Innlent

Karen Elísa­bet vill leiða Sjálf­stæðis­flokkinn í Kópa­vogi

Eiður Þór Árnason skrifar
Karen Elísabet Halldórsdóttir hefur gegnt hinum ýmsu trúnaðarstörfum fyrir bæinn.
Karen Elísabet Halldórsdóttir hefur gegnt hinum ýmsu trúnaðarstörfum fyrir bæinn. Aðsend

Karen Elísabet Halldórsdóttir sækist eftir fyrsta sæti í prófkjöri Sjálfstæðisflokksins í Kópavogi þann 12. mars. Hún hefur starfað þar sem bæjarfulltrúi síðastliðin átta ár.

Þetta kemur fram í tilkynningu hennar til fjölmiðla en Karen starfar sem skrifstofustjóri samhliða störfum bæjarfulltrúa.

„Mér þykir vænt um bæjarfélagið og fólkið sem hér býr, ég vil sjá blómlegt mannlíf ásamt því að bærinn haldi áfram á þeirri vegferð að bæta þjónustu við bæjarbúa. Ég vil leiða lista Sjálfstæðisflokksins í Kópavogi til sigurs næsta vor og tel að reynsla mín og þekking muni nýtast í komandi sveitastjórnarkosningum,“ segir Karen í yfirlýsingunni. Hún hafi á síðustu átta árum aflað sér víðtækrar þekkingar á öllum málaflokkum í rekstri bæjarins.

Karen Elísabet sinnir ýmsum trúnaðarstörfum fyrir Kópavog. Hún er varaformaður bæjarráðs, formaður velferðaráðs, lista- og menningarráðs og öldungaráðs. Einnig hefur hún setið í ráðgjafanefnd Jöfnunarsjóðs Sambands íslenskra sveitafélaga í tæp átta ár og fjögur ár í stjórn Strætó. Hún er með BA-gráðu í sálfræði og meistaragráðu í mannauðsstjórnun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.