Handbolti

Guðmundur: Þetta verður fróðleg viðureign

Henry Birgir Gunnarsson skrifar
Guðmundur og drengirnir hans ætla að skilja allt eftir á gólfinu í dag.
Guðmundur og drengirnir hans ætla að skilja allt eftir á gólfinu í dag. vísir/getty

Það er hörkuleikur fram undan hjá strákunum okkar í dag. Leikur um fimmta sætið á EM þar sem farseðill á HM er í boði.

„Við leggjum þennan leik svipað upp og við höfum verið að gera til þessa í mótinu,“ segir Guðmundur Guðmundsson landsliðsþjálfari en Noregur hefur verið með eitt besta lið heims undanfarin ár.

„Ef við tölum um varnarleikinn okkar þá þurfum við að halda vel á móti þeim því þeir keyra inn í vörnina og halda boltanum alltaf í leik. Eru líkamlega sterkir og vel spilandi. Við þurfum að spila mjög vel í vörninni á móti þessu góða liði.“

Sóknarleikurinn verður einnig með svipuðu sniði enda gengið vel.

„Sóknin hefur rúllað mjög vel og höldum því áfram á sama hátt. Þetta leikplan sem ég hef talað mikið um hefur haldið leik eftir leik. Það koma nýir menn inn og falla inn í það. Þetta verður fróðleg viðureign.“

Norðmenn misstu af undanúrslitasæti á grátlegan hátt, rétt eins og Ísland. Þetta verður því rimma á milli tveggja særðra dýra.

„Að vissu leyti snýst þetta kannski um hvoru liðinu gengur betur að rífa sig upp í þetta.“

Klippa: Guðmundur um leikinn gegn Noregi



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.