Isabella Ósk með hæsta framlag íslensks leikmanns í einum leik í deildinni í vetur

Isabella Ósk var með 25 stig, 19 fráköst, 5 stolna bolta og 3 stoðsendingar í leiknum. Hún átti mestan þátt í því að Breiðablik vann leikinn með tólf stiga mun, 78-66.

Stóru stelprnar hjá Valsliðinu, Ásta Júlía Grímsdóttir og Heta Marjatta Aijanen, komust lítið áfram gegn Ísabellu í teignm en aðeins 4 af 17 skotum þeirra Ástu og Hetu fóru rétta leið í körfuna.

Isabella fékk alls 43 framlagsstig fyrir frammistöðu sína sem er það hæsta sem íslenskur leikmaður hefur náð í einum leik í deildinni í vetur.

Hún gerði þar betur Dagný Lísa Davíðsdóttir hjá Fjölni sem hafði bæði átt leiki í vetur með 41 og 40 framlagsstigum. Fjórir erlendir leikmenn hafa náð hærra framlagi í einum leik í vetur en það mesta er 53 framlagsstig hjá Fjölniskonunni Sönju Orozovic í desember.

Þetta var aftur á móti langhæsta framlag hjá einum leikmanni á móti Íslandsmeisturum Vals í vetur en áður hafði Aliyah A'taeya Collier hjá Njarðvík skilaði hæsta framlagi á móti Val eða 36 framlagsstigyum í byrjun desember.

Isabella Ósk missti af stórum hluta tímabilsins en er heldur betur komin á fullt og um leið er Blikaliðið til alls líklegt eins og sást á úrslitunum í gær.