„Enn einn sólarhringurinn að baki“

Viktor Örn Ásgeirsson skrifar 9. janúar 2022 07:27

Slökkviliðið höfuðborgarsvæðisins hefur í nægu að snúast þessa dagana. Vísir/Vilhelm

Slökkvilið höfuðborgarsvæðisins virðist orðið nokkuð þreytt á ástandi síðustu vikna ef marka má færslu slökkviliðsins á Facebook. Flugeldar koma við sögu enn sem áður.

Í færslunni segir: „Enn einn sólarhringurinn að baki og í þetta skiptið fórum við í 96 sjúkraflutninga og 5 útköll á dælubíl.“

Þá voru tveir til fjórir starfsmenn slökkviliðsins sem sinntu sýnatökum vegna kórónuveirunnar víðsvegar á höfuðborgarsvæðinu.

Útköllin voru fjölbreytt en meðal annars var kveikt í blaðagámi í Breiðholti. Slökkviliðið hefur áður sagt í samtali við fréttastofu að útköll á borð við þessi séu algeng í kringum áramótin og beinlínis biðlað til fólks um að hætta að kveikja í gámum.

Slökkviliðið var einnig kallað til aðstoðar vegna umferðaslyss og hreinsunar á olíu en Facebook færsluna má sjá hér að neðan.

Slökkvilið Reykjavík Flugeldar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.