Innlent

Vegfarandi stöðvaði ofurölvi ökumann

Samúel Karl Ólason skrifar
Lögregluþjónar aðstoðuðu mann á heilbrigðisstofnun eftir að þeim barst tilkynning um annarlegt ástand hans.
Lögregluþjónar aðstoðuðu mann á heilbrigðisstofnun eftir að þeim barst tilkynning um annarlegt ástand hans. Vísir/Vilhelm

Lögreglunni á höfuðborgarsvæðinu barst í morgun tilkynning um rásandi aksturlag og mögulegan ölvunarakstur. Sá sem lét lögregluna vita stoppaði sjálfur akstur ökumannsins er hann stoppaði á rauðu ljósi.

Tilkynningin barst á tíunda tímanum í morgun. Í dagbók lögreglunnar segir að maðurinn hafi reynst ofurölvi og hafi verið handtekinn.

Þá var ekið á gangandi vegfaranda á áttunda tímanum í morgun. Sá er ekki talinn hafa orðið fyrir alvarlegum meiðslum. Þar að auki var tilkynnt um mann í annarlegu ástandi í dag en ekki kemur fram hvar. Þegar lögregluþjóna bar að garði reyndist maðurinn þurfa aðstoð á heilbrigðisstofnun og fékk hann aðstoð.

Að öðru leyti virðist dagurinn hafa verið rólegur hjá lögreglunni, ef marka má áðurnefnda dagbók.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×