsdóttir

6. Gróa Ásgeirsdóttir

7. Halldóra Jónasdóttir

8. Helga Haraldsdóttir

9. Helga Óskarsdóttir

10. Hjördís Reykdal

11. Ingunn Hansdóttir

12. Íris Kristjánsdóttir

13. K. Halla Magnúsdóttir

14. Kristjana Jónsdóttir

15. Ragnheiður Dagsdóttir

16. Sigurbjörg Anna Þór Björnsdóttir

17. Steinunn Valdís Óskarsdóttir

18. Svala Ísfeld Ólafsdóttir

19. Valgerður Jóhannsdóttir

20. Valgerður Rúnarsdóttir


Og karlar skora á Þóru Kristínu

1. Ásmundur Friðriksson

2. Einar Axelsson

3. Frosti Logason

4. Gísli Stefánsson

5. Grétar Örvarsson

6. Guðmundur Örn Jóhannsson

7. Gunnar Alexander Ólafsson

8. Haukur Einarsson

9. Héðinn Eyjólfsson

10. Heimir Bergmann Hauksson

11. Hilmar Kristensen

12. Ingibergur Ragnarsson

13. Jón H.B. Snorrason

14. Kristmundur Carter

15. Óskar Torfi Viggósson

16. Pétur Einarsson

17. Rúnar Freyr Gíslason

18. Sigurður Ragnar Guðmundsson

19. Þórarinn Ingi Ingason

20. Þráinn Farestveit


Tengdar fréttir

Afsögn formanns SÁÁ: Svaraði auglýsingu um kynlíf gegn greiðslu

Einar Hermannsson hefur sagt af sér sem formaður SÁÁ. Þetta kemur fram í yfirlýsingu frá honum til fjölmiðla. Hann segir ástæðuna þá að hann hafi svarað auglýsingu á netinu fyrir einhverjum árum þar sem í boði hafi verið kynlíf gegn greiðslu. Það mál hafi ratað aftur upp á yfirborðið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×