Fótbolti

Dort­mund fylgir fast á hæla Bayern

Runólfur Trausti Þórhallsson skrifar
Erling Braut Håland skoraði tvívegis í kvöld.
Erling Braut Håland skoraði tvívegis í kvöld. Lars Baron/Getty Images

Borussia Dortmund vann öruggan 5-1 sigur á Freiburg í eina leik kvöldsins í þýsku úrvalsdeildinni í knattspyrnu. Dortmund er nú aðeins þremur stigum á eftir toppliði Bayern.

Belgíski bakvörðurinn Thomas Meunier kom heimamönnum yfir á 14. mínútu og tvöfaldaði forystuna stundarfjórðung síðar. Í bæði skiptin skoraði hann eftir sendingu frá Julian Brandt.

Erling Braut Håland fór svo langleiðina með að tryggja sigur Dortmund þegar hann skoraði þriðja mark liðsins í uppbótartíma fyrri hálfleiks, staðan 3-0 er liðin gengu til búningsherbergja.

Ermedin Demirovic minnkaði muninn eftir klukkutíma leik en Håland kom Dortmund í 4-1 þegar stundarfjórðungur lifði leiks. Mahmoud Dahoud tryggði svo 5-1 sigur Dortmund. 

Liðið nú í 2. sæti þýsku úrvalsdeildarinnar með 40 stig, þremur stigum minna en Bayern sem á þó leik til góða.

Fótbolti Þýski boltinn

Mest lesið


Fleiri fréttir

Sjá meira


×

Mest lesið