Danmörk var með fimm marka forskot þegar skammt var til leiksloka en með mögnuðum endaspretti náðu Frakkar að knýja fram sigur og tryggja sér far með Dönum í undanúrslitin. Eftir sátu Íslendingar með sárt ennið.
Fjöldi Íslendinga fékk útrás fyrir reiði sína á Twitter og sumir létu hana bitna á Boysen, sem ekki hafði sér til saka unnið nokkuð annað en það að vinna magnað starf í þágu íþróttarinnar með umfjöllun um handbolta.
Fann til með Íslendingum en fékk skít og skammir
„Finn svo til með íslenskum vinum mínum í kvöld. Íþróttir eru stundum grimmar… En þetta íslenska lið mun spila í undanúrslitum í framtíðinni!“ skrifaði Boysen en fékk lítið annað en skít og skammir frá öðrum Twitter-notendum, sem margir vildu meina að Danir hefðu hreinlega viljandi tapað leiknum. Sum ummælanna hafa nú verið fjarlægð.
Boysen skrifaði svo langa færslu í gærkvöld þar sem hann lýsti yfir vonbrigðum með mörg þeirra ummæla sem hann hefði lesið eftir tap Dana.
1/6 Reading some of the comments after the Danish defeat makes me disappointed.
— Rasmus Boysen (@RasmusBoysen92) January 26, 2022
Handball is a gentleman sport.
We fight for 60 minutes, mostly without violence or flopping. With respect! At championships fans show respect for each other and have a good time together. https://t.co/0WGcXQqo9H
„Handbolti er herramannaíþrótt. Við berjumst í 60 mínútur, að mestu án ofbeldis eða leikaraskaps. Með virðingu! Á stórmótum sýna stuðningsmenn liðanna hverjir öðrum virðingu og njóta tímans saman,“ skrifaði Boysen. Í gærkvöld hafi hins vegar eitthvað allt annað verið í gangi.
3/6 After defeats it s okay to be disappointed or angry. But some of the comments are disgusting and do not belong in handball!
— Rasmus Boysen (@RasmusBoysen92) January 26, 2022
I m absolutely sure that the Danish players (I know several of them personally) did EVERYTHING to win. To insinuate everything else is disrespectful.
Algjörlega viss um að dönsku leikmennirnir gerðu allt til að vinna
„Eftir tap er í lagi að vera vonsvikinn og reiður. En sum af ummælunum eru viðbjóðsleg og eiga ekki heima í handbolta!
Ég er algjörlega viss um að dönsku leikmennirnir (ég þekki suma af þeim persónulega) gerðu ALLT til að vinna. Það er algjör vanvirðing að halda öðru fram,“ skrifaði Boysen og benti fólki á að allt getur gerst í handbolta. Það sé líka eðlilegt að þjálfari Dana hafi viljað veita Mikkel Hansen og Mathias Gidsel nauðsynlega hvíld í gær fyrst tækifæri gafst:
„Nikolaj Jacobsen ætti bara að hugsa um eitt – að vinna Evrópumótið. Ef hann heldur að líkurnar á því aukist með því að hvíla stjörnuleikmenn gegn Frakklandi þá á hann auðvitað að gera það. Það er vinnan hans! Það er sorglegt fyrir Ísland en þið þurfið að sætta ykkur við það.“
